تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="أمير" data-source="post: 1078005" data-attributes="member: 2343">الجــــزء الخامس والعشــــرون 25.. ---------------------------------- من اليوم الثاني .. 10 الصبح  .. ابو مشعل : وش تقول ياثامر .. ثامر : انا احبها من كانت بالسجن وتمنيتها والحين جيتك ابيك تزوجني ايااها .. ابو مشعل : ابشر ياولدي بس انت تعرف انه اختها بالمستشفى .. ثامر : انا ابي بس خطبه اخااف احد يخطبها قبلي يايبه .. ابو مشعل : طيب يا ثامر بس اصبر لين تجي اختها هي ماراح تتزوج الا لما ترجع اختها .. ثامر : اخاف تضيع مني يايبه افهمني .. ابو مشعل : اذا خطبها احد انا اللي بمنعه .. ثامر : خلاص خلها اجل خطبه بس وبعد ما ترجع اختها بالسلامه نعلن الملكه .. ابو مشعل : مايصير ياثامر .. البنت ماهي موافقه الا واختها راجعه الديره .. تدخل عليهم ام مشعل  وهي حامله بدينها القهوى والشاهي .. ام مشعل : وش فيكم امجتمعين ؟ .. ابو مشعل : ابد سلامتك ياام مشعل كنا نسوالف  .. ام مشعل : وانت ياثامر ماعليك دوام اليوم ولا ايش ..؟ ثامر : هههه لا ابد يالغاليه ما علي دوام ماخذ غياب عرضي ..الا يازين ريحة القهوى .. ابو مشعل : امك احلى شي  تسوي القهوى حقتها تخليك تدوخ من ريحتها .. ام مشعل : هي بس القهوى يا محمد ... ثامر وهو يهمس لابوه : اشهدنك ورط نفسك يالله فكها الحين بتفتح لك موال  ههههههههههه ابو مشعل : ههههههههههه اشهدنك صاج .. ام مشعل : هيه انت ويااه وش تتهمسون .. ثامر : ابد ناوي ازوج ابوي وش رايك يايمه ابوي توه صغير ويقولي من الصبح دور لي على حرمه صغيره .. ابو مشعل بغضب وهي تشوف ابو مشعل : صحيح هالكلام يا ابو مشعل .. ابو مشعل : هيه هيه انتي من صجك صدقتي هالخبل .. ثامر : افا اشوفك غيرت رايك يبه من شفت امي شكل امي مشردتك .. ام مشعل : ثويمر  قل اجل ابوك ناوي يعرس ؟ ابو مشعل : انا اذا بعرس بقولك تعالي اخطبيلي ماني من وراك  بلعب وانت ياثامر دواك عندي اجل بتلعب بعصاب امك وحطيتها علي .. ثامر ميت من الضحك : ههههههههههههههههههههه ياحلوكم كل واحد يخايف على الثاني .الله لا يحرمني منكم .. ام مشعل : اجل من الصبح تلعب بعصابي وانا اخت عوض .. ابو مشعل : ما علينا يا ساره حبيت اقولك اولدك ناوي يخطب .. ام مشعل : والله هذي الساعه المباركه ..ها اخترت ولا ادور لك . ثامر : لا والله يايمه انا ودي بوحده .. يقاطعه ابو مشعل : يبي ليلى بنت عمه .. ام مشعل بصدمه : اللي كانت بالسجن ..؟ ابو مشعل برد سريع : وش فيها اذا بالسجن .. ام مشعل : لا بس انصدمت .. ثامر : ليه يايمه انصدمتي .. ام مشعل : ما توقعت انك بتاخذها الاني كنت مكلمه اخوي عوض عن بنته منيره .. ابو مشعل : وليه تكلمينه وانا وين رحت يام مشعل اخذتي شورك ورحتي .. ام مشعل : لا ابد يابو مشعل ما قطعت شورك كنت عنده ذاك اليوم وجازت لي البنت وقلت لو جيتك ياخوي اخطب بنتك بتردني قال لا والله هذي الساعه المباركه .. ثامر : لكن انا ما عمري يايمه قلت لك ابيها .. ام مشعل : عارفه بس بنت خالك والله انها مزيونه .. ابو مشعل : الوالد يبي بنت عمه .. ام مشعل : البنت ما تناسبه يا محمد يقاطعها : وليه ما تنسابه يا ساره انتي شايفه عليها شي  .. ام مشعل : البنت  مافيها شي وكامله ماشاءالله جمال واخلاق لكن البنت تحب دراستها ما صدقت انها تطلع من السجن تبغى تكمل دراستها واللي عرفته منها انها ما تتبغى تتزوج الا بعد ما تخلص التخرج وهي بعدها اول سنه يعني يبيلك 7 سنوات على ما تزوجها .. ثامر : لكن هي قالت لي روح اخطبني يعني هي تبغاني يايمه .. بو مشعل بتعجب : وش ..؟ ومتى قالت لك هالكلام ؟ ثامر : امس يا يبه جيت اكلمها  قالت تبيني تعال اخطبني ولا هي راضيه اكلمها زي قبل بالسجن .. البنت يايبه كل يوم تكبر بعيني .. صحيح انها عنيده بس عنادها مقدر عليه .. واما الدراسه زواجي لها ماراح يدهور دراستها .. ام مشعل: تبغاني اكلمها .. ثامر ويتذكر جوالها ويمسك جواله : لا يما خلاص انا بتصرف .. ابو مشعل : انت مالك شغل بكلام امك انا بخطبها لك ..بس اصبر لين ترجع اختها .. ام مشعل : سمعت انه مضاوي الاسبوع الجاي بترجع .. ثامر واذونه على كلام امه يعني الحمدالله انها بترجع يعني موعد الخطبه بيصير قريب .. يتساذن ثامر وفي باله الف فكره وفكره لازم يسويها .. واول شي لازم يكلم ليلى ابو مشعل : على وين ياثامر بعدي ما سوالفت معك .. ثامر : مره ثانيه يبه  .. ام مشعل : وين رايح بعدي ما شبعت منك .. ثامر : وشهو ما شبعتي مني انا طبخه الله يهديك يايمه انا بروح لمشوار  وبورق طبية غيابي اليوم ... ابو مشعل .: على رحتك وانا بكلم عمك عبدالله .. ثامر : خير ما سويت يا يبا ,,يالله فمان الله اشوفكم على الغدا ..ويطلع من البيت بسرعه ... وهو يمشي بالممر تشوفه اخته ندى .. ندى : على وين لا سلام ولا كلام ؟ ثامر : بضحكه ههههههههه كنت افكر ولا شفتك .. ندى : اللي ماخذ بالك يتهنى به .. ثامر  وقف والتفت لها وهو ميت من الضحك : هههههههههههههههه المشكله انك الوحيده كاشفتني ,.. ندى : ههههههههه انا صايدك من طلعت المجلس  وانت تضحك عرفت انه بوجهك نيه والله يستر منك  .. ثامر : ههههههههههههه يعني وشهو ؟ ندى : المشكله وجهك اللى يشوفك يقول هذا مايعرف يحب او الله يعينه على نفسه المشكله ما يشوفون قلبك كله حنان وةالشر اللي بوجهك عكس اللي بداخلك .. ثامر : تلوميني يوم اقول لك انتي اللي تفهميني .. ندى : وش بتسوي ؟ ثامر : ابد ابوك وامك كل واحد يصراع الثاني .. ندى بتعجب: مافهمت كيف ..! ثامر : امك تبغاني اخذ بنت خالك عوض .. وابوك معي يبي بنت اخو وانتي تعرفين اني احبها وابيها .. ندى : خلك من كلامهم وقولي وش صار معك البارحه ما جيت الا لك ابيك تعلمني وش صار ؟؟ ثامر : ابد شوي وتقطعك جدامي من اعرفت الخطه .. ندى : ياويلي اجل ماراح تصدقني بعد اليوم وبتظن اني معك العب معها خطه .. ثامر : تقول لا تكلمني ولا تعيد هالحركات لي .. ندى : ليه ؟ ثامر : تقول تبغاني ادخل من الباب انا بنت عمك واذا كنت ناوي او تحسبني اني بكلمك او اشوفك فانت غلطان كل شي بعد ما تدخل من الباب .. ندى : اعجبتني ... ثامر : اي والله اكبرت بعيني من يوم كانت بالسجن .. ندى : والحل الحين ..! ثامر :  عندي مشكله .. ندى : وشهي ؟ ثامر يسند جسمه على الجدار  : اللي سمعته من امي انه البنت تبغى تكمل دراستها بالدكتوراه ... واللي استغرب انه البارحه  تقول تعال اخطبني  والله ياندووش اني مستغرب .. ندى توقف جنبه : تبغاني اسالها ؟ ثامر : ياليت والله يا ندوش .. ندى : خلاص بروح لهم بعد اشوي العصر واسالها .. ثامر : ولا وش رايك اتصل عليها ولا امسج لها .. ندى : لالا تسوي شي انا اتصرف .. ثامر : خلاص اخليها عليك ولما تطلعين منها امانه اتصالي علي .. ندى : طيب ابشر ,, ثامر : الله لا يحرمني منك يا ندووش يااغلى اخت .. ندوش : شوف ترا كل ذا مو ببلاش .. ثامر بتعجب : وشهووو ؟ ندوش : اول بنت تسمونها ندوش .. ثامر بضحكهة  : هههههههههههه اقول يالله روحي يوم تجيني بنت بسميها ساره وبعدين افكر فيك .. ندى : اجل ماهي خساره دامك بتسميها ساره .. ثامر : هههههههههههههههههه يالله تاخرت بروح اسوي لي طبيه للدوام .. ندى : خلاص بيننا جوال  العصر .. ثامر : اتمنى ما تنسين ولا تلهين مع نواف .. ندوش : ياقلبي قلبه يوم اجلس معه انسى الدنيا .. ثامر : خفي علينا يابنت .. ندوش وهي تقهر اخوها : وشهو زوجي حلالي وشهو تبحلق عيونك .. ثامر : الله يهنيكم .. ندوش : والله يكتبلك نصيب فيها .. ثامر : اميييييييين يالله مع السلامه .. ------------------------ بالمطبخ وهي تتصارع مع البيض والطماط ووتحرر الخبز