بسم الله الرحمن الرحيم
طبعا دوما نبدي فطورنا بالتمر واللبن
وبعد ذالك نروح نصلي المغرب وندعوا ربنا يتقبل منا صيامنا وصلاتنا وصالح اعمالنا
وبعد الصلاة انا جهزت لكم فطور عيش مندي دجاج وهذي طريقة تحضيره::
نبدا بالبهارات .. كل واحد والبهارات اللي يحبها انا حطيت ( بهار دجاج . مشكل . كزبره . كمون . ليمون اسود . فلفل اسود . دارسين . ملح . زنجبيل . هيل . بهار بحريني . )
الحين بعد ما غسلنا الدجاجه نبدا في عمل الثقوب فيها لكي تدخل البهارات بهذا الشكل ..
بعدها نحضر ليمونه وملعقة خل كبيره وملعقة زيت كبيره ونضععهم على الدجاجه ونحركها جيدا
ونضع البهارات تصبح بهذا الشكل ..
اتركوها جانبا وابدأوو ببشر جزره واحده لكل دجاجه
الان قطعوا فلفل اخضر حلو تقريبا واحده لكل دجاجه وقطعوا راسين بصل متوسط وطماطتين متوسطتين في الحجم ( طبعا كل واحد يزيد اللي يرغب فيه وينقص اللي مايرغب فيه يعني انا عادي اضع 3 روس بصل ونص فليفله)
بعد غسل الرز 3 كوب ورق لكل دجاجه ( عادي اذا حبيتوا تزيدوا )
نضع ملعقتين ونص ملح ونذوبهم جيدا مع الرز ونضيف ملعقتين كبار زيت وقليل من الصفار ..
ثم اضيفوا الجزر للرز ..
ثم اضيفوا باقي الخضار والماء يكون مرتفع عن الرز بمفصل اصبع ويصبح بهذا الشكل ..
الحين نضع شبك الشوي طبعا هذا الشبك عندي حقة الشوايه ومعاه مقبض متحرك علشان كذا يدخل في الفرن اللي ماعندها تسوي مثلي قبل لا اشتري الشوايه .
اعملها بالقصدير وصنيه واعمل ثقوووووب كثييييره علشان ينزل ماء الدجاج واضع الدجاج واقصدر ايضا وقريب يستوي اشيل القصدير لكي احمر الدجاج
والحمد الله ارتحت من هذي الطريقه لما صار عندي شبك الشوايه ولا احتاج اقصدر الدجاج ...
اسف طولت عليكم
المهم تصبح بهذا الشكل
وبعدها ندخلها الفرن ساااعه كامله
طبعا بين فتره وفتره شيكوا على الدجاج اذا تحمر اقلبوا كذا .
وعلى مايستوي نجهز الفحم علشان رحيته تصييير وااااااو ..
جهزوا فنجان وقصدريه وضعي قليلا من الزيت ..
لمايستوي المندي نضع الدجاج على الرز كذا ..
ونضع الفنجان في وسط الدجاج وهو فيه الزيت ونضع الفحمه بعد مانشعلها جيدا وبسرعه نغلق لحله نص دقيقه او اقل واخرجوا الفنجان لان الكربون مو صحي احنا نريد الريحه فقط
واخيييييييرا ضعوه في طبق التقدييييييم ..
وهذا حق اللي يحبون البيبسي بارد وحلو وطعمه رهيب
وبالعافيه ع قلوبكم
![[ود]](/vb/data/avatars/m/7/7418.jpg?1416385870){kind=avatar}