عن إذنكم يالإدارة : حطيت لكم طلب زواج .

[~ ذيـــب بوظبـــي ~]

انا عن نفسي اقضل الزواج التقليدي وهالمواقع ما منهن فايده ياغير عوار الراس والتسليه فقط وبعدين ف الموقع ايحطون صفات حتى مب لهم انا وانا ومناك ماشي منه كله خريط يوم تتعرف عليه اكثر تنصدم انه انسان عكس الي قاله

اما زواج حقيقي بيصير شرات زواج العالم مستحيل يمكن تدوم فترة الزواج من بينهم بس فتره قصيره وبعدين اذا مل منها بيروح يدور غيرها من هالمواقع والا بيتم يعيارها حتى لو كانت بنت ناس محترمين بيقول لها الا انا متزوجنج من النت انتي الي بغيتي هالشي وتحملي ما يصيبج والله يوفقهم
يسلموو اخويه ع الطرح الطيب ربي يعطيك العافيه
الصراحه طرح كشوخي ابدعت وتستاهل التقيم عليه ^^

تسلمين أختيه نسيت أنساك على جوابج اللي اكثر من رايع ..

والله أبدعتي أنتي ف ردج على الموضوع

وأشكرج على تقييمج لي .. وأنا أساسا والله ما دخلت هالموقع إلا من باب

الفضول فقط .. يعني لا يسير بالكم إني ابا أعرس ومستعيل هع هع ..

بعدني مطوول شوية .. ​

 

[~ ذيـــب بوظبـــي ~]

الله يهديك يا خوي
ويهدي الجميع

اعذرني على الكلام الي بقوله مقدما
ياخوي المواقع الي تتكلم عنها
الي تساعد للربط بين الاشخاص
لا تصدق انها صدق للزواج
ههههههههههههه
هيه يمكن 3% للزواج و 5% لنقل الامراض الخبيثه اعوذ بالله
و 92% للتعارف هاذي نسب تقريبيه

اعتذر مره ثانيه

بس لو راسلتك بنت وقالت لك انا ابي اتزوجك
شو اول فكره تاخذها عنها
انها فالتوه صح

يعني هل تتوقع البنت الحشيمه الي مربينها اهلها بتقولك
انا ابي اتزوجك
تتمصخر انت
يالله
ربي ايوفقكـ ويمكن اكون على غلط
البشر بطبعهم خطائون

والسموووحه على اي شي بدر مني زعلك او زعل اي قارى

تسلم أخوي فنتكـ على ردك الجميل ..

ابصراحه ردك ابكبره فنتكـ .. أنا قلت من البداية هذا مجرد موضوع

يعني لا تاخذون الفكره إني حطيته عسب أبا أعرس .. :ena:

ما عليكم يوم بعرس بعزمكم كلكم ولا تزعلون .. :bowtie-guy:​

 

[~ ذيـــب بوظبـــي ~]

السلام عليك ورحمة الله وبركاته
اول شي مشكور اخوي على اختياركـ لهالموضوع
و يعطيكـ العافيه ع المجهود اللي بذلته

بصراحه عيبني فضولكـ وحسستني انكـ تشبهني من هالناحيه(نوعاً ما)
انا ياما شفت هالمواقع وكم مرره بغيت ادش اسجل اختي فيها<<تبا الفكه
ههههههه مب سالفة اني ابا افتكـ بس اني ابا حجرتها وهي ما تبا تظهر

المهم ماعلينا
نرجع للمهم واعطيكـ المفيد <<كلامي كله فايده

اولاً الزواج بهالطريقة ..نظرتي له حيادية لا اني ضده ولا اني اوافقه
بس بصراحه ما اشوف فيه شي غلط ... خصوصاً اني سمعت عن ناس فعلاً تزوجوا بهالطريقة وكل شي مشا عادي

يمكن فكرته غريبه فمجتمعنا والكل بيشوفها (عيب و فضيحه) لأن البنت اشكره فالويه تقول ابا اتزوج ...

بس محد يعرف شو معنى ان البنت تكون خليجيه وعانس ..انا نفسي كنت اتمصخر ع الموضوع وغيره لين تعرفت على مجموعة بنات اللي دشت الثلاثين واللي تخطتها وهن للحين يعانن فبيوت اهلهن تعليقات ، اضطهاد، تحقير...الخ
كسر شخصيه وتحطيم معنوي ... طبعاً في منهن اللي صاعت وقالت اللي طز فالعيشه دام ما يابلنا الشرف شي شو نباه... غلط ..ادري انه غلط بس مب كل انسان قوي بما فيه الكفايه عشان يقول لاااا للغلط ..

