مجاراة شاعر

[المـــــهآ]

تسلم ياخوي ويعطيك الف عافيه

وكفييت ووفييت​

 

[نسايم ريف]

ويييييين الشعرااا


شو خلاص محد عنده روح المغامره ؟؟!!!


والا خووف الحضووور صعب ؟؟؟

اتمنى اشوف شعراء هني فـــ هالساحه ونشوف جميييع محاااوره جديده ....

اترياكم شعراا ... لاتخيبون ضني

 

[الجرناس]

جميل هذا الموضوع ولكم جزيل الشكر على هذا الأبداع

تقبلوا تحياتي

الجرناس​

 

[الجرناس]

جميل موضوع المجاراة

واتمنى ان نشارك معكم في القريب العاجل

وان تنال أبياتنا اعجاب الجميع

 

[!الـغ ـروب!]

.
.
.
صح لسانك ملايين يالماجد ولا هنت
حرفك بين الملايين معروف
ونتمنى نشوف كل يديدك ^^

ومنكم السموحه ع المداخله :imuae86:​

 

[الجرناس]

سلمت يا أهل القاف بالطيب سلمت

عبر القصيد اللي يحوم الجزيلـــــــة

مرحيب بأهل الشعر واللي على النت

ودرب الأصايل تنتخـــــي بالأصيلة

وإن جيت قايلها وان قلتها قلت

مرحيب والله والمشاعر دليله

فكري تنومس بالقصايد وقدمت

قدمتها من راس يسوي قبيلة

واقف كذا طبعي ليا من تبسمت

أرقب كذا بين الردود الجميلـــة


الجرناس​

 

[نسايم ريف]

تسلم ليا من قلت والا تبسمت
يامرحبا ترحيب واضح دليله

طبعاً ردودي ماتوفيك وان زدت
راعي قوافي معطياتك جـزيله

يامرحبا ترحيب يوصلك ع النت
ترحيبة البدوان واهل الجمييله

 

[الجرناس]

بعض القصيد إليا لفاني تنومست

من طيب نيه والنوايا دليله

واللي ردوده يالرفاقة تعلمت

من فكرة الشعار وراعي الجزيلة

يا مرحبا ترحيب فايق ولا هنت

ياللي يمينك بالجمايل طويلة

وان قالها الجرناس وإن قلتها قمت

يا صاحبي والقاف يدوي بليلة​

 

[نسايم ريف]

الظاهر انا بدينا مجاراة جديده يالجــرناس
واقول



لاهنت يالجـــرناس والله ولاهنت
على الردود المذوقات الجميله

بعض العرب يهرج ومنه تنومست
وبعض العرب لاعد ياحي جيله

وترى النوايا تنعرف لو على النت
بيض النوايا .. والقوافي دليله

ياصاحبي وان قلت دايم وكررت
يامرحبا والقاف يبرق شعيله

نوّرت قسم اشعارنا .. زوود نوّرت
مثل الضيا لاحل من عقب ليله

 

[Hajer]

واااااايد عيبتني قصايد همس القصيد ما شا الله ماعليها ابياتج رمسة

 

[الجرناس]

ما عليكم زود

واقول

صحيـــــح دايم شاغل البال بالنت

لكــــــن صــــــــــــــــدري ملتوي بالثقيلة

حظي كـــــذا والحظ منه تقاسمت

يا مر حظــــــــــــــــي بالليالي الطويلـــــة

لأنـــه زمانــــي ما تساير مع الوقت

عكس الخطاوي مقصـرات (ن) دليلة

مات الفرح فـي ناظري وما بعد مت

مثل الصحيح اللي بصــــــــــدرة قتيلة

واليوم هاذي غير ومنها تعلمت

لا حــــــــــــول منهو قد مفارق خليلة

الضيق وهمومي من السبت للسبت

وفاقــــت مسافات الغلا زود ميلــــــه


الجرناس​

 

[Hajer]

نااااااااااااااايس :imuae83:

 

[نسايم ريف]