والاغراض كانت لابسه جلال يغطي جسمها ولابسه ملفع وجلابيه لونها تجنن حمرا حرير .. تدخل عليها عهود وهي لابسه عبايه الكتف بتروح للجامعه .. عهود : الله ريحة البيض واصله للفوق من ريحته .. لولوه ببتسامه : بجد ..! عهود : يووو انا لابسه عبايتي الحين بتطبع ريحة البيض ابي اكل لقمه صغيره تكفين لولوه .. لولوه : لالا هذا لفهد بيقوم الحين وبيعصب اذا شاف احد ماكل منه .. عهود : ما عليك منه ابي وحده لقمه يابخيله .. لولوه : اكلي خلاص ذبحتيني اذا جاء فهد بقول منك .. عهود :  راضيه وتاخذ  ربع الخبزه وتاكل البيضه وهي تللذذ فيها .. ام متعب تدخل عليهم  وتصارخ على عهود .. ام متعب : عهوود وجع يالله باصك له ساعه يضرب بوري .. عهود : يما لا يطوفك بيض لولوه يجنن .. ام متعب : روحي وانا اذووقه .. عهود وهي تبوس امها وتطلع : يالله بطلع قبل لا تذبحيني يالله سلااااااااااااام .. ام متعب تضحك : الله يهديها عجزت فيها .. لولوه وهي تقلب الجبن وتفتح وتحطه بصحن .. وتقطع الطماط والخيار .. ام متعب : يعطيك العافيه بجد  شغلك يشهي .. لولوه : عليك بالعافيه  ياخاله .. ام متعب : لا عليكم بالعافيه انا توني متفطره مع عمك  ماشاءالله يالولوه صرتي تعرفين تطبخين .. لولوه والابتسامه بوجها : الحمدالله .. ام متعب : عساك مرتاحه مع فهد .. لولوه اسكتت ما قدرت ترد عليها هي تقولها انه فهد يظربها ويمد يده ولا فهد يصارخ لها ويقومها بليل علشان العشا وبالاخير ينام وما ياكل شي .. وش تقولين يالولوه لامه اكيد يوم يسمع اني شاكيه لامه بيوريني نجوم الضحى اسكتي يا لولوه احسن وسوي اللي يقوله علشان بس يطلقك وترتاحين من غثااه .. بس هو يقول ماراح اطلقك لو شنو دامه ما يبغاني ليه يخليني عنده فكري يالولوه بفكره يخليه يطلقني وهو يضحك .. ام متعب : وش فيك يالولوه سرحانه اكلمك .. لولوه باستيعاب : هلا خاله .. ام متعب : شكلك تعبانه اكلمك اقولك وشلونك مع فهد عسا ما يضايقك .. لولوه : تعودت عليه يا خاله .. ام متعب : خليه يابنتي هذا اول العرس وبعدين باول طفل بيتغير الرجال .. لولوه هي كانت ماسكه السكينه يوم اسمعت جملة ام متعب الاخيره طاحة السكينه وهي تقول لا مستحيل في شي راح يربطني بفهد انا ما ابغى منه طفل . انا بداخلي اكرهه كيف لو جبت منه طفل لا مستحيل .. ام متعب برعب : اسم الله عليك يا لولوه وش فيك ..؟ لولوه : ها ولا شي بس طاحت ما ادري كيف طاحت ..!  ام متعب : لولوه انتي فيك شي ؟ لولوه : لالا ما فيني شي بس بروح اصحي فهد قبل لا يعصب بوجهي .. وتطلع قبل لا يبين توترها جدام خالتها .. وهي تمشي بالدرج شوي شوي وبعقلها فكره كيف تتخلص منه او يطلقها قبل لا يربطهم شي بينهم ..هي خلقه ما  تحبه وتتحمله علشان عمها والموجودين بالبيت يالله تتحمل وجهه ,. وشوي الا تصدم شي اقبالها .. فهد : ما تشوفين انتي ولا وفوق هذا مو لابسه جلالك وينه يعني تتمشين من غير جلال !! لولوه بصدمه : فهد وش فيك ما شفتك  وجلالي بمطبخ كنت اسويلك الفطور .. فهد : ليه ما صحيتيني .. .! لولوه : كاني جايه اصحيك .. فهد : لا والله تو الناس ليه ما صحيتيني قبل لا تطلعين من الغرفه .. لولوه : قلت اسويلك الفطور وبعدها اصحيك .. فهد : لا صباح الخير متاخر لو ما صحيت كان خليتيني اتاخر على الدوام وفطورك اكليه بحالك .. يظرب كتفها بقوة وهو يمشي بسرعه .. لولوه : وفطورك ..! فهد : اكليه بحالك .. وينزل درجتين  وبعدها يلف عليها ويقول : علشان المره القادمه ما تنسين تصحيني  ونسيت صح روحي البسي جلالك ومشي بالبيت كذا ما ابغى < يمد اصبعه .. ويعطيها ظهره .. لولوه :  اسمع يافهد انا تعبت منك  وكلامك هذا قوله لزوجتك اللي بتتزوجها وانا ما ابيك ...