سبك مديـح ومـدح غيـرك مسبّـه (بن فطيس المري )......

مسؤول الطاقة

¬°•| عضو مبتدى |•°¬
إنضم
10 أغسطس 2008
المشاركات
58
الإقامة
مملكة البريمي العظمى
السلاااام عليكم


اليوم نقلت لكم قصيدة
للشاعر محمد بن حمد بن فطيس المري

ليه المسا عـوق الشقـاوي وطبّـه؟
وليه الهبوب تصحي القلب لا بـات؟



وليه القمر يدعـي جريـح المحبّـه؟
ويقول له يا هيه..ما فات ..ما مـات



جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟



اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات



لا استانس الخافق ذكـر مـن يحبّـه
ورجع يراجع فالوناسـات مـا فـات



يا مرتـع القلـب الحزيـن ومربّـه
يزيين بك مثل الذهب صدر الابيـات



هيهات ينسى القلب شخـص ٍ لعبّـه
وهيات يدله خاطـري منـك هيهـات



سبك مديـح .. ومـدح غيـرك مسبّـه
تقول واذني صوتها تقول لـك هـات



ونبع الغـلا عنـدك وعنـدي مصبّـه
ومن الولا .. في خافقي لك ..ولاياات



وطيفك حطب عيني..وعينـي مشبّـه
والشوق برد ٍ ما انقطع لو للحظـات



ومكانك الصدر ولـك القلـب شبّـه
بين الضلوع اللـي فردهـا التنهـات



ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات



محبتـك فالوقـت ذا مــا تشـبّـه
الا بخيمـة بـدو بيـن العـمـارات



ان شفتني ضايق واهوجـس واسبّـه
اخاف غدر الوقت.. والوقـت دورات



لا تحسب ان دمعي نـزل دون سبّـه
ابكي من الفرقا وهـي مابعـد جـات



الـيـوم كــل امورنا..مستـتـبّـه
وبكره ماندري وش معه من مسـرّات



اربّ قلبـك مـثـل قلـبـي اربّــه
ما يخلفه كثـر العـذل.. والمسافـات




أتمنى تعيبكمـ

 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
جرحك ظهر لو قلـت للوجـه خبّـه
وللحزن في ضحكك رسوم وعلامات



وليه المطر بالذات ريحـه.. وصبّـه
كنّه رسول بيـن الاحبـاب بالـذات؟


لا هنت ياخوي ع الاختيار الراقي ونرقب منك الزود
 

سِكًـآرِيُبِ

¬°•| طالب مدرسي |•°¬
إنضم
12 سبتمبر 2008
المشاركات
925
الإقامة
غرييب وسط أهله
واااااااااااااايد حلوه مشكووووور اخوي ع النقل
 

بنت العرب

¬°•| مشرفة سابقة|•°¬
إنضم
15 يناير 2008
المشاركات
1,304
مافيه حيله بن فطيس دومه مبدع في قصايده

تسلم ياخوي ع القصيده الغاوية
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام


يا سلام عليه
هالشاعر طلع فجأه ولكن اثبت انه يستحق كل ما وصل اليه
شاعر مبدع

قمة في الاحساس

ما فيك حيله يا بن فطيس

الف الف شكر لك اخوي على طرح القصيده

 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
يا سلام عليك ...
أختيار جدا مميز و أنا أستمتع بأشعار المرائع الشاعر محمد بن فطيس المري ..
ألف شكر أخي الكريم ...
 
أعلى