التحويل بين المستويات

[غريـــم الشـــووق]

السلام عليكم

عندي استفسار . هل من الممكن التحويل من مستوى إالى مستوى
مثلا من المستوى الرابع إلى الثالث ف الانجلش؟؟

اللي عنده معلومه عن هالموضوع يتفضل و يقولنا.

 

[مـريم]

...يستوي كلم مستر نايدو ....بس أفضل لك دامك في المستوى الرابع خلك فيه عشان تخلص بسرعه

 

[أحذر كل الحذر]

كل فتره بيسوالكم امتحان الي ايب فيه 65 وفوق بيسير الفل الي بعده
بس ها كله مايهم بلاخير يبت لايلس وانت لفل 1 بدش تخصص
مايبت لايلس وانته لفل 5 مابدش تخصص

 

[القلب الأبيض]

بآرك الله فيكم أخوآني .
أتمنى إنه المعلومـة وصلتّ .!

/
من نآحيتي أفظل إنك تشوف نفسك بآي مستوى تكون ، يعني لـآ تفكـر متى تخلص أو تبآ تخلص بسرعـة ، لـآنه هآلشيّ مآ رآح يفيدك بآلتخصص .!!
رآجع نفسك ، وحط نفسك بآلمكآن الصحيح .

إحترآمي .
​

 

[طهر]

رحِمَ الله امرء عرَفَ قدر نفسَه

أكيد اخوي تقدر تنزل اللفل اللي تبَـآه
بس كلم العميد نَـآيدوا ..
وكلمَـآ مَـآرست ف الأنجلش أكثر كلمَـآ تحسن مستوآك

 

[غريـــم الشـــووق]

ماقصرتوا
يزاااكم الله الف خير

 

[awad baloosh]

تكلم مع الادارة او مع الدكتور نايدو بيفيدك اكثر

بتووووفيق لك اخوي

 

[مهندس مدني]

الأخ / غريم الشوق

من خبرتي السابقة في السنة التأسيسية فإني أنصحك بأن تبقى في المستوى الذي تستطيع مسايرته وتجد نفسك متفاعلا فيه , قد يقول لك البعض أنك كلما تقدمت في المستوى وفرت على نفسك فصلا (semester) ولكن بعض ممن إستعجل الدراسة واختصر المسافة كان تحصيله في الإمتحان النهائي ضعيفا , - والكلام ليس على عموم الطلبة - وأيضا لم يحصل على الآيلتس بالنتيجة المطلوبه وذلك نظرا لأنه غير متمكن من أساسيات الإنجليزية (Reading,Listining, writing,Speaking) ولم يمارس فيها كثيرا ناهيك عن حفظ أكبر قدر من الكلمات الجديدة والتي لها دور كبير في إثراء لغتك .

هذا وأتمنى لجميع طلبة التأسيسي التقدم والنجاح :approved: