بيت شعر والشاعر يكمل * ( نرجو الالتزامـ بالوزن )

[المختار]

اتعب الموتر من الخضرا لعينك******في ثواني والا انا في وسط صعرا
من ذيك الديار لين رز بيتك******قلبي عليك من الشوق مدا
سهرتني وخليتني احلم بحضنك*****وجيتلك ساري علي بساط راحا
&&&&&&&&&&&&&&&&&&&&&&&
محروز من سحرني بنظرة عيونه******عليه حرز النبي طه ويس

 

[نسايم ريف]

محروز من تسحر عيونه ****** سميت به بـ طه ويس
أهـواه والخافق يصــونه ****** عندي يساوي ناظر العين

&&&&&&&&&&&&&&&&&&&&&&&&&&&&&&&&&&&


ياللي على طيّ العواطف ناوي && قلبي أنا مـ العام مطوي طيّه

 

[المسماري]

ياللي على طيّ العواطف ناوي && قلبي أنا مـ العام مطوي طيّه

يالذيب يلي طول عمرك عاوي && قامت تحرش بك كلاب الفيه

مابيك ترضى ثم تعود ضاوي && احيدها نارك على الشدات حيه

*************************************************************

بذلنا جهدنا ولكن حسافه ... نشوف الغير يكسب من جهدنا

 

[فيصل محمد البادي]

بذلنا جهدنا لكن حسافه --- نشوف الغير يكسب من جهدنا
تمادوا بالتحايل واحترافه --- ولكنا رغم هذا صمدنا
_____________________________________________

تمر سنين والحاله رديه --- متى ربي بيفرجها عليه

 

[نسايم ريف]

تمر سنين والحاله رديه --- متى ربي بيفرجها عليّه

أعزي خاطري عن شين حظي --- واعز النفس عن درب الدنيّه

صبرت وطال صبري ياعيوني --- تمنيت الفرح يجتاح كوني

ولكن للأسف طال انتظاري --- وروح الفرح وافتها المنيّه

ـــــــــــــــــــــــــــــــــــــــــــــــــــــــــــــــــــــــــــــــــــــــــــ

يــ اهل الشعر سمحولي .. مشغولي .. غصب الـ بقى ننساه

 

[فيصل محمد البادي]

يـ اهل الشعر سمحولي - مشغولي - غصب ال بقى ننساه
مر الشهر والحولي - وريولي - تمشي بدون سعاه
ظهري نحنى بحمولي - وقفولي - لي مثلكم ننصاه
__________________________________________________

محتار في دنيا بها العاقل يجن --- واللي نجى باقي البشر جننوبه

 

[بثينة]

محتار في دنيا بها العاقل // يجن --- واللي نجى باقي البشر جننوبه
هذا بكى وهذا شكى وهذا يون -- محد راضي بآلقدر و آمكَتوبه

»

وأصبحت مآ تعني لي . . . وأصبحت مآ أهتم

 

[نسايم ريف]

وأصبحت مآ تعني لي . . . وأصبحت مآ أهتم

كنت فنهاري وليلي . . . أهيم بك واحلم
فجأه قلبت بويلي . . . واصبحت ماترحم
وانا نجمي سهيلي . . . مايرتضي ينذم

فـ اصبحت ماتعنيلي . . . واصبحت ما أهتم


ـــــــــــــــــــــــــــــــــــــــــــــــــــــــــــــــــــــــــ

العوق كل العوق لامن طرالي && يهتز خفاقي من اقصاه لـ اقصاه

 

[فيصل محمد البادي]

العوق كل العوق لامن طرالي --- يهتز خفاقي من اقصاه لـ اقصاه
احس به وادعيه عله يسالي --- وبذله حالي قبل مالي للقياه
حتى احلف برب عالي الجلالي --- مقوى على يومن به يكون فرقاه
___________________________________________________



من باع عشرة عمر يخسى وينهان --- والا الوفي دامه وفي ماخسرته

 

[بثينة]

من باع عشرة عمر يخسى وينهان --- والا الوفي دامه وفي ماخسرته
بعض البشر له عدة أشـكال وألوان --- والبعض لـــونه من ثباته حفظته
لا بارك الله في الذي عشرته خـان --- و الله يـــــجازي كل فاعل فعلته

....

