الخطا مني

علمني كيف أخونك

¬°•| عُضوٍ شًرٍفٌ |•°¬
إنضم
27 أغسطس 2008
المشاركات
1,155
الإعجابات
0
#1
ما تغيَّر شي .. لكن .. صار فاضي هـا المكـان
يعني إنتَ شفت قلبي طحت مِنْ عيني وعينـه


كان لك قلبي مدينه ولاحظ إني قلت : كان
يعني إنتَ الحين واحد خارج حدود المدينه


ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه


ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟


جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه


يُوم أحبك قلت كلمه : ( يكرَم المرء أو يُهان(
وإنتَ قلبي ما كرمته وما قدرت إنِّـك تهينـه


عزِّتي.. ما هي جديدهـ آنا شامخ من زمان
إغسل إيدك من رجوعي وروح يا ...........


طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـ فراقـك يعينـه


تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه


كنت تخطي وكنت أسامح مرَّهـ مرتين وثمـان
أدمح الزله عشانك وأكتـم أنفـاس الغبينـه


كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه


في عيون الناس عادي بس في عيني جنـان
وكان قلبي من يشوفك تفضحه نظـرهـ حنينـه


ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه


الفشل.. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه


وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه


قلت لك [ قلبي مدينهـ ] فيها لك حشمه وشـان
لكن إنتَ الحين أغرب شخص في هذي المدينــه ..





آتـمـنآ تنآل آعجـآبكم لكـم خـآلص وٍدي آحـبــتي
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإعجابات
1
الإقامة
في بيت الوالد
#2
كلمات جميله


ذات صياغه رائعه


تميزت بطرح والمضمون


اشكرك


احترامي

سويرة
 

علمني كيف أخونك

¬°•| عُضوٍ شًرٍفٌ |•°¬
إنضم
27 أغسطس 2008
المشاركات
1,155
الإعجابات
0
#3
كلمات جميله


ذات صياغه رائعه


تميزت بطرح والمضمون


اشكرك


احترامي

سويرة


شكرا اختي سويره على الرد الطيب
انشاء الله في ميزان حسناتج
 

علمني كيف أخونك

¬°•| عُضوٍ شًرٍفٌ |•°¬
إنضم
27 أغسطس 2008
المشاركات
1,155
الإعجابات
0
#5
كلمات ذات مستوى راقي ,,,


تحياتي لك ,,



مشرف الخواطر

دايم الشوق



شكرا اخوي على الرد الطيب

انشاء الله نشوف منك الاحسن في

منتيا الغالي
 
أعلى