سبك مديـح ومـدح غيـرك مسبّـه (بن فطيس المري )......

مسؤول الطاقة

¬°•| عضو مبتدى |•°¬
إنضم
10 أغسطس 2008
المشاركات
58
الإعجابات
0
الإقامة
مملكة البريمي العظمى
#1
السلاااام عليكم


اليوم نقلت لكم قصيدة
للشاعر محمد بن حمد بن فطيس المري

ليه المسا عـوق الشقـاوي وطبّـه؟
وليه الهبوب تصحي القلب لا بـات؟



وليه القمر يدعـي جريـح المحبّـه؟
ويقول له يا هيه..ما فات ..ما مـات



جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟



اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات



لا استانس الخافق ذكـر مـن يحبّـه
ورجع يراجع فالوناسـات مـا فـات



يا مرتـع القلـب الحزيـن ومربّـه
يزيين بك مثل الذهب صدر الابيـات



هيهات ينسى القلب شخـص ٍ لعبّـه
وهيات يدله خاطـري منـك هيهـات



سبك مديـح .. ومـدح غيـرك مسبّـه
تقول واذني صوتها تقول لـك هـات



ونبع الغـلا عنـدك وعنـدي مصبّـه
ومن الولا .. في خافقي لك ..ولاياات



وطيفك حطب عيني..وعينـي مشبّـه
والشوق برد ٍ ما انقطع لو للحظـات



ومكانك الصدر ولـك القلـب شبّـه
بين الضلوع اللـي فردهـا التنهـات



ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات



محبتـك فالوقـت ذا مــا تشـبّـه
الا بخيمـة بـدو بيـن العـمـارات



ان شفتني ضايق واهوجـس واسبّـه
اخاف غدر الوقت.. والوقـت دورات



لا تحسب ان دمعي نـزل دون سبّـه
ابكي من الفرقا وهـي مابعـد جـات



الـيـوم كــل امورنا..مستـتـبّـه
وبكره ماندري وش معه من مسـرّات



اربّ قلبـك مـثـل قلـبـي اربّــه
ما يخلفه كثـر العـذل.. والمسافـات




أتمنى تعيبكمـ

 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
الإعجابات
0
العمر
30
الإقامة
му σωη ωσяℓD
#2
جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟

لا هنت ياخوي ع الاختيار الراقي ونرقب منك الزود
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإعجابات
1
الإقامة
توام
#6


يا سلام عليه
هالشاعر طلع فجأه ولكن اثبت انه يستحق كل ما وصل اليه
شاعر مبدع

قمة في الاحساس

ما فيك حيله يا بن فطيس

الف الف شكر لك اخوي على طرح القصيده

 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,482
الإعجابات
54
العمر
107
الإقامة
?!?!
#7
يا سلام عليك ...
أختيار جدا مميز و أنا أستمتع بأشعار المرائع الشاعر محمد بن فطيس المري ..
ألف شكر أخي الكريم ...
 
أعلى