تسمعني طلقنيي يافهد هذي ماهي عيشه اعيشها معك .. انت ما تحبني ليه تجبر نفسك علي .. بتكمل كلامها  بس شافت فهد يلف عليها بهدوء وتسكت .. فهد : نعم وش قلتي ..! لولوه : اظن سمعت اللي قلته .. ام متعب تطلع من المطبخ بعد ما سمعت صوت الهواش الي بين لولوه وفهد .. ام متعب : استهدوا بالله يا عيال ..فهد لولوه .. فهد يركب الدرجتين اللي كان نازلهم ويصبح بمستوى لولوه : رجعتي لعنادك .. لولوه : انت عمرك ماحبيتني ليه تتزوجني انا اكرهك اكرهك .. ام متعب : الا اله الا الله لولوه استهدي بالله يابنتي والطلاق ماهو لعبه .. فهد : يعني اانا اللي ميت فيك ..! اقول اسكتي ولا افضحك جدام الكل .. لولوه : ايه ايه بدينا بالمعاير والشرف وطق الصدر .. اقول سوا اللي يعجبك انا ما ابيك تسمع عووووع ما احبك .. فهد يعض طرف شفايفه من القهر  ويفرك كفينه .. ام متعب تصعد لمستواهم وتمسك فهد علشان ما يتهور ويضربها ..: فهد خلاص استهدي بالله .. فهد : سكتيها لا تشوف مني شي ما راح يعجبها .. لولوه : شوف انا خلاص تعبت منك تسمع  تبي تطلق فرحني من الحين وانطقها انا ماعاد ابيك .. ام متعب : لولوه خلاص تعبت وانا اهدي بينكم وشهو جهاال حشى لا انتي راضيه تسكتين ولا هو راضي يغفل للسان  وهذا بليس بينكم .. وانت يافهد ماهي حاله كل شوي جاي متهاوش وصوتكم واصل لهنا .. والبنت ما سوت شي من الصبح وهي تسوي الفطور وش تفضى لفطورك ولا تصحيك .. فهد ياشر بصبعه : هذي ماهي ناويه تتعلم ولا تفهم انها تلبس جلال بالبيت ولا هي ناويه تتعلم كيف تصحيني يعني كل ذا انانيه تبغاني اتاخر علشان مصلحتها وينخصمن من راتبي واخذلي كم زفه من المدير والسبب هي  تتعمد ما تصحيني وتسوي نفسها بريئه وتتاخر بالفطور وغير هذا تنام مبكر ولا معتبرتني زوج لها .. لولوه : الله واكبر من سالفة فطور رحت فيها لجلال وبعدها النومه والحين حقووق الزوجيه فهد طلقني وريحني منك دامني فيني هالعيوب كلها ليه مستحمل وجهي عندك طلقني وريحني منك وريح بالك .. فهد : طلاق ماراح اطلقك تسمعين والله لوريك نجوم الظهر والله لعلقك لانتي مطلقه ولا متزوجه وتتمنين تحبين يدي وراء وجدام علشان بس ترجعين لي وتتسامحين مني .. ام متعب : فهد خلاااااااااااااااااااااااااااااص انت وياااها .. لولوه وهي تنزل من الدرج : انا ما ابيه ياخاله ما ابيك ما احبه ابيه يطلقني قوليله خليه يشتري عقله ويطلقني .. فهد : ما تقولين لي من بياخذ وحده  ولا مو لازم اقول .. ام متعب : انت وش تقول يا فهد .. فهد يحط عينه بعيونها : ها تبغاني اقول ولا اسكت احسن .. لولوه وكلها قهر وثوران كالبركان تقرب منه  : انت حقيييييير  وااطي وخسسسسسسسيسسس تسمع خسيس .. فهد من غير وعي  يمسكها مع راسها مع يده اليسرى واليمنا يعطيها ذاك الكف والكفين ويوطي راسها لرجله ... ام متعب تصيح وتحاول تهديه : فهد لااااااااا يافهد حرام عليك ذبحت البنت .. تنزل هنادي على صيااح خالتها وهي تصيح : وش السالفه ياخاله .. ام متعب : نادي عمك بسرعه . وتركض هنادي تناديه .. وام متعب تمسك يدينه تحاول تبعد يدينه من شعر لولوه وظربه اللي نزل فيها تكفيخ لين مافي حركه للبنت .. ام متعب : البنت ماااتتت والسبب انت ماااتتت .. استوعب فهد على كلمة ماتت حس انه خلاص شفى غليله منها وما استوعب الا يدين امه تدفه .. ام متعب تركض للولوه الطايحه وتحاول تشيلها لكن لولوه ولا حركه .. الا يدخل هنادي وعمها عبدالله .. هنادي : لاااااااااا ماتتت وجلست ترجف .. وتقرب منها ام متعب :  عبدالله احلق البنت ما تحرك .. عبدالله ابو متعب : وش سويت فيها يافهد .. ام متعب : هذا مو وقته اخذها لاقب مستشفى .. ويشيلها عمها .. ام متعب .: روحي معه ياهنادي انا ما اقدر اروح رجليني ما تشيلني .. هنادي : طيب تركض هنادي تاخذ عبايتها وتروح مع عمها ..