مجاراة شاعر

[!الـغ ـروب!]

هلا بالشعر والاشعار حاجة
بها معنى ومغنى للفهومي​

ولابه نوع مشهور اعوجاجه
ولابه حد(ن) بنوع املزومي​

مدام اللي باشعارك تناجه
فهمها وخذ خوافيها علومي​

فلا له لازم يعكر مزاجه
شخص اخر بتفسيره لرسومي​

ولو شفته انا عقد حجاجه !!
وللمقصود عيا لايرومي !!​

فخله يتعب لنفسه ويواجه
غزارة فكر وفبحري يعومي​

يفسر ماكتبته باي حاجه
يزيد البحث لافهام الفهومي​

 

[بو جسيمـ]

الختاميهـ :

يـ بنت الــــــحر صوني له نتاجه
فكر عقلج وشعرج والــــنظومي

تــــراه الــــبوق في حالة أواجه
وكل (ن) يتبع اصحـــابه لزومي

أغير لــــــــشعري وافزع وهاجه
وذا لأني ضيومـ (ن) بن ضيومي

وطبع الــــــحر لا عكـُر مــزاجه
زحير معسـّـف اللطمـ وقدومي

ألقـّـمـ جزلة الــــــشعر الغناجه
وأمشيهــآ على كيف وسلومي

تجي لذه , تجـــي بنت السماجه
تجي فذه , تجي جغمة سمومي

تجي رثه , تــجي حالة عواجه
تجي عثه , تجي بنت القرومي

مثل من قـــــال حلوه بالهماجه
تطيـّـب حس ّ وتغثبـــر شهومي

وقد شفنـآ الغ ــروب بهالمواجه
مثل من دنـّـق ابصــــار بغيومي

إلى قـــــــدامـ ذا شراعج نهاجه
يـ ربـّـان الـــــقصايد والعزومي

سعيد ولـــذة الــــــفرحه ابتهاجه
ينومس صدري بجزل العلومي

عسـاه الــــخير لج درب انبلاجه
وعسى الرحمـن كفـّـآ عنج لومي

فـ داع الله وداعــــــــي بإندماجه
من المسرور والفخر الــزحومي​

 

[!الـغ ـروب!]

.
.
.
ختام القول والفكر ابتهاجه
مجاراة الكرام اللي عزومي​

بهم قويت وإليا اعتزت حاجه
عطوني والعطا منهم يدومي ​

عدد مالفجر يلفينا انبلاجه
لهم مني الشكر ربعي وقومي​

ولمخاوي ولي له بالمواجه
مكان وله قدر فوق النجومي​

تحايا رضوف وبرغم التواجه
فلابه من عتب يحمل ولومي​

سمو الفكر به دايم مزاجه
يروق ولا يضيقه الهمومي​

سمانا صافين مبعد عجاجه
على راسي قدر ناسن حشومي​

 

[مستشار]

متااااابع
تسلمون وماقصرتوا ويعطيكم الف عافيه يالشعراء..:315921608f80a798bcc:315921608f80a798bcc

 

[يوسف الكعبي]

السلام عليكم

حبيت اتشرف بتواجدي في هذا الموضوع ويزيدني شرف ان ادعي شاعرتنا نسايم ريف للمجاراه

وضع لكن.... خارج حدود الحوار
صمت يبدي وينتهي بالصمت مره

ما كان ودي بين اضلاعي يثار
كثر ما ودي وسط فلبي اسره

يحرق الاعصاب كأعواد السجار
وانفث الدخان من صدري واجره

في عيون الناس شي عادي... وصار
في عيوني يشعل الخفاق حرُه

من متى والبنت في وضح النهار
ماتغض الطرف عن من غض نظره

الكحل بالعين... مسدول الخمار
والثوب فًصل جسمها لما تصره

والشعر اللي مع النسمات طار
مادرت ان كل مايظهر بجمره!!!

وينه اللي من شرف عرضه يغار
وينه اللي لطخت الايام ستره

شخص جاهل كل مايحدث وصار؟؟
والا يدري قبًح الرحمان عذره

مع رجال القوم يكسوه الوقار
يفتخر بالعز من جذره لبذره

وبنته اللي لا مشت يمنه يسار
شد ساعدها وقال البنت حره

رابية من تربية ناس ن خيار
مالفاها من سواد الويه ذره

بنتي اللي ماتباع ولا تعار
تعرف المكنون من خيره وشره

فكرك الرجعي يشاوبه الغبار
والتطور عم ارجاء المجره

والتزمت الصمت في قلبي مزار
ذكريات ن قلدت الاخلاق حسره

وش اقلك؟؟ وانت من مثلك كثار
كم ممالك اهتكت في حين غره

وش اقلك؟؟ مابقى لقولي ْأطار
يبرز اللي عن عنى وقتي اسره​

وسوالم​

 

[نسايم ريف]

رجعنا للمجاراة من جديد ولي الشرف يالشاعر في مجاراتك

واتمنى اكون عند حسن الظن ...


