الحَمَل...

جمال نصير

¬°•| عضــو شرف |•°¬
إنضم
25 فبراير 2012
المشاركات
476
الإعجابات
0
الإقامة
نخل
#1
الحمل

خمسين سنة.. تاهت ف عينى كأنها ..
خدعة سراب..
ما أنا كنت تايه زيكم..
عايش حياتى كأنها ..
من غير حساب حساب
لما كبرت وراسى مالت .. شيبت..
شفت السنين دى كلها ..
سنوات عقاب..
*****
خمسين سنة...
مش حسبة برضه هيـّنه
حتى الأخصّ... ف مصرنا..
اليوم يمر كأنه أطول م الحياة..
مشوار طويل ... مليان حفر
مغموس بنار .. من دمنا
*****
على أى حال ..
موضوعنا ماهوش ف السنين...
.. ولا مُرها..
أيام وبتعدى وخلاص..
بتعدنا ... ونعدها..
موضوعنا بعد العمر دا..
وسنين حياتى ال إتحنت
واتغربت... واتشقلبت..
واتمزقت واتبهدلت...
ولقيتنى عايش وسط عزبة مضلمه
ما كانتش مصر ال إتولدت ف أرضها..
ما كانتش دوله لوحدها..
كانت يا دوب عزبة صغيرة ف إيد (حَمَل )...
*****
كان (الحَمَل...) مرسوم لنا ف صورة (أسد...)
لو حد قرب جنب منه ... يخطفه ..!!
أو ع الاقل .. فشعر ريشة ... ينتفه...!!
وفضلنا ننفخ ف الحَمَل..(قصدى الأسد)..!!
وبنينا له جوّا القلوب... غابات كتير..
يمكن يحن بحالنا ..
يمكن ينكسف...
بس الأسد.. (قصدى الحَمَل) !!
من جهله صدق كدبنا..
شفناه أسد .. فعمل أسد
من ضعفنا .. شفناه كبير
رغم انه جاهل والزمن...
كتب الشهادة ف صفحته
(إنسان حقير ...)
فرعن ..وعايز ...
يتعبد ..
بس ال يكبر بالضلال...
لازم يجيه يوم ...
يتجلد
لما إفترى...
بان وإنكشف...
زى الفران .. ساعة الهدد
*****
لما خلصنا من الأسد ..
(قصدى الحَمَل)
طيب ومين صاحب الحَمَل ..
(قصدى الأسد)..؟؟
ما هو كل حيوان تلجمه...
ليه برضه صاحب يحكمه..
وكات الحقيقة المرعبة...!!
إن الحَمَل ....
له ناس كتييييييييييييييير ...
(أقصد دول)..
عماله تعلف ..( قصدى تحكم ) .. فيه وهو م الهبل...
موهوم بإنه إله كبير...
جاله الخبل...!!
*****
وبقدرة الله الصمد
قامت زلازل ف البلد ..
(قصدى الدول)
والعالى طاح وسط التراب..
والواطى طاح .. بين الخراب
عمال يبص من الهباب
إزاى هيرجع للبلد...
زى الفيران ... من غير عدد..
وساعتها بس عرفنا مين هى ( الدول...)
*****
جمال نصير .. ابريل 2012
 

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,281
الإعجابات
0
الإقامة
حَيْثُ الأمَلْ
#2
منظومة شعرية تحكي قصة بلد مش زي أي بلد
مصر الحبيبة أرض الكنانة
أتمنى اليوم اللي ترجع فيه زي زمان وأحسن
اللهم وحد شملهم واجمع كلمتهم على الخير

أستاذي شهادتي فيكم مجروحة

بارك الله فيك
 

جمال نصير

¬°•| عضــو شرف |•°¬
إنضم
25 فبراير 2012
المشاركات
476
الإعجابات
0
الإقامة
نخل
#4
[ود];1459165 قال:
منظومة شعرية تحكي قصة بلد مش زي أي بلد
مصر الحبيبة أرض الكنانة
أتمنى اليوم اللي ترجع فيه زي زمان وأحسن
اللهم وحد شملهم واجمع كلمتهم على الخير

أستاذي شهادتي فيكم مجروحة

بارك الله فيك
ود.. ما أجمل مرور الادباء والفنانين الذين يقدرون الكلمة .. شكرا لك
 

جمال نصير

¬°•| عضــو شرف |•°¬
إنضم
25 فبراير 2012
المشاركات
476
الإعجابات
0
الإقامة
نخل
#5

روح الخير

¬°•|عضو مهم |•°¬
إنضم
13 أبريل 2013
المشاركات
1,448
الإعجابات
4
#6
كلماتك دائما قمة في الروعة
لا حرمنا تواجدك وكلماتك الذوق
وطرحك الرائع
تشكر يمناك ... الله يعطيك العافية
 

miss 6air

¬°•|مُشِرفَة سَابقة |•°¬
إنضم
24 أغسطس 2008
المشاركات
1,586
الإعجابات
0
العمر
24
الإقامة
البريمـي دآر الصريـمي
#7
أستاذي الكَريمـ . .

شكَرا لجمآل الحرف الذي تقدمـه لنـآ . .

صح لسآنكـ ويزآكـ الله خير ،

ودي / الطـير ،
 
أعلى