فهالحاله اشوف هالمواقع الحل الانسب ..سبحان الله ..يمكن تلقى نصيبها بهالطريقه
وحتى لو ما لقت بتم عندها امل انها فيوم بتلقاه ..لانها تسمع عن فلانه وفلانتانه اللي عرسوا بهالطريقه


الموضوع خطير!!!

ممكن

فهالزمن صار الحذر شي أساسي ... لأن المسلم ما صار يعرف شو هو الاسلام
والأخوا ما عاد يخاف على خواته واليار مايحترم الجيره

الأمان صار شي نادر

عشان جي هالمواقع ينخاف منها ولازم الوحده او حتى الواحد يتحذر منها

بس فالأخير دايم اللي كاتبه ربكـ بيصير


مب شرط نكره فكره معينه بس لمجرد انها تختلف عن اللي تربينا عليه
نحن تعلمنا ان البنت تكبر وتتعلم السنع وتنثبر فبيت ابوها لين اييها النصيب
وانها عيب تطري الزواج او حتى تحلم به..

بس الحين كل شي ثاني تغير ليش بنوقف عند هالمسأله وبنقول منقود؟؟

العاثرة

ابصراحه من احلى الردود اللي شفتها فالموضوع ..:4f7c50bc2e7eee3c450

تسلمين على تعبيرج الجميل فالرد على الموضوع ..

وعلى المجهود الاكثر من رائع في صياغة التعبير ..

ومن ناحية العنوسه .. ابصراحه وايد زادت ف دول الخليج ..

وفالاحصائية الاخيرة فالسعوديه وجدوا أن شاب واحد فقط تقابله 5 فتيات

حتى يستطيعون القضاء على العنوسه ..

يعني والله صدق بدينا اندق ناقوس الخطر ..

لدرجة أنهم حللوا زواج المسيار ,.

ويعطيج ألف عافيه على مرورج ..​

 

[~ ذيـــب بوظبـــي ~]

لاهنت خووي ع الطرررح

..

الله يوفقك وتحصل بنت الحلال

..

والله في موواقع للزوواج

ويااحظ من وفق رراسين بالحلال

..

بس امبيني وامبينك الزوواج عن طرريق النت اكبر غلط ..

تسلم اخوي وسمي البريمي على ردك الجميل ..

الله يوفق الجميع يارب ..

ما عليك ما فكرت بالزواج بالطريقه هذي ..​

 

[~ ذيـــب بوظبـــي ~]

لك جزيل الشكر على هذا الموضوع


الذي حاز على اعجااابي ( وبلأخص استغربت )


هل ترغبون بالزواج بهذه الطريقه ؟

لا والف لا لا اريد هذي اطريقه بل بطريقة التقليديه .. ( معااارض )


شو رايكم فالمواقع والقنوات اللي تعرض طلبات الزواج ؟!

لاتعليق ..

واللي عنده شي يضيفه ..


الي عندي ياطويل العمر ( تستاهل التقيم )



احترامي وتقديري,,


امير الحب ,,

أمير الحب

والله أنك أمير بردك على الموضوع ..

تسلم على التقييم وتسلم على الرد الجميل .. ​

 

[~ ذيـــب بوظبـــي ~]

ومن هذه المينونه الي بزوجك

هع هع والله ردك عجيب :4f7c50bc2e7eee3c450

ما عليك يوم بس بعزم أني بعرس ولا مجرد تفكير بتشوف حالة طواري

من البنات .. :hehe2:

ع العموم تسلم على المرور العطر .. ​

 

[~ ذيـــب بوظبـــي ~]

عندي مداخله بسيطه

مثلا لو انا تزوجت عن طريق الانتر نت ياترى شو بيقولو الناس عني وعن البنت الي تزوجتها

شو بتكون فكرتهم عن البنت؟؟

اكيد بيقولون لا قطنها من الانترنت والبنت......الخ

وبصراحه انا اشوف بنات الحلال الموجودات ف البلاد مب قليلات

والبنت لما اكون سائل عنها وعارف اصلها وفصلها اكيد بكون مرتاحلها

بصراحه ما اعتقد ان الواحد بيضطر يتزوج من الانتر نت

صقر قريش

والله انك صقر بردودك ..:hehe2:

كم مره اقول لكم ..

والله إني منزل الموضوع فقط للنقاش .. والله مابا اعرس ..

