تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: <blockquote data-quote="أمير" data-source="post: 1076976" data-attributes="member: 2343">الجزء الثالث والعشرون 23 -------------------------------- مرت ساعات طووويله فيها عجلة الذكريات دارت .. وفيها الايام تحكي عن نفسها جالس بغرفة الانتظار ..وعقارب الساعه امامه .. والساعه 3 صباحا شارفت على الانتهاء .. وهو بغاية التعب من جاء من المطار بالمستشفى حتى من التعب مالم يبحث عن شقه يسكنها .. حب يتطمن عليها وعلى عمليتها ليس حبا ولكن هذي امانه بعنقه ويريد قلبه لا يتركه من التفكير بها طوال وهي بغرفة العمليات ؟؟ بعد مرورو الوقت تذكر زوجته وحادث موتها بولادتها وحكاية النزيف  والتعب وخبر وفاتها الذكريات الحزينه اتته بالمستشفى الذي يكرهه لم يحب ابدا المستشفيات اطلاقا .. يعرف بانه بهذا المكان يفارق الجميع من يحبوا .. تذكر ابنته جود البنت المرحه وتذكر حوارها وذكرياتها الطفوله .. ودار بمخيلته حوارهم قبل السفر .. جود : بابا بتروح تسافر عند ماما .. حمد ينحني بمستوااها : لا بابا انا رايح ارجع ماما .. جود بفرح : هي خلاص بترجع لنا ماما  بجد.. حمد بحزن : بترجع لك ماما جديده  وبتجيب لك لعبه .. جود : انا ابغى عروس البحر .. حمد : طيب بسافر وبجيب لك عروسة بحر .. جود : بتسافر مع ماما .. حمد بحزن : ايوه حبيبتي انا بروح وخلي بالك على نفسك لا تبكين ولا تضايقين الجده .. جود : بس انا ماعرف هي تتكلم كيف .. حمد ضحك : طيب حبيبتي هي تتكلم مثلي ليه وش فيها .؟ جود : لا هي تقول بتئولي ايه   هي كلامها هندي .. حمد  بضحكه اكثر : هههههههههههههههههه لا تقولين جدامها بعدين تظربك .. جود : انا كا قلت هي تقول كذا .. حمد : خلاص صيري بنت شاطره واسمعي كلامهم .. ولما ارجع اجيب لك عروسة البحر .. جود : خلاص بابا بسمع كلام مايا بس لا تنسى تجيب عروسة البحر .. حمد : طيب ماراح انسى يالله بوسه بابا .. جود وهي تبوس ابوها .: امووووووووح .. حمد : فديتك ياعيون ابوك .. وقام من سرحانه بالسستر تطلع من غرفة العمليات .. وقف وهو يشوف السستر تتقدم منه .. وتكلم له بالانقليزي انه العمليه انتهت وبناخذ المريضه للوحدة المشدده وانه العمليه نجحت وقابل الدكتور بعد نصف ساعه من الان .. ويتطمن حمد من كلام الدكتور وانه العمليه باذن الله ناجحه الانه تم استاصل الورم الكبير بنجاح وبصعوبه قصوى .. تطمن حمد واتصل على اهله يطمنهم بنجاح العمليه اللي الكل انصدم بانها سوت العمليه من غير احد يعرف باتمامها .. وبعد مـــــــــــرور اربع ايـــــــــــام .. مضاوي راحت للجناح وحالتها الصحيه بدات تتحسن وتصحى شوي وتنام شوي وتستقر حالتها من غير مضاعفات .. والمعاريس توهم يوصلون من المطار .. نوفا وناصر باتم السعاده ولولوه وفهد سكوت غامض ومميت بنفس الدقيقه.. وصولهم للبيت الكل كان مرعب فيهم .. والكل استقبلهم بالاحضان .. بعد ما سلموا وشافوا الكل موجود ببيتهم فقدوا انسانه المفروض تكون اول المرحبين فينا .. اول المستقبلين لنا , اول الحاضنين لارواحنا .. اول شخص تبصر فيه عيونا .. مضاوي ايه مضاوي المفقوده بينهم .. الكل موجود حتى ليلى ومتعب الا مضاوي وينها ؟ حتى ابوي المريض موجود بسريره ماتحرك ؟ وينها مضاوي ..؟ نوفا بصوت مسموح للكل : وينها مضاوي ؟ لولوه : ايه صح وينهاكنت احسب انها اول شخص ترحب فينا . الكل سكت ..! وتفاجئت لولوه ونوفا بهالسكوت الغامض اللي عم على الكل .. وسئلت للمره الثانيه : مضاوي وينها بالمطبخ بروح اشوفها .. لولوه : نوفا لحظه .. وتلتفت للكل  وتقول : مضاوي فيها شي ؟ ليلى : لا مافيها شي بس هي .... ام منعب تبي تعديها : هي بخيير والحمدالله وهي الحين .. ليلى  : خاله لا تقولين .. نوفا بخوف : وش تقول ..؟مضاوي فيها شي .. ام حمد : لا يابنت دي مضاوي تقوزت حمد وسافرت معه .. لولوه ونوفا وجهم علامات استفاهم .؟ كيف مضاوي تتزوج من غير ما تعطينا خبر او نفرح بزواجها لدرجه ذي فرحانه بحمد لدرجه ذي تبي الفكه منا ..؟ نوفا : ما توقعت من مضاوي كذا ؟ تتزوج قبل لا تنتظرنا ؟ ام حمد : واللهي يابنتي حمد اللي يبغى العرس وسافر معها .. نوفا : لا مستحيل مضاوي طبعها كذذا بهذي الانانيه يعني تزوجنا وبعدها تتزوج حتى ما تقول لنا ؟ ليلى : نوفا عيب هذي اختك .؟؟ نوفا : مضاوي هذا مو طبعها مضاوي تغيرت كثيييييييييييييييير عن اول ..؟ لولوه : صايره ما تحب الا نفسها والحين ننصدم تزوجنا وبعدها تتزوج وتسافر حتى ما بلغتنا بزواجها ليه هي اختي وش فيها مضاوي ؟ ليلى بنفعال : الانك ماتعرفون وش فيها مضاوي والله لو تدرون وش فيها لنزلين راسك انتي وياااها .. بس كلام على الفاضي قبل لا تتكلمون اعذروا الضرووف اللي هي فيها .. الكل ست ولا عرف وش تقول ليلى ... ام متعب بهمس : ليلى هدي يابنتي اعذريهم هم مايعرفون .. ليلى : هم لازم يعرفون بحقيقة مضاوي علشان بس ما يظلمونها اكثر مثل ما انا ظلمتها .. نوفاىبخوف :  ليه وش فيها مضاوي كلامك ياخوف ياليلى ؟ لولوه : ردي وش فيك ساكته وش فيها مضاوي  توها تقول ام حمد انها تزوجة حمد ؟ ام متعب : مضاوي بخير والحمدالله تطمنن ... ليلى : هي سافرت تسوي عمليتها . لولوه : عملية ايش .؟ نوفا : هي ما فيها شي ليه تتفاولون عليها ؟؟؟ ام متعب : ليلى بتقولين لهم .. ليلى : ايه بقولهم مضاوي خلاص سوت العمليه وهي بخير والحمدالله لازم يعرفون مضاوي وش فيها هم بعد ؟ نوفا بصراخ : ببتكلموا ولا وشهو وش فيها مضاوي ..؟ ام حمد : مضاوي مريضه ومرضها كان خطير طول الفتره اللي كنتوا عايشين هنا كانت تعرف بمرضها وساكته علشان بس تربيكم .. ام مشعل : ومحد كشف هالمرض الا ابو مشعل لما اخذها  للجمعيه وطاحت بالجمعيه واخذها للمستشفى  طلعت التحليل وانصدمنا كلنا بمرضها اللي محد عرف عنه واللي كانت بتموت لو ما تعالجت وسوت هالعمليه .. ام متعب : كانت تبي تتطمن عليكم .. تبي تستر عليكم قالت لابو متعب ابيك تعجل بزواج لولوه علشان اتطمن انها بخير .. واصرت انها ما تسوي العمليه الا لما تطمن على نوفا .. وقال ابو متعب انها بيزوجها حمدان بس علشان تسافر وتتعالج  كل هما انتوا يانوفا ولولوه تقول الكل بيمشي وبيعرف طريقه الا انتوا كانت تخاف على ظلكم  يختفي بالشمس .. هي تحبكم ومن حبها لكم استحملت كلامكم اللي قبل السفر وبيوم العرس.. علشان بس تطمن عليكم انه في رجال وراكم يحميكم .. نوفا : وشهو المرض ؟ ليلى بهدوء : ورم بالراس .. لولوه  بشهقه : اااااااه ام متعب : بسفركم طاحت وكانت حالتها حرجه وصعبه .. حتى سافرت وكانت على حد الموت .. والحمدالله سافرت وسوت العمليه باول وصول لها .. ونجحت والى الان صوتها ما سمعناه اللي عرفنه من حمد انها بخير وتحت الاجهزه ويبيلها ايام قليله علشان يستوعب العقل ,.. تعرفون المنطقه حرجه وصعبه .. لولوه بدموع : لا مستحيل مضاوي عمرها ما بين عليها المرض ؟. كانت تقول صداع ويروح .. نوفا ولولوه انصدموا بالخبر .. وجلسوا يبكون .. واصرت ام متعب انها تهديهم وانهم يدعون لاختهم انها تتشافى.. وجلسوا هاليوم مع ليلى .. اللي كانت تعبانه من التفكير بمضاوي ..