مرحبا مليون مخصوص ومثار

مرحبا وان عدتها مليون مره


وان بغيت الجد في هذا الحوار

صار واقعنا مرير ن فوق مره


ماألومك لو غدا حالك عبار

المصيبه عمت ارجاء المجره


صارت الأخلاق في وضع احتضار

والتحضر ( التخلف ) ذاع شرّه


فـ الحشا جمره وفكري شب نار

لكن الله يرحم الخيّر من امره


مانعّم اللي نقوله .. بـ اختصار

لو خلت خربت ولا شفنا مسره



والخطا يبقى خطا ليل او نهار

لو هو فالظلمه تراه الذنب جره



ليتها ع اللبس أو شكل الخمار

وليتها تحوي من الأخلاق ذره



فوق كل اللي تشوفه بـ انتكار

لو نصحت تكون رجعي ودون خبره




اسمحولي ع الرد .. كان ع السريع لأن الدكتور مامهلني ^ ^

 

[فتاة الأمس]

مـــــاشاء الله عليكم


أنتـــــم شعراء نفخر بهم كثيـــــرا

 

[يوسف الكعبي]

مرحبابج عد تشريف النهار
وكثر توديعه اذا ماحان عصره

مرحبا بالشعر منطوقج منار
للذي تايه من الافكار شعره

شهد حرفج ليت يرضعه الصغار
حتى يسموا الشعر فالاجيال بكره

من كلامج ضاق بي فكري وحار
وضعنا في جرف والمقبل يجره

صوب قاع ن مظلمن.. شبه انيهار
مجتمع كم كان فالعالي مقره

يايسيء لجار... جاره ما يجار
ابرك اللي ماعرف جاره وشره

مبتلي بالخمر من بارن لبار
وابتلابه صاحب ن ماطاق سكره

للتعري عامل الغرب الحصار
للتبرج نتبعه من غير فكره

يوم صار (الدش) حاجاته كثار
شي يذكر..شي ما اقدر ع ذكره

صارت الاطفال بعقول الكبار
هل يجوز اليوم ان نزعل ونشره؟؟

كيف اقول الدار في حالة عمار
حن عمود الدين كم نسعى لكسره

حن نسوق البنت من عار ن لعار
يوم كل ن ماسعى يطلب لستره​

 

[نسايم ريف]

اسمحولي ع البطوه وان شالله من افضى برد ع المجاراة

واتمنى مايكون هالوضع مبطي

 

[يوسف الكعبي]

ربي يمسح ذنوبج

من طول الغيبات ياب الغنايم ههههههه

خذي راحتج حنا فالانتظار

 

[نسايم ريف]

السموحه ع البطا والانتظار

والسموحه عد مافالكون ذرّه

ادري المفروض نكمل هالحوار

وادري ان اللي قرا قد حار فكره

والسموحه يالخوي ومني اعتذار

لكن الإنسان محكوم ن بأمره

والصحيح اني تشرفت بحوار

شاعر ن والكل يتسامع بشعره

والدليل انه قليل ن من كثار

خاض موضوع التحضر , زال شرّه

وين كنا؟ وكيف نرضى بـ انهيار

دين وسلوم ومعاني ونفس حره

يوم كان الجار فالعين اليسار

وفاليمين اهله وله شي ن يسرّه

والنوايا طيبه وناس ن اخيار

والنفوس من الحسد مـ ابها مضرّه

لو يكون اليوم فالدنيا عمار

وين عادات العرب ؟ وين المسرّه

عالم الغرب انتشر فينا وجار

من فضائيات ن وموضه وخمره

وحن مثل ماقلت نتبع للمسار

المهم اهو التحضر طال عمره

 

[يوسف الكعبي]

الختامية


لو اشوف اقلام من حولي كثار
وكل واحد دلل القيفان شعره

اسمحولي بقول ماشابه غبار
ان نسايم غيرت فالشعر جذره

تكتب الامثال وتصوغ الحوار
بعقل راجح رجًح الميزان فكره

لستلهمت سالت من الروس الكبار
كنها في كومة اليبُاس جمره

من بني كعبين لا شبت شرار
وعود مايس يشذي العربان عطره

في ختام القول.. ياشمس النهار
لا تغيبي خوف لا يتيك بكره

لا تشوفي الدار يعريها الدمار
لا تغيبي وتنظري للغد نظره

ليتها الايام لي مرت تعار
او مابقت لليوم ياتاريخ ذكره

ياسواد الليل ماودك تنار
تحت جنحك نفذ المعتوه نذره

والا ودك تشفع الآهات ثار
لا سترت انسان كم لطخ بستره


وكل الشكر للشاعره نسايم ريف على قبول دعوة المجاراه وشرفتني بردودها الطيبه

 

[نسايم ريف]

