محتاج لك حيل والله يقطع الحاجه

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#1
محتاج لك حيل والله يقطـع الحاجـه
حدتني وجيت اداري دمعـة عيونـي


باين علي التعـب والضيـق وانتاجـه
منهار لونـي متغيّـر ماهـو بلونـي


لقيتك .. اللي يصـد معقـد حجاجـه
وانت اقرب الناس والغالي ومضنوني


سكرت بابك وقفلته بـ مزلآجه
قدام وجهي وكل الناس شافوني


لكن على الله بديه الضيـق وافراجـه
والا انت الله معك خابت بك ضنونـي


بلاش منك ومـن موقفـك واحراجـه
رح واتبع اللي خذوك منـي وخلونـي


من صد عني تـرى مانيـب محتاجـه
من دونه اعيش دامه عاش من دونـي


وان قـدر الله مـع الايـام نتـواجـه
تمـر مثلـك مثـل ناسـن يمرونـي


في عيوني تصير ماتسـوا ولا حاجـه
من عقب ماكنت تسوا الناس في عيوني
 

آل يذوه

¬°•| ناقد شعري |•°¬
إنضم
29 سبتمبر 2009
المشاركات
2,425
الإعجابات
2
الإقامة
دَارْ القْوَافِيْ لِيْ عْيَتْ عَ ايْ شَاعِرْ
#3
مجهود واضح اختيه

القصيده في قمة الجمال

اعجبني هذا البيت


سكرت بابك وقفلته بـ مزلآجه
قدام وجهي وكل الناس شافوني


لكن على الله بديه الضيـق وافراجـه
والا انت الله معك خابت بك ضنونـي



صح لسان قايلها وناقلها

مشكوره اختيه على الطرح الغاوي

دمتي بهذا العطاء
 
أعلى