وهو يشيل لولوه اللي ما تتحرك .. ام متعب : وش سويت وش سويت يافهد فهد وهو جالس على الدرج البيت  وحاط يدينه على راسه : يما تكفين خلاااااااص انا مو ناقص كلامك انتي شفتيها كيف تلاسني وترد علي .. ام متعب بعصبيه: وانت ما قصرت وشهو الكلام اللي قلته وتهددها فيه وتقول انك بتفضحها .. فهد بتوتر: خلاص يمه تكفين انا صدااعي بينفجر .. ام متعب تقرب منه وتجلس جنبه : لا انت تقصد الكلام لدرجه البنت ما زادت الا بعد ما قلت هالكلام ولا قبلها كانت تحاول تقولك دامني تكرهني طلقني وانت معاند ليه يافهد انا ما ربيتك كذا عمري ما شفتك كذا والكلام اللي قلته متاكده انك تقصد فيه شي .. فهد : يمه البنت من تزوجتها ولا هي سامعه مني كلمه ودايما معاندتني وهذا الشي الوحيد الي تمشي فيه سيده الظرب والهواش .. ام متعب : البنت من الصبح وهي صاحيه تسوي لك الفطور وبالليل اشوفها تقوم تسويلك عشا البنت للامانه ما اشوف منها تقصير اللي اشوفه منك انت لا تاخذها ولا تطلعها وكل كلمه والثانيه تهددها وتبي تفضحها ليه لولوه ماهي بنت .. فهد : ........... ام متعب : انطق وريحني لولوه ماهي بنت ..! فهد بهدوء: لا لولوه بنت لكن كذبت عليها وقلت انك منتي بنت علشان اقدر اسيطر عليها واهددها وتسمع كلامي .. ام متعب بصراخ : وش سويت ياسواد وجهك يافضه وتربيتك ياسواد وجهك وشهو تعلم البنت انها ماهي شريفه انت وشهو قلبك وتبي تربيها على كذبك  لا انت منت فهد اولدي انقلع عن وجهي يافهد انقلع .. فهد : يما اسمعيني .. ام متعب : ما ابي اسمع كلمه منك من تصحى لولوه تقول لها الحقيقه تسمع وفرعون اللي طلعت على شكله ابيك تدوسه منت فهد اللي ربيته يقوي نفسها على كذبه .. ما تقول لي وش تتوقع ابوك يقولك يوم يسمع منك هالكلام ولا لولوه وش مصيرها يوم تيسع انها شريفه وانك من تزوجتها تهددها وتكفخها وتسطرها .. الاكيد ماراح ترد عليك او تسمع منك كلمه  وما الومها يوم تطلب الطلاق ما الومها ... وهي تلف وجها وبعدها ترد له : شف من تطلب منك الطلاق لا تطلق خلها ترتاح ببيت اهلها وبعدها لي صرفه معك ومعها .. وهي تمسك عبايتها وتقول لفهد : امش اخذني لهم ولا بتجلس تنتظر موتها .. فهد من غير حول ولا قوه : طيب يالله انا رايح لها وبعدها بروح للدوام ولا تجبريني اجس عندها ... ام متعب : انت اخذني وبعدها رح على كيفك يافشلي البنت يتيمه وش سويت فيها .. وهي تمسك عبايتها وتركب السياره بعد ما البست برقعها ..وكلها خوف بمصير لولوه مع فهد .. -------------------- بعد ما حولوها للجناح مره ثانيه تحسنت صحة  مضاوي  شوي  وبدات تصحصح وتستوعب الي حولها .. اول ما صحت ما شافت احد عندها وخصووصا حمد الانها ماعاد طيقه شوفته بعد اللي صار ذاك اليوم والكلام اللي قاله جرحها وجرح كل شي فيها كانت محتاجه شخص يوقف معها لكن شكلها اختارت الشخص الغلط .. وقالت مضاوي : بينها وبين  نفسها انها اول ما توصل للبلاد بتعيش بحريتها من غير قيوده المعقده تحسه مرتبط بالماضيه كثير وبحبه .. وش اللي مكلفك يامضاوي تحبين شخص واخرتها انتي وياااه مصيركم الفراق هذي المده خلتني احب ليه حبيت ليه .!!! هو المرض اللي خلاني احبه .. ولا طبعه وحبه القديم .. حددي يامضاوي مشاعرك انتي تحبينه او تكرهيه .. فترى المرض قصيره اسبوعين تخليك تحبينه .!! او انك محتاجه شخص معك بالغربه يوقف معك يسال عنك مثل امك ابوك اخوانك يمكن الاني كنت متعلقه باهلي ومحتاجه اتعلق بشخص قريب مني .. لكن القدر خلاك قدامي يا حمد ولاخلاتي احبك او بمعنى ثاني احتاج لك ..صحيح حبك الاول مو مخليك تفكر في حبي او فيني شخصيا كزوجه فرض الزمن عليك تاخذها .. لكن بجد احسد زوجتك الميته بتقول ليه بقولك الانها ميته وانت صاين هالحب .. بيجي يوم موتي في احد بيحبني كذا .. تضحك بصوت مسموع : هههههه هذا مستحيل يامضاوي .. حمد : الحمدالله والشكر وش فيك مضاوي جالسه تضحكين ..! مضاوي بتعجب : هااا .. حمد : وش فيك تضحكين .. مضاوي : وانت من متى هنا ..؟ حمد : هههههههه ليه ما شفتيني من الصبح وانا هنا وخصووصا يوم فتحتي عيونك بس طمنت راسي علشان ما تشوفيني .. مضاوي بقلبها : يافشلي الرجال كان تحت نايم وانا ما شفته وانا احمد ربي انه مافي احد بالغرفه وخصوصا هو.. مضاوي : وليه  نزلت راسك .. حمد :  ههه كنت ابيك ترتاحين اكثر المهم  اشلونك الحين .. مضاوي وتخلي نفسها تعبانه شوي : الحمدالله زينه .. حمد : ليه تضحكين ضحكيني معك .. مضاوي : لا بس تذكرت موقف وضحكت بوحدتي حتى الضحكه حارمني منها حمد : لا مو لدرجه هذي  الموقف يضحكك كذا .. مضاوي : وش تبغى ياحمد .. حمد : ليه انا قلت ابي منك شي .. مضاوي : ياليت تخلي اخوي متعب يجي يجلس عندي وانت روح لبنتك واهلك .. حمد : ليه مليتي مني ..! مضاوي : انت ما تبغاني ياحمد ليه تضحك على نفسك..!! و انت الي قلت انك مجبور وش تبي تجلس عندي تبغى تذبحني فوق الكلام اللي جرحت مشاعري وكل شي فيني انجرح منك ومات .. ولا تغير اسلوبك معي الحين بعد ما تسببت في موتي .. تدري تمنيت هالمره اموت الانه خلاص ماعاد يهمني شي الكل  بيمشي طبيعي بحياته ..من غيري ..وانت ماقصرت سافرت معي علشان ترضي ابوك بزواجك من البنت اللي حبيتها .. وزواجك مني تصحيح غلطه ولرضى ابوك .. ولا انت لا عمرك حبيتني ولا حتى همك حالتي المرضيه بجد تمنيت الحين اموت ولا اشوف نفس قلبك القاسي .. حمد : مضاوي خلاص  تحملت كلامك وقلت مريضه .. وانا قلت لك بتغير وانا اسف على الكلام اللي جرحتك وش تبغين بعد ابوس يدينك ولا راسك علشان تشفعين لي جريمتي ..!! لا تكونين انتي والزمن والكل ضدي .. انا ما ارتكبت غلط انا تزوجت وحبيت على سنة الله ورسواله ما جلست وخربت نفس ابوك  ما تزوج امك الا بعد ماعرف انها حامل فيك .. مضاوي : تعايرني بابوي وحمل امي غير الشرعي فيني ..!! وهذا هو عمك اخو ابوك ..!! حمد : هدي انتي بعدك مريضه والكلام اللي قلته انسيه سويله دليت سوي مسح خلاص من اليوم بكون انسان غير الانسان اللي تشوفينه يامضاوي .. مضاوي : انا ما ابيك بحياتي مثل ما انت ما تبغاني بحياتك ياحمد .. الى متى بنكذب على بعضنا ونخدع بعضنا ما تقول انك جاي معي علشان مرضي والحين خلص المرض والحمدالله بنرجع مثل ما كنا ما نعرف بعض .. يعني بتطلقني وهذا اللي تبغااه .. حمد : مضاوي هدي انا ماراح ارد عليك ولا كلمه بس ارتاحي الحين وبعدين نتكلم .. مضاوي : ليه ما تريحني من الحين .. قوولها قولها واجرحني خلني امووت مافي احد يحبني  الكل يدور مصلحته وانا اللي اركض وراء مصالحهم ومنفعتهم واداريهم شوفهم وينهم .. الكل يدور مصلحة نفسه وحب نفسه وانا اللي ابي لهم الخير  يحسبوني انانيه  الاني كنت ابي مصلحتهم وينهم ما سمعت صوتهم الى الحين .. اسمع اخبارهم منك ..ما تقول لي وينهم حمد : هم يتصلون كل يوم وكل ساعه تقريبا بس الدكتور مانع الجوال عندك يامضاوي انتي الى الان مريضه والاشعاعات الجوال تاثر على راسك ... مضاوي بحاله هستريه : خلاص اتركني ياحمد اتركني ماعاد ابغااك ..رووح عن وجهي رووووح .. حمد بعد ياس في اقناعها : خلاص انا بروح بس اتمنى بالمره الثانيه تكونين بخير .. والدكتور يقول بعد يومين بتطلعين من المستشفى والايام الباقيه راح تاخذينها نقاهه خارج المستشفى .. وطلع من الغرفه بعد ما عجز فيها وهي بحاله هستريه وتعب واضح بوجهها .. وهو نادم انه جرحها .. ----------------------- هيا ونجوى جالسات على النت .. هيا تضحك مع صديقتها بالمايك وصوتهم وضحكم بالشات الصوتي .. وصديقتها تقول لها هيونه فكي الكام خلينا نرقص بالشات .. ( هناك بعض الشات يوجد كامره للمشاهده ) هيا : لا يادبه اخاف احد ينقز علينا .. نجوى : هيا اسمعي .. هيا : خليني يا نجوى اسوالف بعدين بفضي لك .. نجوى : سكري النت وتعالي عندي خطه جهنميه تبيد بنات خالي عبد اللطيف .. هيا : وش هي ؟ نجوى : وش رايك ننشر صورت مضاوي وخواتها بالنت .. هيا : مجنونه انتي .. نجوى : عادي هم ماهم بنفس قبيلتنا ولا عايلتنا وش فيها .. هيا : لا انتي  مجنونه رسمي يا نجوى .. نجوى : ولا كيف وش رايك تقولين انك مضاوي ال ***** ولا وحده من خواتها وعادي ترا  هم بياكلونها واذا جلسنا كذا بياخذون كل شي   منا يعني يكفي انه مضاوي خذت حمد .. وناصر اخذ اختها وبتجلس ببلعومنا وحتى فهد اللي تحبينه صار من نصيب هاللولوه الوقحه و ***** <مايحتاج اقول هيا : وش تبغينا نسوي .. نجوى : كذا تعجبيني هي اول ما توصل نوفا للبيت نقول واحد من ربعك يتصل عليها ويرسل مسجات حب لها على انها انتي .. واسمك وشهو نوفا .. ولما تكلمينه قوليله لو صار اي شي لا تقول انك تعرفت علي بالنت علشان ما تنكشف اللعبه .. هيا : انتي تعرفيني ما عندي هالسوالف صحيح العب نت واكلم بنات اما صبيان لا يانجوى ما اسويها لو شنو .. نجوى : ما تبغين فهد لازم تسوين كل شي علشانه .. هيا : انا مستحيل اكلم يا نجوى اذا انتي عادي عندك سويها انا مستحيل اخدع الناس واقول لهم اني اسمي نوفا وانا اسمي هيا .. انا عندي ظمير يعذبني وبكره ربي بيحاسبني صحيح اكلم بالشات بس ما اكلم الا بنات .. نجوى : تكلمت شريفة روما اقول عن الدلع ابيك تسوينها معي واذا ما سويتيها يا هيا بوريك شي ما شفتيه هذا وانا ابي مصلحتك ,, هيا : فهد ما عاد ابيه وعمري ما تمنيته .. واذا مره قلتها لك الاني بس تمنيته يكون لي غير امنيه والاماني كثيره ما تحقق .. نجوى : يعني منتي واقفه معي .. هيا : ماراح اوقف .. نجوى وهي تقرب منها وتاخذ الماي ..: بوريك كيف تسوينها الطريقه سهله .. وتكلم نجوى بالمايك وتقول اسم نوفا الكامل ودلعها ووتوزع رقم نوفا بالنت .. وتقول لا تقولون انكم عرفتوني بالنت وتجلس ساعات على النت على انه اسمها نوفا .,,, نجوى بينها وبين نفسها : والله لوريك يا نوفا واعلمك انا منو هين والله لخليك تبوسين ايديني ورجليني على انك تسمعين والله لفضحك انتي وخواتك وحده وراء الثانيه .. وهي تهدد نجوى الا تسمع هيا تقول : حرام عليك بكره  بتتزوجين وبيكون عندك بنات ما فكرتي يا نجوى الى متى وقلبك بيصير اسود ..!! ما فكرتي بمستقبلك كله تفكرين بالانتقاام .. نجوى : ما لك شغل فيني تسمعين واللي اسويه ياوليك اذا قلتي عنه احد وخصووصا ناصر لو قالك شي انكري واذا عرفت انك انتي اللي خبرتيه والله ثم والله لوديك وراء الشمس ... هيا : شوفي يانجوى لا تقرنين نفسك فيني ولا تشوفيني اني اشبهك ترا انتي محدن يحبك ولو سمحتي  ابعدي عني ..واذا قربتي لنوفا او وحده من بنات خالتي شوفي وش بسوي .. الانه هم مصيرهم من مصير وسمعة امي ولا تمسين انه خوالي هم من ربوونا ما نجزيهم كذا نلطخ اسمهم بالسمعه .. نجوى : يكفي عمك عبداللطيف ملطخه وخالص والدليل امهم هههههههههههههههههه مشهوره ياحبيبتي ما تشوفين عمانك يزوجونهم الانه محدن بياذهم الانه لا امهم ولا ابوهم يشرفون الناس .. هيا : انا علمتك اذا بتسوين اي شي ماراح اسكت  يانجوى .. نجوى : نشوف يا هيا وانا بوريك كيف تعرفين اني عند كلمتي يا هيا .. هيا : ههههه الخبل اللي يجلس معك او يحاورك الانك متخلفه .. يالله بنشوف خطتك بتنجح او لا ..لكن ابشرك بتوشفيين الكل ضدك يا نجوى .. وتطلع وتسكر الباب  من ورااااها .... ------------------- ليلى ونوفا يركضون بالممر وناصر معهم .. ناصر : هدوا شوي  ان شاءالله مافيها الا العافيه ... نوفا : انت ما سمعت عمي يقول انها تعبانه .. ليلى : ناصر تكفى هي فيها شي قولنا ليه ما خبرتونا اول ما طاحت .. ناصر : والله عمي يقول مافيها شي بس صدمه وبتروح  .. نوفا وهي تمشي بسرعه : انا ادري كله من فهد  اكيد هو اللي ضايقها .. ناصر : لا تضلمينه يا نوفا .. نوفا : الا هو ما يحبها ويجرحها دايما ادري فيه .. ليلى : خلاص يا نوفا هدي وادعي انها بخير .. ناصر ويمشي بالممر ويسال الرسبشن عن