بسم الله الرحمن الرحيم
السلام عليكم ورحمة الله وبركاته
السموحه ع الظروف اللي استوتلي وما قدرت أنزل شئ أمس لكن بخبركم شو سويت أمس بالمطبخ (والله يستر بس) //// نسيت أقولوكم مشكورين ع التعليقات الطيبه :imuae38:!!!
طبعا الطبخة إللي سويتها معروفه ومب يديده عليكم بس سويتلها لمسات صميميه وهي :
::المندازي::
المقادير :
ملعقتين بيكينج باودر
كوبين طحين رقم1
3 ملاعق حليب نيدو
ملعقتين كبار سكر
وربع كوب زيت
ماء للعجن
بيضه
ملعقه كبيره من الخميره
طريقة العمل :
تخلط كل المكونات مع بعض وأحيانا نحتاي نضيف كميات بسيطه جدا ( استعنت بـ "الداخليه" لضبط العجين شوي) / ويجهز العجين ويترك فتره حتى يتخمر !!
مرحله ما بعد العجن :
يفرد العجين على لوح الفرد ويمدد (يفرد) حتى يصبح العجين مناسب لعمل الأشكال عليه
، وبعد ذلك يتم تقطيع الأشكال ( وشخصيا خرجت عن قانون الأشكال الإعتياديه وسويت أشكال من عندي " العصر الحديث والحاضر والمستقبل" شوي نغير عاد)
وبعد ما تم تجهيز الأشكال حان وقت القلي ، نقلي المندازي و ننتظره لين مايحمر
وهذا الشكل بعد إنتهاء القلي
وهنا بعد وضع لمسة (رشة السكر)
وبالهناء والعافيه عليكم !!!
وطبعا شاركت ف عجن طبخة خلية النحل وسويتها ( مب أنا إللي عجنت العجين طبعا)
وهذي هي الصور :
هاي لكم :
وهاي للفريق التطويري :
ولمناسبه خاصه ( عزيمه) أمس سوينا تنور ( شوي هلكت من الحر) :
وسلامتكم وبالهنا والعافيه!!
ربي يحفظكم!!