لشاعر / كادومي

ahmed al.shamsi

¬°•| عضو مبتدى |•°¬
إنضم
19 نوفمبر 2012
المشاركات
17
الإعجابات
0
العمر
25
الإقامة
الخضراء
#1
فوح رديتر موتري وصافط يمين .. ومالومه لوترتفع به الحراره
اشعلت به نيران في جير لاثنين .. شارد عن الشرطه وقاطع اشاره
سكران ماعندي دليل وبراهين .. ولاني شربت الخمر ولا زجاره
سكران من شوف الدلع و المزايين .. اللي عليهن يشعل القلب ناره
خزت كذا العين ويا مجمل العين .. و الحر بونه يفتهم بالاشاره
ثيبو علي ياهل الطيب و الزين .. النار شبت و السبايب شراره
خايف ع روحي من غرام المحبين .. لازاد الشوق و انتحى صوب داره
اجيه لدياره شرات المجانين .. مابين حاره و بين حاره و حاره
ماكنها الا ب عيون المحبين .. كالجوهره ليها بريق ونظاره
تجارها يتعاملو بالملاين .. ودشيت وياهم بسوق التجاره
فقير و مغامر و مكسور م الدين ..فيها اللي فيها ربح ولا خساره
ويا ليت ابوها شخص يهوى الميادين .. ويحطها لين الخطاطيب شاره
لا قبله ع الراس و الخشم و العين .. دام الزمن بالواسطه و العياره



بقلم/ عبدالله الشامسي ( كادومي )
 
التعديل الأخير:
أعلى