لولوه عبد اللطيف .. وقالوا له انها بالملاحظه  النساء تستريح .. ناصر : شوفوا تدخلون  هالممر وبعدها تلقون باب كبير مكتوب الملاحظه النساء ادخلوا الانه هالباب الانه ممنوع ادخل منه .. وتركض ليلى ونوفا والا يشوفون اقبالهم فهد وعمهم عبدالله .. ليلى وهي تكلم عمها عبدالله : وش فيها لولوه ياعمي .. عبدالله : هي تعبانه شوي وعندها داخل هنادي وخالتك ام متعب تدخل نوفا وليلى الملاحظه حقت النساء .. ويشوفون ام متعب وهنادي .. ويقربون منهم ليلى .: وش فيها لولوه .. ام متعب وهي تشوف لولوه وساكته الانه وجهه لولوه ما يبشر بخير الانه متورم من كثر الظرب .. ليلى وهي تشوف لولوه الا تصرخ : ااااااااااه نوفا : وشفيها ليه وجها متورم .. هنادي : هدي يا نوفا مافيها شي .. ليلى : كيف تقولين مافيها شي وكل وجهها متورم .. هنادي : استهدي بالله فترى وتعدي .. نوفا : هذا فهد اللي ظاربها .. ام متعب : يابنتي هو خلاف بسيط .. ليلى بعصبيه : خلاف بسيط خاله انتي شايفه وجهها شافيه التورم  وعيونها ... ام متعب : يابنتي والله خلاف بسيط والعناد بينهم الله يهديهم زادوها .. هنادي : ليلى  الدكتور اخذ منها تحاليل ويقول بعد ساعتين تطلع وبيبشرونه وان شاءالله انها بخير .. ليلى : لولوه بتروح معي الليله ياخاله .. ام متعب : لا ياليلى لولوه بترجع معنا .. ليلى : لا مستحيل لولوه ترجع لكم بعد اللي شفته ما ابغى اذبح اختي مع فهد .. مو يعني ماعندها ام ولا ابوو بتستغلونها وتظربونها هنادي : ليلى هدي العصبيه ماراح تجيب فايده.. ليلى : اختي ما شفتيها شوفي عيونها شوفي وجهها  حرام عليكم وش سويتوا فيها .. نوفا : انا مع ليلى لولوه ما تجلس هنا الانه فهد بيطول لساانه عليها وبيضربها .. ام متعب : لكم مني ماراح يمسكها مره ثانيه .. ليلى : وش بيضمن لي ياخاله اسمحيلي اختي ما ابي اغامر فيها مع فهد يا يخليها بمعروف ولا نشوف صرفه معه .. هنادي : هذا يحصل مع الكل يا ليلى لا تكبيرنها .. ليلى : لا لو كان ابوي هنا والله ما يخلي حق وحده من بناته هذا وحنا امانه بعنقه دافعتم عن ولدكم .. ام متعب ببكي : خلاص ياليلى عمك والله انه يحبكم وعادكم اكثر من عياله... ليلى : لولوه بترد معنا وماراح نخليها تجلس هنا .. هنادي وهي تكلم عمتها : خليها ترجع معهم اليوم وبكره ترجع لكم خليها تريح عند خواتها اليوم وبكره يحلها ربي .. نوفا : وياليت فهد يحل المشكله ونبي نعرف وش الخلاف اللي خلاها كذا .. ام متعب : والله اللي اعرفه سالفة عناد ومالها اي دااعي .. ليلى تقرب من لولوه النايمه ووجهها كله كدمات وجروووح : ياعمري يا لولوه  شكلها يكسر الخاطر .. نوفا : ما تصورت لولوه بشوفها يوم كذا .. ليلى : اسمحيلي ياعمتي انا بقول لعمي انها بتروح معنا البيت .. الا الدكتور يدخل عليهم  : ليلى : ها دكتور بشر وش فيها ..؟ الدكتور : مانقدر نعطيها شي حاليا .. ام متعب : ليه يادكتور هي تعبانه حيل ؟ الدكتور : التحليل توضح انها حامل .. وما نقدر نعطيها اي ادويه .. الكل انصدم : حامل .. وبعدها تركض ام متعب لبرا الملاحظه وتشوف ناصر وفهد وابو متعب ابو متعب : وش فيكم ؟ فهد : لولوه فيها شي ..؟ ام متعب : لولوه حامل .. فهد بصدمه : وشهووو ؟؟ ابو متعب : انتي من قال لك هالكلام ؟ ام متعب : توه يبشرنا الدكتور ويقول تقدر تطلع  لكن ليلى وخواتها يقولون لازم ليلى ترتااح عندهم كم يوم  .. فهد والصدمه لسه ماراحت عنه ..ما تكلم او علقه اكتفا انه يطلع من المستشفى وابوه وامه ينادونه من غير حول لاستجابته لهم .. ليلى  تمسح شعر اختها  وتحاول تهديها بعد ما صحت وستوعبت خبر حملها كان بالنسبه لها صدمه .. وهي تصاارخ ما ابيه خلوا ينزل ما ابيه ما ابيه .. ام متعب : هدي يالولوه .. نوفا تبكي كثير : خلاص يا لولوه ماراح ترجعين له اهم شي راحتك ياقلبي انتي ..</blockquote>

الإسم

التحقق