بيت شعر والشاعر يكمل * ( نرجو الالتزامـ بالوزن )

[نسايم ريف]

المال مايغني قلوب ن تسرف الدمعه

والحب مايغني فقير ن مات من جوعه

واللي تطبع طبع مايتركه طبعه

قال المثل ماياز لو قصو صبوعه

العمر ذا يمضي روحه بلا رجعه

وابن آدم يسجل واخطاءه مطبوعه

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷


الغيم عم الجو .. والجو ذا روعه

واحلا من الغيمات بارد نسايم ريف

 

[يوسف الكعبي]

الغيم عم الجو .. والجو ذا روعه

واحلا من الغيمات بارد نسايم ريف

مـــره على مزيد متويه الفوعه

ومـره على عبول ومقصدي اليويف

اسئلة تسألني هذا العصار ش نوعه

يعني مطر هو وسمي والا روايح صيف

والا ريح ن يعصف شل الشير وايذوعه

لا بارد وذناني والا نسايم ريف


*************************


تلطفبي يمن ناوي تفارق... على الفرقى بدت روحي سقيمه

 

[فتاة الأمس]

تلطفبي يمن نــــــاوي تفارق
على الفرقى بدت روحي سقيمه

تمهل في عيونك مثل بارق
يهل الدمع من موقك كغيمه

ترى الفراق للغاليين حارق
عذاب الخل لافـــارق نديمه

@@@@@@@@@@@@@@@@@@@@@@@@@@@

صبرج علي أمي بخمرلج الدله
لا لا تقومي أعرف حاجتج فيها

بصنعها ع الكيف والهيل بفله
ما تطربج قهوه غيري مسويها

 

[نسايم ريف]

صبرج علي أمي بخمرلج الدله
لا لا تقومي انا أعرف حاجتج فيها

بصنعها على الكيف والهيل بافله
ما تطربج قهوه غيري مسويها

بالماي ورد وزعفرانه حيل مشهلّه
واشعل صلوب الصمر وع الجمر بغليها


يامي عيوني فداج وهـ العمر كله
مب بس قهوه أحمسّها واقليها ..!!


&&&&&&&&&&&&&&&&&&&&&&&&&&&&&&&&&&&


قلبي جريح ومهجتي مدمايه

ولا من يخفف لوعتي وتعوبي

 

[طلال الشامسي]

قلبي جريح ومهجتي مدمايه

ولا من يخفف لوعتي وتعوبي


غير الذي خذ من كفوفي حاية

يوم الاحد والدوب ياهو دوبي

ليته يحس بخاطري وشكوايا

ويدري بانه خافقي ومحبوبي

يا ليتها كل يوم عنده غايه

ويمر لو ياخذ طرف من ثوبي

اللي احبه ويا عرب ويااايه

من وين اسير وعشرته مكتوبي


@@@@@@@@@@@@@@@@@@@@@@@@@@@@


يمكن غبي لاني احبك واداريك ... بس الغباء احيان لاجلك شطارة​

 

[بو جسيمـ]

يمكن غبي لاني احبك واداريك ... بس الغباء احيان لاجلك شطارة

على النوى جيتك وقلبي يراعيك ... ويمكن تخون وتنتحي للعياره

يا غير لك عذر الخيانه ينجيك ... لأني غبي ما عرف حب ومساره


***


قالوا شويعر , قلت سموه شاعر ,, وكل (ن) على ما قيل يرسمـ بيادق

 

[يوسف الكعبي]

قالوا شويعر , قلت سموه شاعر ,, وكل (ن) على ما قيل يرسمـ بيادق
فالشعر مرسول الفكر والتحاور ,, لا تحــسبونه خــشر طلــق وبنادق


*******************************

وجهة لي صبع التهيمه ,, مابين مجموع الخلايق

 

[فتاة الأمس]

وجهة لي صبع التهيمه ,,
مابين مجموع الخلايق

ما حيدني مسوي جريمه
تحكم كذا بليا سبايق


لوكان لــي عندك حشيمه
ماسمعت خاليني الحقايق

الصديق لي نفسه حكيمه
يكذب فيك كل الرفايق



@@@@@@@@@@@@@@@@@@@@@@@@

تجمل اكتـــم أسرارك
حياتـــك لا تبوحبها

شرات الــدم لي يسفك
مهدوره سدايــــدها

 

[يوسف الكعبي]

تجمل اكتـــم أسرارك
حياتـــك لا تبوحبها

كثر ما ذاعت اخبارك
تزيد النار لاهـــبها

بعدها ش تنفع اعذارك
ولو نفــــسك تأنبها

***********************


انا سافرت ل الشط الشمالي ,, بعد ماضقت الديره عليه

 

[وافي وطبعي سنافي]

انا سافرت ل الشط الشمالي ,, بعد ماضقت الديره عليه
قلت ابنسى ماجرى لحــالـي... وأتــرك الاحـزان مـوليه
بـرتحل في وين يـحـلالـــي... وأبرد على خـافقي شـوية
ـــــــــــــــــــــــــــــــــــــــــــــــــــــ

