بيت شعر والشاعر يكمل * ( نرجو الالتزامـ بالوزن )

[طلال الشامسي]

مركبي في بحركم غرقى

وانت له مرسى ورباني

وسط موج ولجة زرقى

انت الاول وانته الثاني

يا حياتي واعشقك عشقى

يا بعد اهلي وحياني


ـــــــــــــــــــــــــــ


يا الهم ما مرك من الطير جرناس


اسود كحاله تقول سووود الليالي

 

[نسايم ريف]

يا الهم ما مرك من الطير جرناس


اسود كحاله تقول سووود الليالي


خلى البشر و اقفى وميّح عن الناس


وارخى على قلبي وخيم بـ حالي


÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

روحي غدت في حبكم مسجونه

والقلب قد هاضت جميع ركونه

أرجوك ياخلي تروف بـ حالي

 

[طلال الشامسي]

روحي غدت في حبكم مسجونه

والقلب قد هاضت جميع ركونه

أرجوك ياخلي تروف بـ حالي


من يوم ما غابت عيون عيوني

وانا اموت بخاطري وشجوني

الله من شوق ن نوى غربالي


راح وتركلي ضيجتي ودموعي

وليل ن سرقهاضحكتي وشموعي

بو خد يقتلني بحبة خالي



مقدر ألومه وش عليه آالومه

غايب وعني مختفي بعلومه

والغالي يرخص لاجل منهو غالي






ــــــــــــــــــــــــــــــــــ


بالطايرة والوقت مغرب يا سلطان

عرفت معنى المغترب واغترابه

وعرفت وش تعني تقادير الانسان

اللي يموت من الوله والصبابه​

 

[نسايم ريف]

بالطايرة والوقت مغرب يا سلطان

عرفت معنى المغترب واغترابه

وعرفت وش تعني تقادير الانسان

اللي يموت من الوله والصبابه

مثل الضرير اللي فقد شوف لعيان

بعد البصر في عز فرحة شبابه

والا مثل مامات ع النهر ضميان

يرقب خرير الماي وانسد بابه


&&&&&&&&&&&&&&&&&&&&&&&&&&&&&&&&

حكمك حكم ضلامي فـ احلامي يامن نويت الشوم

فيّه نويت اعدامي مانامي من شوفتك محروم

 

[طلال الشامسي]

حكمك حكم ضلامي فـ احلامي يامن نويت الشوم

فيّه نويت اعدامي مانامي من شوفتك محروم

والضيق قابض زامي بانسامي محرم علي النوم

حاولت اشل عظامي وحطامي لكن قتلني اللوم

اللي احبه اعوامي وايامي سوى بحياتي علوم

حالف اشد الجامي وخيامي وارحل واشوفه اليوم






ـــــــــــــــــــــــــــــــــــــــــ

اقلط يا عين امي مراحب وياحي

لك مجلسن ماداع غيرك وضمه

يا مرحبا ترحيبة العود للضي

عقب الظلام وليلة ن مدلهمة​

 

[وافي وطبعي سنافي]

حكمك حكم ضلامي فـ احلامي يامن نويت الشـــوم

فيّه نويت اعدامي مانامي من شوفــتك محـــروم

هايم أنا هيامي كلي اغرامي والقلب ياسيدي مغروم

هجرك حرامي ياسيد الارامي خليتني ف الحــب مظلوم
ــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــ
ان عنيتك ييت لك ظامي
وان جفيتك رحت مهتمي

 

[نسايم ريف]

اقلط يا عين امي مراحب وياحي

لك مجلسن ماداع غيرك وضمه

يا مرحبا ترحيبة العود للضي

عقب الظلام وليلة ن مدلهمة

الشوق يطويني جدا داركم طي

والشوق فجر في حناياي سمه

لا يابعد هالناس والدار والحي

لبيهك الشاعر وخاله وعمّه


&&&&&&&&&&&&&&&&&&&&&&&&&&&&&

شبّت حروف القاف في وسط صدري

واستفحلت نيرانها في حماها

 

[نسايم ريف]

ان عنيتك ييت لك ظامي

وان جفيتك رحت مهتمي

هايم معذب ومنضامي

وفي وجودك ينجلي همي

كم عليك آنوح مـ العامي

منذبح بسيوفك الصرمي


****************************
شبّت حروف القاف في وسط صدري

واستفحلت نيرانها في حماها

 

[وافي وطبعي سنافي]

شبّت حروف القاف في وسط صدري

واستفحلت نيرانها في حماها

وهاجوس الشعر في خافقي يغري

والدرر من لجة بحوره نقاها

خطيت انا والشوق بي يطــري

دايم علي دايم في رواهـــا
ـــــــــــــــــــــــــــــ
ــــــــــــــــــــــــــــــ
شوفك شفى قلبي ومقصوده
لا تخليني في الهجر مده​

 

[طلال الشامسي]