وكل ساعتين تتصل بحمد وتتطمن على اختها .. وحمد كا يجي مضاوي الا ساعتين باليوم يقسمها بين الصبح والليل .. الانه وش بيسوي بالجلوس عندها والبنت فاقده الوعي .. وانه حالتها يمكن تطول على حسب استحمالها الفتره العلاجيه .. |..بعـــــــــد مرور اسبــــــــوع ..| تحسنت مضاوي ..وصارت تستوعب اللي حولها .. وعرفت من حمد كل شي .. حمد : وهذا كل شي والحمدالله على السلامه .. مضاوي : الله يسلمك وهي تتفقد شعرها والشاش اللي عليها .. حممد: لا تخافين طمني الدكتور انه بيطلع من جديد .. مضاوي : اسفه ياحمد اجبرتك تتعب معاي .. حمد بضحكه : لاتعتذرين يابنت عمي هذا الواجب .. مضاوي : احبرتك تسافر وتترك بنتك واهلك وغير هذا تتزوجني وتتعذب معي .. حمد وهو يوقف ويروح لدريشه ..: اما بنتي فهي وحشتني كثيييير .. اما الزواج كان صعب علي بالبدايه لكن لا تشتلين هم بنتاقلم عليه سويه .. مضاوي : تقدر تطلقني بباول  وصول لنا .. حمد : وش فيك تبغين الفكه مني ؟ مضاوي بخجل وبصوت مريض : لا ما ابغى اتعبك معي اكثر .. حمد : تطمني ليلى اللي مزعجتني تبغى تسمع صوتك بس كويس انه الجوال ممنوع هنا علشان لا تزعجك معي .. لولوه ونوفا لولا ازواجهم ما يتصلون كان لقيتهم مثل ليلى بس جالسه تتصل .... مضاوي بصدمه : هم عرفوا بمرضي ..؟ حمد : ايه ليلى من سافرتي اقولك وخواتك الباقيات اعرفن بعد ما اوصلن من اسبوع العسل.. مضاوي : من خبرهم ؟ حمد : انا عندك وش عرفني ..وهو يمد لها العصير .. مضاوي : لا مشكور صدقني ماني مشتهيه شي .. حمد : انتي ما تاكلين جبت لك اغراض اشوفك ما مديتي يدك عليها .. مضاوي : والله يوم بشتهي باكلهم مشكور ياحمد .. حمد : الا عندي سؤال واحد محيريني   ممكن اسال دامنا مافي الا انا وانتي .. مضاوي باستغراب : وشهو . اسال ؟ حمد : ليه اصريتي  تزوجين خواتك ؟ علشان مرضك ؟ ولا اهتميتي بحياتهم بتكون سعيده بزواجهم او لا او اجبرتي الغير يتزوجهم وانتي مو عارفه حتى طبعهم ؟كيف تزوجينهم وانتي ماتعرفين عن ازواجهم شي ..!! مضاوي ساكته : .............. حمد : صعب السؤال ؟؟ مضاوي بهدوء : لا مو صعب .. تتنفس بعمق ..وبعدها تقول : كنت ابي اتطمن عليهم  حتى لو مو مرتاحات المهم يكونون تحت عيون عماني والحب اللي تتكلم عنه ما يجي الا بعد الزواج .. حمد : يعني تظنين بانه الحب بعد الزواج يجي لا يامضاوي حسيت انك قلتلتيهم مضاوي : وش تبغى يا حمد من هالسؤال ؟ حمد : الاني جربت الحب مع انسانه حبيتها والكل رافضها بحياتي جبرت الوقت والظروف علشان تكون لي وفعلا كسبتها ويوم كسبتها وحبيتها راحت اخذها ربي اللي  توقعت محدن بيفرقني عنها غير اهلي وعماني بس لقيت انه الله قوي واخذها الاني حبيتها قبل الزواج وبعد الزواج ادمنت على حبها .. يعني كيف ما اتصور الحب بعد الزواج احس انه فاشل وماراح ينجح الا بمقومات .. واللي اعرفه انك جبرتي خواتك وجبرتي معها ناس ثانين .. مضاوي : نوفا تحب ناصر ويوم سمع بخبر خطبتها من حمدان جاء وخطبها الانه يحبها وهي تحبه .. اما فهد هم يحب لولوه وهو من خطبها قبل لا اصر عليه .. واذا حبك كذا الله يعينك  يعني بكره اذا ببتزوج انسانه لازم تحبها قبل لا تتزوجها .. حمد ": هههههههههههههههه اي ليه عصبتي  اكيد تتوقعين النظريه عليك ؟ مضاوي : كيف مافهمت ؟ حمد : لا خلاص غفلي الموضوع .. مضاوي : ماراح اغفله الاني مريضه وعمرك ماراح تحبني ياحمد وانا فهمتك صحيح كنت اتمنى اتزوج واستقرب واشوف اعيالي لكن المرض اخذ مني كثير .. ومثل منت تعرف علاجي صعب واذا تشافيت الاكيد بتطلقني  وبتروح بطريقك  وانا وش لي احبك وحنا بنفترق ..اسمع يا حمد وافهمني وبعدها تقول : مضاوي :.....( .. وش الله مكلفنى بحبً تالية فراق 00 00 ادور بأرض الله وليفً يسلينى ..) .حمد :.. لا تظلمين ( الوقت ) وش ذنب الأيام 000 لا تظلمين ( الحظ ) لا تظلميني ..! مضاوي : ..... غديت مابين الرجا فيك واليأس 000 هذا يبي مني وهذا يبيني ....! حمد:,, ... إن قلت شمت وخاطري طاب ’ كذاب ’ 000 وان قالت [ أبيك ] ارخصت نفسي بعيني ...! ... خيرني أمري بين أصعب خيارين 0000 موتي أنا ** أو موت الأحساس فيني ..! مضاوي . ( .. صحيح انّ فرقا المواليف ما ينطاق 00 00 لاشك ابصبر وامسح الدمع من عينى .. ) حمد وقف من غير ما يتكلم ومشى للباب .. وبعدها التفت وقال : برجع باليل اتطمن عليك .. وطلع .. مضاوي بقلبها : عارفه احبر شخص يحب .. كانت احلم مثل باقي البنات اني اتزوج ويصير عندي عائله لكن المرض شال هالفكره ,و والحين يامضاوي وش جابك هالفكره براسك ولا ومع من حمد حمد اللي جرب حب ناجح قبل الزواج ويامن فيه اصحي يامضاوي هو تزوجك يشفق عليك وعلى مرضك وبموتك قريب .. ليه يحبك صح كلامه كيف يخون حبه ويكذب على نفسه انه يحبني كله من المرض خلاني ادور ببالارض شخص يهتم فيني بتعبي بجد محتاجه شخص يوقف معي بمرضي يواسيني يحسسني بالحب الي ادور عليه ,,!! يعني انا حبيت حمد خلال هالساعتين بس ..! ولا من قبل تحبينه بس قلبك ما طاوعك تحبينه وتنسين اهلك ومرضك . . انا مثل اي بنت تحب تفكر بالزواج تتمنى تنجب ,, ويكون عندها اسرى .,. بس المرض وحمد ضدي .. المرض اللي مخليني بين الحيا والموت مو عارفه وش مصيري معه .. وحمد اللي متاكده اول وصلي لاهلي بيتركني وتنتهي مهمته ,.. وتنام بعد كل التفكير من غير ما تحس بنفسها  اهلكها التعب  والصداع وحبت انها تستسلم للنوم .. ----------------- لولوه : بس انت ما تتتعب يعني لازم تعايرني وتهددني خلاص مليت وانا انزل تحت والكل يسالني ليه عيونك مورمه .. ليه ما تاكلين ليه ما تروحين مع زوجك .. كفايا يافهد كفااايا ,, فهد : خلاص انا قلت كلمتي انتي لازم تلبسين شي ضافي تحت مو بناطير انتي ناسيه انه حموانك كلهم شبااب .. ولا بتنزلين ببناطير عند اهلك انسي يابابا ,,غير جلابيات ماراح تلبسين وحتى لو مابه احد  من اخواني ... لولوه : تكفى خلني انزل مره ما ابكي ... فهد : لين تفهمين كلامي اللي اقوله وتنفذينه باحافيره .. لولوه بدموع : طيب خلاص اخذني للسوق وخلني اشتري .. فهد بطرف عينه : وش قلتي اشتري لك ليه مجنون اشتري لوحده ماهي ...... ويسكت .. لولوه تمسك راسها وتشد شعرها : بس خلاص بس مليت منك اكرهك اكرهك طلقني يافهد اذا ما تحبني ليه تجبر نفسك تعيش معي ليه ليه تحبرني اعيش ويااااك .. فهد : طلاق تحلمين اطلقك ..وثانيا ما يحتاج اذكرك الانك ما تستاهلين احد يشتري لك شي بحلاله ركزي حلاله .. لولوه : وش تبغي يافهد قلي وش تبغى ريحني من عذابك وجحيمك .. فهد : كلامي واضحك تغطي عدل ونظراتك كسريها لا تخزين  وكلميني بحترام اكلمك باحترام ولسان طويل ما ابي تسمعين ونظراتك ذي ما احبها وياليت ما تجلسين كثير تحت لا تنسين انه عندك غسيل لك اربع ايام ما غسلتي ياهانم ..؟ لولوه  تشهق : وتخليني بحالي ,,, فهد : ان مشيتي صح ومثل ما ابغى انا اخليك بحالك وطلقك بعد .. بس امسكي لسانك وانا احترمك اكثر .. ويعطيها ظهره ويقول : انا تحت انتظرك تنزلين لا تعتذرين بالملابس جلال الصلاة موجود .وياليت تلبسينه بطهااره .. لولوه والدم يغلي غلي ,,, تلبس ثوب جلال طويل  وتنزل بعد ما تاكدت انه ولا شي يطلع منها .. وشافت انه مافي الا ام متعب احمدت ربها .. ام متعب : هلا والله يا لولوه وينك يابنتيي الكل نزل تغدى الا انتي .. لولوه : حتى فهد تغدى ؟ ام متعب : ايوه له نص ساعه خالص .. لولوه بقلبها تتدعي عليه  جعله الزقووم اجل يقولي انزلي تحت تغدي والكل متتغدي يعني مسوي فيني حركه  طيب يافهد طيب .. ام متعب : بخلي الخدامه تجيب لك الغدا .. لولوه : لا ياخاله ما ابي اكل  بس وين الكل ؟ ام متعب : هنادي وزوها راحوا ينامون تعرفين يشتغلون الا وانا امك ما تبغين تتدرسين .. لولوه:  ودي ياخاله بس فهد رافض موضوع الدرس يقول راتبه يقدر علينا .. ام متعب : لا يابنتي ابي لك الشهاده تاخذينها وتسلين عمرك فيها .. لولوه : لا تسلمين ياخاله هو رافض ولا انا ودي والله .. وتمر ساعه وسوالف مع خالتها الا تشوف عهود مع فهد يدخل ومعه اكيااااس.. وهي تصد عينها وتشوف خالتها وتضحك .. فهد : السلام عليكم .. الكل : وعليكم السلام والرحمه .. عهود :وااااو السوق يجنن  ودي لو اخذت كل الاغراض فهد : ها لولوه تغديتي ..؟ لولوه : لا .. وتصد عينها عنه ..وتكمل لخالتها فهد يمد لولوه: طيب اخذي هالاغراض شريتهم مع عهود لولوه تاخذهم : وين اخذهم ؟ فهد : وديهم لغرفتنا .. لولوه : طيب .. وتشيل الاكياسه الكثيره وهو يكتفي انه يشيل كيس واحد .. فهد  يشوفها كيف لابسه وكيف تمشي وكيف مغطيه نفسها عدل وحتى كلامها معه اليوم هادي احسن من الاسبوع اللي راح احلى من اول اربع ايام بالسفر .. اول ما وصلوا للشقتهم فوق .. تركت الاكياس وراحت ترمي جلالها .من غير ما تلتفت لفهد .. وتفسح وجها بالمرايه .. فهد يقرب منها .. يهمس لها : اكيد جوعانه .. لولوه بخوف من حركته : ها .. فهد : ههه اقولك جوعانه انتي ؟ لولوه بهدوء : عادي تعودت على خباثتك .. فهد يجلس على الكنبه وهو مبسوط ..: طيب حلوه خباثتي صح ؟ لولوه : هع ضحكتني اقولك تعودت وتقول حلوه .. فهد : طيب افتحي هالاكياس .. لولوه : وليه افتحها .. فهد : ليه هالسؤال طيب افتحيها ماراح تخسرين شي .. لولوه : اكيد بخسر .. فهد : بتخسرين وشهو ؟ لولوه : بخسر اني بتحرك وانا مالي خلق اتحرك من مكاني الاني اعرف خباثتك وين بتوصلني ,, فهد بضحكه اعلى مبسوط من ذكاها وكلامها لاول مره : طيب افتحيها لا تخافين ماراح اكلك .. لولوه : لازم اخذ عهد ووثااق اكيد .. فهد : خذيتي الوثاااق والعهد بس فكينا من الكلام وروحي شوفيهم .. لولوه تقرب من الاكياس وتبطل كل كيس وتشوف جلابيات وتنانير تجنن لكن كل شي وسيييييع وفضفااض وملافع ساده من غير نقش .. وشكلها مالت خدم صج ذوووقه ولا شي .. لولوه بتعجب: وش ذا !! فهد : ملابس لك .. لولوه : ليه عمي انت ما تشوف دجايب لي مقاس  L  وانا مقاسي S  وش ذا التخلف طيب ليه ما اخذتني  واشتري الشي اللي مقاسي .. فهد بين عليه العصبيه : وش التخلف اللي تقولين عنه .. هذا جبت لك ملابس وبتلبسينها احسن من ملابسك اللي شوي وتشقق من الضيق ..