خبرتو حدن يبكي على

آل يذوه

¬°•| ناقد شعري |•°¬
إنضم
29 سبتمبر 2009
المشاركات
2,425
الإعجابات
2
الإقامة
دَارْ القْوَافِيْ لِيْ عْيَتْ عَ ايْ شَاعِرْ
#1
ياهيه اللتفت لي واسمع ادعاي لك ياهيه
ترا عادك بتشبع من البعد وتواجه

دعيتك بصوت ياصلك ليه ماتوحيه
وانا اسمع ضلوعك من صدى الصوت لجّاجه

عليك الفؤاد اخلاجه مصمّخ راعيه
خف الله في راعيه ماتسمع اخلاجه

ترا العفو قد جاك اوله واغتنم تاليه
وترا الحلم بحر غير لا تامن امواجه

وترا الود ليل مظلم جيت لك ساريه
سراجه وصالك والجفى ينفخ اسراجه

وترا قصرنا اللي كم سنه نجمع ونبنيه
هوى العذل طيّح بابه العود وسياجه

لي أيام مدري وين دارك ولا ادري ليه
وانا خابر اني باب شفك ومزلاجه

غياب بلا سبّه هجاد بلا تنبيه
وجفا أغلا العرب نار على الكبد وهّاجه

نضج قلبي من البعد وش حاجتك تكويه
جفاك الجمر والصبر في بعدك الصاجه

طبع حبك بقلبي والايام ما تمحيه
هذا هجرك يحاول يموجه ولا ماجه

يموت الأمل لكن ضنون الغلا تحييه
وعروق الوفا فالروح والقلب وجّاجه

خبرتوا حد يبكي على واحد يبكيه
وخبرتوا حد مسجون مايبغي أفراجه

احبه ولا ابغضته على شي إيسويه
ولا زالت أرقاب الرجا فيه منعاجه

عسى منزل ضمه حقوق الوسم تسقيه
وتضحك له الدنيا وهو يضحك أحجاجه

فقد خاطري شي من الضيقه امسلّيه
وغدت روحي من الناس والليل هجّاجه

اروح لمكان خابره ..خابره ياتيه
اسوق القدم صوبه وهي مالها حاجه

مكان نزيه وأول مواجهي له فيه
وانا خابر مارجل مثله بدواجه

لعل وعسى ما حدني للمجي ..يدعيه
واشوفه وانا ماودي اسبب احراجه

يحب الجريح اخر دروب اللقاء ويجيه
وتحب القدم جيّة مكان اول مواجه

محمد بن فطيس
 

~آللهم آغفر لي ولوآلدي~

¬°•| شيبت أنا قبل المشيب |•°¬
إنضم
23 نوفمبر 2008
المشاركات
2,163
الإعجابات
0
#2
يموت الأمل لكن ضنون الغلا تحييه
............وعروق الوفا فالروح والقلب وجّاجه


صح لسآن بن فطيس وتسلم آيد نآقلهآ

آختيآر آكثر من رآئع آخوي آلعزيز

لآتحرمنآ من يديدك آلمميز

عسآك ع آلقوة

دمت بحفظ آلرحمن

:):)
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
الإعجابات
0
#3
آل يذوه

صح لسان محمد بن فطيس

وسلمت يمناك على نقلها واختيارها

كلمات بمنتهى الروعة والجمال

سلمت وسلمت لنا ذائقتك المميزة

ودمت بخير ومحبة
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإعجابات
1
الإقامة
في بيت الوالد
#4
كلمااات جميييييله لشااعر جمييييييل
تميز بهه القافيه الي تفرد بها في هالجيييل
^^ حتى كدنا نسميها قافيه بن فطيس
يسلمووووووووووزن
احتراماتي
سويره
 

خفوق القلب

¬°•| عضو مميز جدا |•°¬
إنضم
28 ديسمبر 2009
المشاركات
503
الإعجابات
0
الإقامة
فوق السماء
#8
مشكور خيوو ع الاختيار الذووق
بن فطيس شاعر وما عليه كلام ماشالله مبدع
والابداع اختيارك
يسلموو
 

أبوسعيدالخروصي

¬°•| عضو مبتدى |•°¬
إنضم
4 يوليو 2010
المشاركات
26
الإعجابات
0
الإقامة
لوى الحبيبة
#12
شكرا أخوي على النقل الرائع من أجمل ما سمعت وقرأت للشاعر محمد بن فطيس روعه القصيده هاي واااايد



وننتظر يديدك الغالي
 

رواضي

¬°•| عضو مميز جدا |•°¬
إنضم
3 يونيو 2010
المشاركات
848
الإعجابات
0
الإقامة
.©«-.¸¸.-»© في بيت ابويه¶© «-.¸¸.-»©
#13
صح لسانك اخوي وما قصرت
 
إنضم
9 يوليو 2010
المشاركات
351
الإعجابات
0
الإقامة
في الواقع للاسف
#17
الله الله الله الله

ابدعت ابدعت

الله
الله
لعلق وصفق ياخوي
لعلق وصفق

كلمات في صميم القلب
الله لا يحرمنا من كتاباتك
ومواضيعك
وطروحاتك
ربي يحفضك
 
أعلى