شربتك مر وانت أزريت تبلعني .. يا كبره الفرق بين شعوري و حسك

 

[فيصل محمد البادي]

شربتك مر وانت ازريت تبلعني --- ياكبره الفرق بين شعوري وحسك
تطرح وانا اللي احسبك راح تجمعني --- والناتج اني اسير لضعفي وحبسك
ولو كان فيني عزم دايم يطاوعني --- مايوم تبقى فقلبي واهتني برفسك
غير المصيبه شعوري لي يدافعني --- ولا انت مثلك مثل باقي بني جنسك
______________________________________________________


يالبعيد ان كانت الدنيا لهتك --- فيصلك راسخ على ماكان اول

 

[بن الريان @]

يالبعيد ان كانت الدنيا لهتك --- فيصلك راسخ على ماكان اول
دور بالعالم ودلني أن نهتك --- ثابت وألا أختزل عشه و تحول
______________________________________________​

يمتعض من همه أمواله وفقير بالكدر عيشه ويطلب بأزدياد
الفقر عيب الزمان وا الفقير اللي يطلب ناس عن رب العباد​

 

[نسايم ريف]

الفقر عيب الزمان وا الفقير && اللي يطلب ناس عن رب العباد
وان نظرت الدرب فعيونك عسير && ربك يهوّن وذا هرج الوكاد

%%%%%%%%%%%%%%%%%%%%%%%%%%%%%%%%%%%%%%%%%

على الله يالزمان اللي رحل عنّا وليت يعود && وعلى الله يالفقيد اللي كسر في روحته روحي

 

[يكفي وجودك]

على الله يالزمان اللي رحل عنا وليت يعود** وعلى الله يالفقيد اللي كسر في روحته روحي
تحطم قلبي فبعده، وحيد فالليالي السود**ألا ياوقت ارفق بي ورجع بلسم جروووحي
--------------------------------------
حبيبي سامح اللي زادت أشواقه**حبيبي يا عسى دنياك مضمونه

 

[فيصل محمد البادي]

حبيبي سامح اللي زادت اشواقه --- حبيبي ياعسى دنياك مضمونه
وطفي نار في قلبي وتواقه --- تتوق لصوتك الدافي مع لحونه
__________________________________________________

::s24::
حيرتني وياك يازين --- قلي بربك وش جرالك

 

[بثينة]

حيرتني ويّـــــــــاك يازين --- قلي بـــربك وش جــرا لك
من علمك هالصد والبين --- من كدرك ع اللي صفآ لك

..

وخذوك مني العواذل .. والحين شاللي استفدت .؟

قق3

 

[فيصل محمد البادي]

وخذوك مني العواذل --- والحين شاللي ستفدت
كنت لتوددك باذل --- واليوم كني نولدت

-------------------------------------------
موتي وحياتي فلمست إيدي على يديك --- فيها الزجنجل مرتسم رسم عناب

 

[نسايم ريف]

موتي وحياتي فلمست إيدي على يديك --- فيها الزجنجل مرتسم رسم عناب
كـل المـشـاعـر تبحر ان مـر طـاريـك --- موجك غزير و مركب القلب عباب
يعني كذا بالمختصر ميت ن فيك --- قلبي ع بابك .. تفتح أو تقفل الباب ؟؟


&&&&&&&&&&&&&&&&&&&&&&&&&&&&&&&&&&&&&&&&&&&&&&&&

هجوسي المخفي على حد الصعب منصاي ،،، ياتي على بغته ولا ادري ويش اسويبه

 

[بن الريان @]

هجوسي المخفي على حد الصعب منصاي ،،، ياتي على بغته ولا ادري ويش اسويبه
ضامي الجوانب عطش ذابل وأنا قربك الماي ؛؛؛ كيف أني أشرب وغيري كدر مشاريبه​

((((((((((((((((((____________________(((((((((((((((((((

الهم ما يكفي على جرح الأيام خلي التسامح درب وامشي عليها
وأن كان ما يكيفك شهر م لصيام ......................................​

 

[فيصل محمد البادي]

الهم مايكفي على جرح الايام --- خلي التسامح درب وامشي عليها
واصبر واشوف الخير ياتيك قدام --- واحبس عيونك لو تزايد بكيها
______________________________________

::s18::
حدك هنا ياقاسي القلب --- عذبتني واليوم ماقوى عذابك