لك تحية شوق واحساس
يامن عيونه خدرت قلبي​

 

[حديث قبله]

لك تحية شوق واحساس
يامن عيونه خدرت قلبي

خليتني اضرب اخماس باسداس
انت عارف اني لحبك ملبي

خليت ليلي اباته بهوجاس
يلي على ذبح القلوب متربي

تجرعت من فرقاك مر الكاس
متى بتطفي نار في قلبي تشبي

@@@@@@@@@@@@@@@@@@@@@@@@@@@@@@@@@@

الله عليها شاغبت مني الناظر
جمال تخشع له قلوب المحبين

أجمعت بين ماضيها و حاضر
كان عندي قلب و صار قلبين


حديث قبله ( الظفيري )

 

[طلال الشامسي]

الله عليها شاغبت مني الناظر
جمال تخشع له قلوب المحبين

أجمعت بين ماضيها و حاضر
كان عندي قلب و صار قلبين

كم امتحنته وصار شاطر

في علم تلويع المقفين


@@@@@@@@@@@@@@@@@@@@@@@@@@@@


يارب ماهي سالفة وقت او يوم

قلبي مريض وحان موعد مماتي

 

[مستشار]

يارب ماهي سالفة وقت او يوم

قلبي مريض وحان موعد مماتي

اكتب بدمي عشق للصاح ملزوم

عساه يدري كيف صارت حياتي

لاكنت متعني ولا كنت مهمـوم

يلين عصفت بالهوى عاصفاتي

@@@@@@@@@@@@@@@@@@@@@@@@

طلبت الله لـ تصيــــبك مضره
ولا تعاني من الدنيا وعناها

 

[نسايم ريف]

طلبت الله لـ تصيــــبك مضره

ولا تعاني من الدنيا وعناها

يمر الوقت من ضيمه وسره

وتنسى الناس لي مر بفضاها

عسى الأيام ماتلفي بكدره

وعمرك ماتقاسي من شقاها


ألا يارب ياعالم بقلبي وش هي الحيله ؟؟

عسى يارب ماتظلم عليّه تالي اوقاتي

 

[يوسف الكعبي]

ألا يارب ياعالم بقلبي وش هي الحيله ؟؟

عسى يارب ماتظلم عليّه تالي اوقاتي

عساها تثمر الخطوه بدرب ن جيت اخطيله

ويرحل ماضي الاحزان ومقبل فرحتي ياتي


%%%%%%%%%%%%%%%%%%%%%%%%%%%%%%%%%%


سلسبيلك من على شرفة شفاك ... من تقول الحب سال السلسبيل

 

[نسايم ريف]

سلسبيلك من على شرفة شفاك ... من تقول الحب سال السلسبيل

لو بغيت اوصفك ماوفّي معاك ... وكم عجزت القى الى وصلك سبيل

الحسن عمك الى المخمص ضفاك ... يانهر حبي انا لعينك سبيل


&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&


يابو عيون ن لحضها جتالي

قلبي صويب ن من سهوم عيونه

 

[يوسف الكعبي]

يابو عيون ن لحضها جتالي

قلبي صويب ن من سهوم عيونه

شروات ظبي ن فالفلا جفالي

كم قانص ن راده ورد بدونه


*******************


يا ولدي ماباك فالحاره ... صابغ ايدينك ومتحني
يا ولدي ابغيك فالغاره ... تشتكي اليروح وتوني

 

[نسايم ريف]

يا ولدي ماباك فالحاره ... صابغ ايدينك ومتحني

يا ولدي ابغيك فالغاره ... تشتكي اليروح وتوني

المرايل هب عزف طاره .... لا ولا تمثيل ن وفني

العرب كل ن وله كاره .... والخلايق انس ن وجني

وانتبه ليام غداره ..... ماتقدر منك ومني

%%%%%%%%%%%%%%%%%%%%%%%%%%%%%%%%%%%%%%%%%%%%


لا واحسافة مابنينا من العام

اثري من البنيان ماحط ساسه

 

[يوسف الكعبي]

لا واحسافة مابنينا من العام

اثري من البنيان ماحط ساسه

خذني بسياسة بن كلنتون وصدام

وآنا الغشيم اللي خذاني بسياسه

لو كل منا صار يحسب لقدام

ماشفت ذاك الذيب مفتول راسه



********************************

بسألك...

انت شعندك؟؟؟

ماجيتني للحين!!!

انطرك...
وانطر ردك...
قبل الفراق يحين

 

[نسايم ريف]

بسألك...

انت شعندك؟؟؟

ماجيتني للحين!!!

انطرك...
وانطر ردك...
قبل الفراق يحين

اقسى المواقف صدك ..

بعدك عليه شين ..

بالروف خذه مودك ..

لفه بعطف ولين ..

يدّي تدور يدك ..

والنوم ماهو الحين


***********************

يالهفة الخاطر وتغريبة الوقت

ياكل ضد وضد في وسط عيني