ربي يعزك أرددها جهار

وليت ربي خالق ن مثلك بكثره

ياسمو الشعر وفـ الأشعار نار

الله يحفظك من الحاسد بأمره

تسلم وشكراً على طيب الحوار

والعقل ياخوي عندك حط خبره

ليت منظورك يفهمونه كثار

وليت من يقرا اخذ بالقول عبره

كان قلنا اليوم يادنيا عمار

وتم للغرب البلا مع كل شره

ادري ان الخير باقي فالديار

وان خلت خربت وربي نزّل امره

لكن الفكره تشعل فـ الشرار

وانت ياخويه عليك الفهم فطره

عشت يايـوسف ولايشكي ضرار

من ملك عقلك وحط الله فـ صدره

والختم صلو عدد ماطير طار

وكثر حبات الرمل واعداد ذره

ع النبي طه عدد وبل انهمار

وعد مافاضت من الحجاج زمره


وانتهت المجاراة بيني وبين الشاعر يوسف الكعبي ولك جزيل الشكر ياخوي ع الفتره الطيبه ولي كل الشرف فالمجارة مع شاعر مثلك

وننتظر المجاراة اليايه

وتسلمووون

 

[يوسف الكعبي]

ربي يعطيج العافية على التألق المبهر فالابيات والافكار الراقية المندلاجه فيها

وفعلا تشرفت فالمجاراة وكنت موفق فالاختيار

يعجبني كثيرا الشعر السهل الممتنع قريب من القلوب وبعيدا عن الغموض



كل الشكر لشاعرتنا نسايم ريف​

 

[مستشار]

يعطيكم العافيه الاثنين .... والاثنين ما قصرتوا وبياض الويهه.

اخوكم الصغير...

 

[شيخة القصيد]

ثانكيووووووووووووو
صح لسانكم ما شاء الله ابداع
((لا تجاريني تراني أمشي بدربا وعر
كم واحدا مثلك تعرضلي وجاه الكسر))
:ijhu:

 

[يوسف الكعبي]

بسم الله الرحمن الرجيم


رجعنا من جديد من خلال هذا الباب لي يتيح مجاراة اخوانا الشعراء ويشرفني ان اجاري شاعرنا ومشرفنا مخـاوي من خلال هذه الابيات المتواضعه والبسيطه






البداية




عودن ومزمارن وطبل وكمنجه
وتهافتت ناس ن يميني ويساري

والكل يبدي كل فرحه وبهجه
وتأهب الجمهور (حالة طواري)

يوم المغني لحن الصوت هرجه
وتمايلت صوبه البنات العذاري

رج المدرج لعنبو من يرجه
لا صارله بين المجاليس طاري

ضيع مذاهيبه وغايص ف غنجه
من باب عذر الفن قالوا حضاري

وإلا التي هزت ع صوت الطرنجه
والناس تنظر والجسد شبه عاري

قل يامحمد شعبنا وين نهجه
وين المراجل والرجال الضواري

الناس لبت بين عمره وحجه
والشعب لبى بين مالد و زاري


وسوالم​

 

[بو جسيمـ]

مساكمـ شعر وكلي شرف بمجاراة يوسف الغالي :​

مرحيب يــــــا يوسف وهالظهر بـلجهـ
والــــوقت كنـــــه كوس ولا حــــراري​

لـوكاد جيت بعلمـ مـ الـــــجاش نتجهـ
ادعـيتني للــــقاف والـــقاف نــــاري​

عــود (ن) وكامنجهـ ومـ الـغير مزجهـ
مستغرب (ن) وش بك بديت انبهاري ؟؟​

ذولا العرب صاروا اختلاط (ن) ودمجهـ
حال (ن) طبيعي والــــطبل زنـجباري​

أحوال عاديهـ وهرج (ن) ومرجهـ
والناس مــا تنقد سوى انسان كاري​

والـــــــــوضع دامهـ عار أبرك بهجـّـه
خلك بــــــــعيد (ن) لا نقيد ومماري​

وحتى اذا كنت الـــــــطهير الموجـّـه
من ركضهمـ بيجيك طشـّـة غــباري​

ولا رجـال الــــــيومـ لو قلت سرجهـ
قالوا قطيمـ (ن) مـــا قدر ع الحباري​

يا عوق يا يوسف تـــرا الوقت عجـّـه
ومثلي فقير ومثلكمـ وش يساوي ؟؟​

 

[شيخة القصيد]

بالتوفيج للاخوان يوسف الكعبي و مخاوي
ولنا عوده ومتابعه

 

[يوسف الكعبي]

ياحيبه الشاعر وياحي نهجه
حيه نسيم ن تالي الليل ساري

الشعر رتعان ن والفواد مرجه
وانت الشعر نفسه (جزيل اختصاري)

ان جيت بشكي طالب ن منك فرجه
مغبون من تبع القفر والاثاري

ظلت حروف الويل تصرخ بدرجه
يعني متى بيفك وضعي حصاري

لا شفت من يظهر على الناس سذجه
والكل في غفله ولا منه داري

يارب عبدك من هوى نفس نجه
واعطف ع ناس ن فالمساجد جواري

الموت ذيب ن لا لفى منك ( نعجه )
حالك ولا لك اي رأي وقراري

حب المعازف كيف بتكون حجه
يوم الحساب وكل من كان عاري​