أقـــــول​

ياشيخ ياللي تشغل الـــوقت بالنت
خفف حمولك والليالي طويله

الحـظ يتغير من الــوقت للوقت
والفجر لامنه لفى زاح ليله

والبعد علقم مـر منه تجرعت
والله يعين اللي مفارج خليله

وانا بعد مثلك على مثل ماقلت
الفرح ودعني وياهي ثقيله

ياهي ثقيله مات قلبي ولامت
انا جسد يمشي وفاقد دليله

لكن قضى ربي وانا فيه آمنت
هو عالم الأغياب .. شكره فضيله​

 

[مجروحة المشاعر]

السموحة ع المداخلة والازعاج

بس عندي ملاحظة : ممكن تصير المجاراة بكلمات شعريه مش بقصيده؟؟

حبيت استفسر

 

[الجرناس]

جميل

واقول

أعـلنت عبر القاف يا هيه أعلنــت

من فوق ظهر الغانـمة والـجزيلة

واللي يجاريني له الود والسمــــت

ودرب القوافي في طريق الأصيلـة

بالـهون قدرك والعمر طال لا هنت

والله يقدر كل نفس (ن) جــميله

لو صـــــــار مهما صار بالله آمنت

وربـــــــك مسهلها نهاراً وليلة

حتى ولو ضاقت عليه تـــــمكنت

عودت نفسي بالدورب الطويلــة

إما الثقايل لو تــــجي يوم قاومت

لـجل العيون الساهرات الكحيلة

الجرناس​

 

[لعيونكـ أشتاقـ]

يعطيكم العافيه يا شعراااااء المنتدى..

 

[نسايم ريف]

السموحة ع المداخلة والازعاج

بس عندي ملاحظة : ممكن تصير المجاراة بكلمات شعريه مش بقصيده؟؟

حبيت استفسر

الله يسمح ذنوبج الغلا وبالعكس تفضلي فــ أي وقت .....

مثل ماقلت فأول الصفحات المجاراه او المحاوره تكون عباره عن قصايد بين شاعرين ... واذا تحبين تشاركين بــكلمات تفضلي فــمجلس الشعرا

 

[نسايم ريف]

مسااااء التأخير بالحييل


واقول



أرجو السموحه والعذر كاني اخرت
لكن ضروفي فـ التواصل عضيله


الله يغربل وصلة النت والنت
والله يقدرني بــرد الجميله


لجمتني بالقول يالــحر لجمت
وقدرك على عيني وراسي أشيله


غصت فـ بحر قافك ومنه تبينت
إنك أصيل وبك معاني أصيله


ماجيت تبغي مدح مشكور واحسنت
جيت بسخاوه لن نفسك جميله


يالشاعر الجـــرناس بالهون لاهنت
والله يسهلها معا كل ميله

 

[الجرناس]

جميل ولك مني جزيل الشكر والتقدير

أكتفي بذالك

وداعة الله​

 

[آل يذوه]

تحدي للقآدرين على الشعر بدون تحديد اسم


شكيت من مابي للاشعار كم ليل
حسبت بان الليل يمحي عتومي

سهرت وانا اميز الداج بسهيل
ما هل صبحٍ بايبيح ظلومي

بالشعر جيتك من بعد سالفة جيل
شرعت بيبان الفكر والعلومي

ما شفت غير طروق تُقفل بتقفيل
عن طرق مثلي لي يضاهي عزومي

ما ريت فيكم شي يوحي بتفصيل
على ان الكم في القوافي وسومي

وان كانيه غلطان هاتو ليه دليل
حلٍ على لغزي لو انك ترومي

بالابجدي يا فاهم القاف تظليل
سبعٍ من سلوم القوافي سلومي

مـ الدرسعي فنجالٍ مبهر بهيل
واوه وضوح الشمس بي لا تلومي

ريحانية اغفى على الصعب تمهيل
ياقوت صيته بازغٍ كالنجومي

والاخره كالاولة بجد تظليل
اربع بيوت الشعر ترمي سهومي

افطن يا فاهم واعرفه فيه تمثيل
على ثياب القاف حبك الهدومي

انهيتها بالصعب لا تردد الويل
اما يدوم السهل والا ادومي


وانتظر الرد من شعراء المنتدى ​