قبل امس ...
طلعنا مع العائلة المبزرة ...
كانت الرحلة مألفة من قرابة ال16 شخص ...
المهم بديتاً من البيت ...
كذيه دخلنا الاغراض السيارات و قلنا يله فوووقه ...
يت امي قالت انا ما بروح برايكم انتو ...
الكل رفض انها ما تروح ...
يت الوالده و حلفت انها ما تروح ...
وقالوا اذا ما راحت الوالدة خلاص ننزل الاغراض من السيارة ...
وفعلاً بدينا ننزل الأغراض من السيارة ...
ويى الطارش انه الوالده وافقت تروح ...
طبعاً بعد الف حلفة انها ما تروح ...
المهم ...
طلعنا مب البيت تقريباً الساعة 10 ...
كنا 3 سيارات ..
يوم وصلنا المركز اخوي ف السيارة الثانية ما طاعو يخطفوه لأنه حموود ولده ما مسوله جواز ...
حمود تقريباً عمره 4 شهور ...
المهم منا ومنا تقريباً بعد 20 دقيقة خلوه يخطف بس شلو جوازه و يوم نرجع يستلمه ...
وصلنا المبزرة تقريباً 11:15 ...
يلسنا ندور مكان نحووووووط و نحوووط ...
أخيراً حصلنا مكان حلوو كذا بعيد عن الناس ...
وعاد يلسنا نولع النار ساعة نهف عليها الا بكرتون ...
اسمنه تكسرت ايدي ...
المهم نيي حق الحادثة الي تحصل للمرة الأولى في تاريخي الذهبي ...
يوو كذيه ولاد اختي و اخوي يبو يروحو يتسبحو ...
قلنا بسم الله فوقه ...
طبعاً المسابح الخارجية لأنه المسابح المغلقة مسكرة ...
رحنا كذا و تسبحوا في الماي وانا عاد المراقب ...
المهم ...
بعد تقريباً نص ساعة قلت لهم يله نروووح بسكم ...
طبعاً كانت هناك معارضة لكن ادبتهم ...
مشينا شوي واحس بدن خطوط بيض يطلعن قدام عيوني و جسمي ينتفض و راسي يعورني ...
و انسدح لك ف الحشيش ما رمت امشي ...
تسدحت مال دقيقة ...
طبعاً الشعب تسدح معي ...
المهم ...
سحبت عمري بالغصب لين ما وصلنا مكانا ...
اول ما وصلت الحصير ( البساط , الفراش ) ...
انسدح حتى ما قدرت افسخ نعالي من الارهاق ...
جسمي كله متخشع ...
حسيت ابا اتقيئ ...
يى وقف العشاء ...
كانت مشاوي ولا اروع بس للأسف ما كليت الا نص ورك ...
ما قدرت راسي يدووووور ...
بعدين انتهت الرحلة في تمام الساعة 3:43 صباحاً ...
ملاحظة : تم حذف بعض التفاصيل لعدم الأطالة ...