خافي رك .. لولوه : ليه قالوا لك اني لابسه استرج مثلا علشان كل شي مخصر او ضيق كلهم بناطير وانا ماعمري لبست الجلابيه ,, فهد : عندي بتلبسينها  وعند اهلك كيفك .. لولوه : فهد .. فهد : بلا خرابيط يالله قومي حطي هالملابس بالكبت وحطي لك الغدا ترا الكيس الثاني فيه اكل لك ما نسيتك اخاف تموتين واخذ انا اثمك ,. لولوه : بجد جايب لي غداء ؟ فهد : اي جيب لك غدا بس عسى تشكريني بس حتى جبت لك ملابس كلمة شكرا ما سمعتها غير الستنكار والرفض للمقاس والمديل .,,. لوبوه بفرح : شكرا .. فهد يلف وجهه : لا شكر على واجب يالله طفي الليت بنااام انا تعبان .. لولوه : بتنام الحين ؟ فهد : اي بنام اكلي بالغرفه الثانيه .. لولوه : طيب .. وتطلع لغرفه الثانيه تاكل صمون فلافل وحمضيات .. ويفرح فهد بانها تغيرت شوي من طولت اللسان ماعاد تطول لساانها عليه .. --------------------- يشدني لك صوتك الدافي تعال ويشدني وجهك الباهر حسين ويشدني لك طبعك النادر محال ويشدني لك صفو حبك والحنين عطني حبك عطني عطفك والدلال وخذي مني فوق حبي ما تبين نوفا : لا ما اقدر ياشااعر .. على هذا الكلام والقصيد .. ناصر : اسمعي بعدك ما جاك شي .. سمعي ذي بتفرحك .. ودي اكون قربك ودي اسمع صوتك ودي ارتمي بحضنك ودي اشبك ايدي بيدك بخاطري انسيك كل همك بس ماودي اجرحك ماودي ازعلك ماودي اخونك ماودي اعيش بدونك وربي بعمري وحياتي وروحياصونك بس...حبني كثر ما اناا احبك؛ نوفا بخجل : بنطول بالقصيد .. ناصر : ليه ماهو عاجبك القصيد .. نوفا : لا بس استحي خلنا ننزل تحت عند عمتي .. ناصر : لالا خلينا هنا تلقين امي جالسه عند حريم خوالي تعرفين الساعه الحين 4 نوفا : طيب ودي اروح لليلى بشوفها وتطمن على مضاوي .. ناصر : توك الصبح مكلم حمد وطمني عليها .. نوفا بضحك : الانه ليلى مزعجه حمد بالاتصالات .. ودها تسمع صوتها والدكتور مانع انها تتكلم تعرف اجهزه والجوال مو زين ناصر : خلاص اجل  وش رايك ننزل وبعدها نطلع انا وانتي للسوق .. نوفا : يالله ما نقول لا .. وهي تضحك معه  وتلبس جلالها ,. وتنزل تحت مع ناصر الا تشوف بوجها نجوى جالسه بلاب توب وتضحك وغفلت اللاب توب اول ما شافتنا .. ناصر : اشوفك هنا يانجوى .. نجوى : وين اروح ماعندي شغل .. ناصر : وش فيك خايفه .. نجوى بغرور .: منو اللي يخاف.انا ابد والله كنت داخله الا انت بوجهي قلت اشوفكم وين رايحين .. نوفا بخوف وانها غير مرتااحه لنجوى .. ناصر : ابد قلت بنجلس تحت ونسوالف معكم .. نجوى : ما الومك اذا بتجلس مع وجهه العنز بتمل اكيد .. ناصر : مجوى احترمي نفسك  على الاقل احترميني .. نجوى : ما قلت شي اكيد بتمل منها وشهو من تزوجتها وجهك بوجها .. نوفا بصوت عالي : الا اله الا الله .. قل اعوذ برب الفلق .. نجوى بصوت اعلى : ليه تخافين احسدك لا ياعمري انا ابد ما تهميني الله واكبر احط راسي راس وحده اختها  تف تف اعوذ بالله من شرها .. نوفا : وش قصدك ها يانجوى وتلتفت لناصر ..تسمع وش تقول اختك؟ ناصر يلتفت لها : امشي يانوفا امشي تراك بتتعبين معها .. نوفا : وش تقول انت يعني ما تقدر تسكتها .. ناصر : خليها يا نوفا .. نوفا : يعني ما بتاخذ حقي منها.. ناصر : نجوى خلاص وش اسوي فيك يعني بتفشلين روحك مره ثانيه لازم تهنين ولازم اعيد كلامي مليون مره .. نجوى : اي يالخرووف  رووح راضها رووح واختك عندك ولا شي اقولك اختها راعية الشقق كيف تتزوجها اكيد هي معها ,, ناصر : بس يانجوى خلاص يعني لازم اضربك .. نجوى : اي اضربني ياخوي الكبير لازم تفشلني عند زوجتك علشان تطلع القوي جدام اختك عزاااه لو ابوي هنا ما مد يده .. نوفا : احترمي نفسك شكلك ماعندك احد يربيك ويربي لسانك .. ناصلر بعصبيه : نوفا خلاص  روحي لغرفتك .. نوفا : انت منت ماخذ حقي  واختك كل يوم تتمادى على خواتي واختي اشرف منك ولو انها مو شريفه كان صارت علوم وهي متزوجه .. نجوى: لااا والله اقول روحي لاختك واساليها ليه تبكي وماهي فرحاانه بعرسها وكل يوم تبكي من فهد ترا الطوف لها عيون وتشوف بس انتي من تزوجتي ماعاد تشوفين اعوذ بالله سحر على اخوي انتي وخواتك عندكم سحر الله ياكافي تف تف منكم .. نوفا عصبت : خلاص انا اكتفيت من اختك ياناصر .. ناصر يسحب نوفا ونوفا ترده وترد على نجوى .. لين صارت الكاارثه : ناصر يمد يده على نوفا : طاااااااااااااااخ بس نوفا تحط يدها على خدها وتبكي وهي تقول : اي ما قدرت على اختك حطيت الحره فيني ..؟؟ وتركض لغرفتها تبكي .. ناصر سكت من الصدمه كانت ساعة غضب وضربها من الجو المتكهرب .. نجوى وعلامة الابتساامه شاقه الوجهه ..: واخيرا اخذت ثاري منها وقصيت لساانها الطويل .. ناصر بعصبيه اكثر : بس انتي الثانيه لا تحديني اسوي جريمه فيك لمتى وهذا لساانك واستفزازتك  لمتى يانجوى كل يوم بنعدل فيك اصلا كنت ساكت علشان ما اهينك جدامها وخليتيني اهينها وامسك اعصابي عليك لكن هين يانجوى الايام بيننا .. ويروح للشقه يراضي نوفا لقاها غافله على نفسها الباب .. ويحاول يكلمها لكن لا جدوى .. ويجلس وهو حيران كيف بيراضيها ... -------------------- الشاهد الله بدونك ضايق صدري يفز قلبي لاجابك الطاري انا ذبحني غيابك وانت ماتدري قلبك بعيد وعيونك تسكن افكاري اسوق عمري غلا يوم الغلا مشري وابيع كل البشر واصير لك شاري ثامر يرسل هالمسج لليلى .. وليلى تشوف المسج وتسكت كانت جالسه مع هنادي وندووش .. ندوش : وش فيك تضحكين ؟ ليلى : ولا شي  بس مسج من صديقتي .. ندى : شي حلو يالله خليني اقراها او ارسليه لي اذا حلو الاني برسله نواف .. ليلى : صج ملقووفه يعني اقولك خلص لازم تتدخلين عمرك .. هنادي : ليه وش فيكم .. ندى تهمس ليلى : علينا يعني ما ندري ترا انا من عطيته الرقم .. ليلى مبلقه عيونها : زش عرفك يادبه .. ندى : علينا ترا انا من جمع راسين بالحلال .. ليلى : يما منك .. هنادي : ياهو ترا نحن هنا وش عندكم تهمسوون .. ندى : ولا شي وهي تمد جوالها لليلى وتقول ارسلي لك اي مسج حلو .. افهمتها ليلى واخذت الجوال وتقلب فيه وشافت لها مسج حلو ارسلته لجوالها وارسلته لثامر .. ماغبت عن بالي ولو كنت غايب زولك وقف مابين قلبي وبيني حبك طغى زوده جميع الحبايب ابيك دام انك حبيبي تبيني ابيك جنبي في جميع المصايب وتبتسم بعد ما ارسلت .. وتنصدم انه جوال ندى يعلن عن مسج .. ليلى : ندى مسج جاك .. وتاخذه  ندى وتقرا وتضحك كثيييييييييييير .. هنادي : كاني انا الجالسه الغلط بينكم ندى بضحك : لا يالغاليه اجلس ولا يهمك ..لا بس جاني مسج ضحكت منه .. هنادي : ضحكينا معك ؟ ندى : لالالا ما يصير .. هنادي : عادي اذا من نواف اقراه يالله يالله بلا دلع قوليلي وش كاتب .. ندى : والله ماهو نواف وهي تشوف ليلى .. ليلى  شكلها افهمت عليها من ضحكها,, ندى وهي تهمس لها : اقول امي تبيك روحي لها .. ليلى : وش تبغى امك .. ندى : اقولك روحي لامي تقول تبيك بشغله .. ليلى على فالها ونيتها .. اخذت حالها وراحت لبيت ام مشعل : الا تنصدم عند الباب ثامر .. ليلى بخوف : ثامر ؟ ثامر : اي وش فيك مصدومه انا اللي قلت لندى تجيبك عندي .. ليلى بعصبيه : لو كنت ادري بانها تكذب علي كان ما جيت .. وتف بتطلع الا ثامر يوقف بوجها .. بتقطعين قلبي اذا رحتي .. ليلى : البيت له باب وانا ما اروح لرجليني لك خاف على سمعتك وعلى عارك ياثامر .. ثامر : نيتي صافيه يا ليلى .. كنت مشتاق لشوفتك والله .. ليلى : ولوو ادخل الباب ولا تجي من الدريشه .. ثامر يمسك يدها بقوى : صبر يا ليلى بعدي ما خليتني اتكلم .. ليلى : وش بتقول انا ماني حرم لك ولا انت حليل لي .. ثامر : انا ابيك وكل ما قلت لاهلي قالوا انتظر لما ترجع اختها من السفر .. ليلى : ماهو بوقته صح لكن اذا بتحبني تصبر علي .. ثامر : لكن انا تعبان وابي اشوفك كل ما اشتقت لك .. ليلى : حتى لو هنا غير عن السجن هناك انت ضابط  وهنا انت ولد عمي غير انت ما فكرت بالكلام اللي بيطلع علي .. وتعال ثانيا اول مارسلت لي مسج قلت برسل لك مسجات ومحدن يدري عنا اثريك مخبر ندى اختك ليه ليه ياثامر يعني خليتني استحي من مقابل الناس وانه ماعندي مبدا ولا متربيه ليه تحاول تشوهني جدام الكل .. ثامر : انا ما ابغى اشوهك انا ابيك وربي ابيك حليلله لي ..وما قلت الا لندى الانها الوحيده الي بتضبطني معك وتعرف جوالك الجديد ليلى : اجل اصبر .. ثامر : الى متى ياليلى الى متى ؟ ليلى : ما ادري ياثامر لكن اللي اعرفه انه المسؤله بتطول لكن اذا بتحبني بتصبر ياثامر .. ثامر : بصبر والله لصبر لكن ابي وعد منك انك ما تنكرين الوعد انك بتكونين لي حليلله .. ليلى : باذن الله ثامر : وعد ياليلى ليلى : وعد ثامر : بصبر علشانك بس علشانك .. ليلى : مع السلامه .. ثامر : احبك ياليلى احبك .. ليلى وهي تلف ظهرها تبتسم  واكتفت انها تقول : مي تو .. وتركض لبيتهم .. ابتسم ثامر انه سمع منها هالكلمتين انها بعد هي تحبها بعد كل هالمده والعذااااب .. ---------------------------- حمد يدخل على مضاوي بليل  وبيده اغراض لها  وشافها جالسه بكرسي وحالتها الصحيه بخير والحمدالله .. حمد : اشلونك يا مضاوي .. مضاوي بهدوى .. : انا بخير .. حمد : جبت لك العشا تعالي بتعشا معك .. مضاوي : لا انا تعشيت.. حمد بستغراب : كيف وانا ما جبت لك شي .. مضاوي : المستشفى جابوا لي عشا على سلامتي والدكتور ما قصر مبسوط .. حمد : هههههههههه كويس .. مضاوي : ما اتصلوا خواتي .. حمد : الا ويسلموون عليك . وحتى بنتي جود تنتظرك .. مضاوي : تصدق ما تشبهك .. حمد : كثير فيها من امها .. مضاوي : حلوه ماشاءاالله .. حمد: هههه انتي ما سمعتي يسوالفها بتحبينها اكثر .. مضاوي : ههههه اكيد لما ارجع بسواف معها .. حمد : توني راجع من الدكتور .. مضاوي : وش قال ؟ حمد : قال نقدر نرجع هالاسبوع .. مضاوي بفرحه : بجد ياحمد بجد ؟ حمد : اي بترجعين لاهلك وخواتك يامضاوي .. مضاوي من غير شعور بكت بكت بفرحه .. جلس حمد قربها : ليه تبكين كنت بتطيرين من الفرحه بس بكي ليه .. مضاوي : من الفرحه وربي فرحانه بالخبر هذا .. حمد : خلاص افرحي بس لا تبكين .. مضاوي من غير شعور طاحت بحظنه وجلست تبكي وحمد من غير لا شعور حط يده على كتفها ويمسح فيها مضاوي كانت تبغى تحظن شخص تبغى بجد تبكي تحس فيها غنبله نوويه بداخلها وفجرتها بحمد بالبكي من الفرح ..</blockquote>

الإسم

التحقق