شبّت حروف القاف في وسط صدري

واستفحلت نيرانها في حماها

وانا صبرت وزاد حلمي وصبري

لكن لهد الارض واصعد سماها

احب نفسي والمخاليق تدري

اللي احبه مثل نفسي ولماها




ــــــــــــــــــــــــــــــــ

انسان تحصلي مقادير وظروف

لكن عموما ماني بأي انسان

ماني طبيعي اوضع انقاط وحروف

انا اصطناعي كومة الالام واحزان​

 

[نسايم ريف]

شوفك شفى قلبي ومقصوده
لا تخليني فـ الهجر مده

فرحتي بلقياك موعوده
وان رحلت العين مسهده

&&&&&&&&&&&&&&&&&&&&&&&&&&


ياللي نويت البعد .. قلي على وين ؟؟

ماحيدنا لحضه فــ حقك خطينا

 

[نسايم ريف]

انسان تحصلي مقادير وظروف

لكن عموما ماني بأي انسان

ماني طبيعي اوضع انقاط وحروف

انا اصطناعي كومة الآم واحزان

مرت علي اهوال واوضاع وصروف

مامرني طيف التهاون ولا بان

طبعي كذا مثل الجبل يحوي جروف

لكن يهين الصعب .. مايوم ينهان


&&&&&&&&&&&&&&&&&&&&&&&&&&&&&

الشعر موج البحر .. وهم انت ربان

يالشاعر الفاهم فـ إيدك سفينه

 

[طلال الشامسي]

الشعر موج البحر .. وهم انت ربان

يالشاعر الفاهم فـ إيدك سفينه

جدرانها مرمر من اللول والدان

وشراعها من قلب تابع حنينـــه

ربانها سلطان يا هيه سلطان

مد الشراع وجاب قلبه بيدينه

واللي يخاف الموج لا يركب الزان

اخاف يسقط والنهاية حزينـــه

واللي فعوله ع المشاريف تنبان

ما اظن تكفي لاجل عينه مدينه


ـــــــــــــــــــــــــــــــــــــــ

يا ليل علم غــيري

ما عاد حلو الطيري

واليوم هذا العاشر​

 

[نسايم ريف]

يا ليل علم غــيري

ما عاد حلو الطيري

واليوم هذا العاشر


تلواح كنت فـ إيده

قال الهدد ماريده

قناص حر آخاشر


يقنص بلحظ عيونه

وهيهات ن يصيدونه

لا واطن ولا عاشـر


&&&&&&&&&&&&&&&&&&&&&

هلت دموعي كم كم وكم كم

زادت جروحي والجرح ما لملم

والطب في وجه البدر يتلالا

 

[طلال الشامسي]

هلت دموعي كم كم وكم كم

زادت جروحي والجرح ما لملم

والطب في وجه البدر يتلالا

والشوق ياللي في ضلوعي محتدم

آزم يهدم ما بنيته وانعدم

وانا بطاروقي اصيح بلا لا



ـــــــــــــــــــــــــــــــــــ


مغبون يا خلن مفارق خليله

ومغبون يا قلبن معذب ومقتول​

 

[نسايم ريف]

مغبون يا خلن مفارق خليله

ومغبون يا قلبن معذب ومقتول

قلبي بعد فرقاه ضيع دليله

واصبحت بعده دون قوه ولاحول

اسج واذكر ذكريات ن جميله

وياكم ذكرى خلت المدمع سيول


&&&&&&&&&&&&&&&&&&&&&&&&&&&&&&


ياللي غلاك يفوق كل المخاليق

على الوفا عطني على العهد يمناك

 

[محمد الخروصي]

ياللي غلاك يفوق كل المخاليق

على الوفا عطني على العهد يمناك


وإن صكتك عسمى تشل المعاليق
آقف أذب الشر عنك ولا جاك

أعرفك يا قلبي تحب الطواريق
وإللي يحب إلزوم يلقاك يلقاك


من يوم ما فارقتني فوجهي الضيق
ومن يوم ما قفيت فعيوني خطاك

الله لو تحكي حبال المشانيق
عرفت بان البعدأكبر خطاياك

"""""""""""""""""""

تذكر زماني يوم حبيت وبصمت
أيقنت بان الحب يعني وجودك​

 

[مستشار]

وش حيلة اللي تمنى لمس يمناك؟؟ وانت الفراق عليه طولته!


خذ يا سجايا؟؟؟؟؟

خلك على بعده من أقصاك لقصاك... شفني أنا من باعني بعته...


وتسلمون أول تجربه وماني بشاعر قوي لكن الشوق بلواااي


للي بعدي وبيت من قصايدي.....

مانطيقه حب غيرك مانطيــــــــق.... وبحر حبك عالي أمواجه شديده

:a054::a054::a054:

 

[مستشار]

عذب السجايا أبغيك أنت أترد

 

[نسايم ريف]

ننتظر رد عذب السجايا على بيتك الشيخ ..

ولذاك الوقت نواصل



أحلى الصفات تكون صادق مع الناس

وتفكر فغيرك كأنك مكانه