بعدني صغير (24) سنه . . يعني بعدني ف عز شبابي

لاحق ع العرس هع هع ​

 

[اثير]

اشكرك اخوي ع الموضوع الحلو
وفعلا زاددت مواقع طلبات الزواج بس للاسف هب لنا لان عاداتنا ماتسمح

بس لو نوقف لحظه ونفكر هل البنت صدق جاده تبي تتزوج ولا تلعب وهل بيااناتها صحيحه ولا بس مني والدرب عسب تلعب ع الحبلين وكذللك للطرف الاخر..

طبعا اللي يبي يتزوج في مليون الف طريقه منها : الاهل .. الربع .. خواته..يشووف وحده وتدش خاطره .. يرمس وحده وياخذها ووو وحتى النت بعد في وايد ناس تزوجو عن طريق النت سواء شات او مسن او منتديات ومواقع طلبات الزواج وبالاخير كله قسمه ونصيب يعني يمكن الزواج يتم ويمكن لا.. ويمكن يستمر ويمكن لا
بس في وجود الثقه والاحترام اكيد رح يستمر..
انا اعرف ناس وايد تزوجو عن طريق النت .. وفي ناس عن طريق الفون ومشا الله عندهم عيال .. وفي ناس ما استمروو ..
وكل هذا بالحظ او احد الطرفين يكون شاكك فالطرف الثاني .. بالتالي الزواج يفشل وع فكره حتى بين الاهل والطريقه التقليديه يمكن يفشل ويمكن يستمر بس عسب العيال ويمكن يستمر لان هالاثنين هذا نصيبهم وبينهم الحب والتفاهم والاحترام ..

وكل هذا يكون قسمه ونصيب وشخصيه الريال في اختيار زوجته ..

 

[متغطية ببرقع امايه]

بسم الله ..... رجعت بعد طول غياب .. وهذا اول موضوع ارد عليه

انا اوافق بعض اخواتي اللي كان رأيهم حيادي

اللي قالوا ان ها عيب ويشجعون الزواج التقليدي بسألكم كم عدد الطلاقات اللي نشوفها كل يوم بين اثنين تزوجوا زواج تقليدي

وايضا كم من الطلاقات بين اثنين تزوجوا عن حب بغض النظر عن طريق التعارف

بس انا اعتقد ان السبب الاساسي لرفض فكرة الزواج من خلال النت هو انعدام الثقة

وهذا اساس الحياة الزوجية

كيف يستطيع الشاب انه يوثق ببنت عرفها عن طريق النت ما بيدور ف خاطره انها كم تعرفت على واحد غيري

والبنت نفس الشي

واذا ما كانت الثقة موجودة فعلى الزواج السلام

بس الحالة اللي نحن نعيشها من انتشار العنوسة تجعل الكل يطير لهاي المواقع

والله اخاف ايينا يوم تطلع البنت ف الشارع وتقول اباااااااااااااا اتزوووووووووووج

واذا صار انا ما بلومها .. البنت من حقها تتزوج

مجرد راي عرضته عليكم

وف النهاية انا احس ان الحظ يلعب نسبة 99.9% ف الزواج فاللي متوفق يحمد الله ويشكره

وسلامتكم

 

[SaD G!Rl]

،،،

أولاً أشكرك عالموضوع أخويه ذيب بوظبي،،،

ثانياً : برأيي وحدة تعرض عمرها للزواج في الانترنت خطأ

ومب هي الطريقة السليمة لبداية حياة يديدة مهمة وحساسة،،،

وشقايل الأهل يرضوا أن بنتهم تعرض عمرها كسلعة

عسب أي حد يعرف عنها وربما يشوف صورتها وربما يتصل فيها

ويرمسها ،،

أنا أجوف البنت درة لازم اتصون نفسها من الأشواك

والبنت المفروض ما تكون رخيصة لهالدرجة

حتى تبيع عمرها في النت (( والله تعالوا أبغي ريل ))

استغفر الله ،،،

وبعدين إذا مثلاً تزوجت وحدة جي عمرها ما ترتاح في حياتها

ويفشل الزواج ، يمكن الريال في البداية عادي يتقبل

عقب كم شهر انشوف الشك والأسئلة المتكررة ،،،

بس هواشة بسيطة بيلس يسألها أيوا لو خذيتي واحد

غيري من النت كان أحسن لج ، كم واحد عرض عليج الزواج

وكم واحد رمستي في التليفون وسمع صوتج وووو... الخ،،،

في عدة طرق أخرى غير الإنترنت ،،،

بأمانة ما أأيد هالطريقة أبداً ،،،

والله يستر علينا وعلى خواتنا المسلمات ،،،

يزاك الله خير أخويه وربي يرزقك زوجة صالحة ترضى بها ،،،

وتستاهل التقييم،،،

،،،​

 

[بنت المقابيل]

لا حوله

الله يوفقك أخوي ... وكل ونصيبه

بس الزواج عن طريق المواقع مب منه فايدة

بعض الشباب يستغلون البنت ... ويجاملوها.. وفي النهاية ما يتزوجوها

مجرد رأي

 

[قلبے ميـھـود]

السلام عليكم ورحمة الله وبركاته ​

الصراحة موضوع حلو واذا تبون رأي أنا ضد الزواج عن طريق الإنترنت
وأعتقد أنه مب ناجح لأن معضم الشباب والشابات يدخلون المواقع للزواج للتسلية فقط
وطريقة التقليديه تكون أفضل لأنه هذا هب بوم ويومين هذا العمر كلهـ فلازم يفكرون قبل مايتسرعون ..​

تسلم أخوي ع الطرح الراقي
يعطيك العافيه ​

 

[فـيـ الـكـعـبـي ـصـل]

بالتوفيق اخوي..

 

[مجروحة المشاعر]

بصراحة اخوي في ناس ضعيفه نفوسهم ويستغلون هالشي

وانا ضد هالمواقع

وانت الله يوفقك وتلقى الي تستاهلك

 

[غيثة السحايب]

موضوع يستحق الاحترام والتقيم بعد

مشكور اخوي ع هالموضوع الرائع وبصراحه جذبني ويهالفضول ههه

المهم ماعلينا

والله البنات مستويات يصدقن اي شئ وكلمه تيبهن وكلمه توديهن

وبعدين شو يضمني شو في هالمواقع ولا تدفع رسوم بعد

وسمعت وايد عن هالمواقع وسمعت ناس تزوجوا ع طريقها بس هب كل شئ مضمون

انا اقول حق هالبنات ليش تسمون نفسكم بالعوانس ؟؟؟؟ تراه بعده مايا نصيبج وسكة القطار بعدها ماوقفت

والله يستر علينا دنيا وآخره​

 

[DarkFireSlash]

ضد هالطريقة طبعا


الاحسن التقيد بالعادات

 

[حكاية روح]

لي عوده ^^

 

[رواضي]

الله يوفقك اخويه وتحصل بنت الحلال ..

 

[راعية بو شنب]

لا تعليق CNN البريمي ^^:3ash:

 

[رسام2]

السلام عليكم ورحمة الله اخوي اذا بنت عرضت نفسها على الى يزوجها واذا كان جادا فلا باس... لكن تعرف عليها عن طريق المحرم مثلا ابوها او اخوانها او ترسل اهلك او احد اقاربك بس ما تستمر في المراسلة معها ..........واذا قالت لك انا مستعدة اتزوجك بس مع هذا الكلام لا بد تقول ممكن تتصل مع ابو اوخي او اي ولي امرها ......... الموافقة و الرضى بالزواج ما يسقط كرامة المراءة ..........لان احدى نساء النبي صلى عليه وسلم جاءت تساله بانها تهب نفسها للنبي بالزواج ونزلت فيها اية الكريمة ....... لكن لا تستمر بالمراسلات الخفية ولا تستغل رضى البنت على سنة الحبيب صلى الله عليه وسلم ويعب الابليس بافكارك .......واذا كان لا فانت لست مقطوعا ...عن .. شجرة ولا انك خرجت من الحجر ...كناقة سيدنا صالح عليه السلام لابد عندك اعمام او خالات او عمات او اهل .....ما عندهم بنات هذا شي عجيب... اما اذا كنت تريد ان تثير هذا الموضوع عشان الردود فهذا غلط اسمحلي وفي المنتدى كثير من البنات والله اعلم يرغبن في الزواج لكن ردودهن كلها سلبية على الزواج بالنت اخوي كل شي بين وواضح وطرق صحيحة كثيرة
والله يوفقك في حياتك و ردودك الاخيرة كانت متعاكسة مع فتح الموضوع في بداية الموضوع .....كانت كانك تدور حد يتزوج معاك وفي اخر الموضوع تقول بعدني عمري 25 سنة ولا افكر حاليا بالزواج؟؟؟؟؟؟؟؟؟؟؟؟ الله يوفقك :Afkr: والسموحة اذا كنت غلط في الكتابة والتعبير