أنا دونك

[فيصل محمد البادي]

السلام عليكم ورحمة الله وبركاته


أبعثر في هذه الردهه أبيات حره أرجو ان ترضي ذائقتكم


المصدر: جريدة الوطن (ملحق أشرعة الوطن) بتاريخ 2-4-2012

بعنوان



أنا دونك


تعال وشوف لو كانك تقدر ذكريات الأمس
تعال وحس بإحساسٍ تغمّس بالأماني غمس
تِبَعْتك
وأَغْمَضْت العيون وطار بي حبك
تِبَعْتك
رغم شوكٍ وضعته لي على دربك
وأنا أتحمل
لأنك من سكن قلبي
وأنا أتأمل
متى ترجع على دربي
ترى دونك
صحيح إني أجر أنفاس
ولكني..
أحس بضيقه فصدري
وترى دونك
صحيح إني أخط أطراس
ولكني..
أبعثرها على شعري
أنا دونك
كما مركب بلا بحار
يِلَفّته الهوى لِيمِين ومره ياخِذه يساره
وأنا دونك
كما عودٍ حوته النار
يبي مخرج ولكن المصير يرجعه ناره
تعبت أشكي
تعبت أبكي
تعبت أتبع أحاسيسك وامِدّلك حبال وصال
ولكنك تِعَجّزني وتِظْهَر لي شرات اللآل
دخيلك
لا تزودها ترى ضامي على بابك
دخيلك
لا تعقدها ترى في شَبْكِتِكْ شابك
أنا اللي لو يِعَذْلوني العواذل تدري وش ردي؟
أناظر هالسما واتخيلك وآقول أنا الولهان
وأنا اللي لو أشوف الفاتنات فلبسها الوردي
عيوني غير لونك ماتبي لونٍ من الألوان
كذا حالي
إذا همّك تشوف وتنظر فحالي
وكذا بالي
إذا تدرك بأنك لي سكن بالي
وهذي آخر أوراقي
وليعاتي مع أشواقي
أغلفها
بأحزان الليالي والدموع كثار
وأغلفها
بباقات الورود وخلها تذكار
وأنا دونك
هي المغزى من أبياتي
أعنونها وأنا أكتب نهاياتي
​

 

[يكفي وجودك]

إبداااااااااااااااااااااااااااع
بالتوفيق لك​

 

[بن الريان @]

تعبت أشكي
تعبت أبكي
تعبت أتبع أحاسيسك وامِدّلك حبال وصال
-----------------------------------------------
تعبت الهجر
تعب حسي وأنا أقسي
زماني قصر وألا طال
-------------------
سامحني صعبت علي الشاعر الله لا هانك وأعتلى شأنك البادي لكني حريص دائما بتواجدي بين ما تكن لك الود وما عليك زود وأفحمت مشاعري​

 

[بنت المقابيل]

كلمات جدااااا جميلة

ومعاني أجمل

تسلم البادي

لا هنت​

 

[ســــحـــايـــب شــــوق]

صح لسانك اخوي

كلمات رائعه ربي يعطيك العافية

وبانتظاار جديدك

خالص احترامي

 

[نسايم ريف]

عيوني غير لونك ماتبي لونٍ من الألوان
كذا حالي
إذا همّك تشوف وتنظر فحالي


ماشاء الله عليك ياخوي ...
صح لسانك ولا هنت يالشاعر ..
كلمات في قمة الروعه وتعبير متميز وهالشي هب يديد عليك ..
من جميل لأجمل ان شالله وربي يوفجك

 

[حلا الدنيا]

تعبت أتبع أحاسيسك وامِدّلك حبال وصال
ولكنك تِعَجّزني وتِظْهَر لي شرات اللآل

مبدع .. ذائقه قمة الابداع والتميز

 

[بو جسيمـ]

يـآ مرحبـآ يالشاعر .. صح الله لسانك قصيده يات ع الوزن الحر​

تعال وشوف لو كانك​

احسهـآ مب راكبه يالخوي كلمة لو وكانك مع بعض​

بالنسبه للوزن كله مضبوط يالخوي لكن كلمة دخيلك يات منفرده وتقطيعهـآ ب _ _ مب ب _ _ _ ك باقي وزن القصيده​

اتمناك تستبدلهـآ بكلمه أطول عشان تضبط ويا وزن التفعيله​

ومنك السموحه يالخوي وباقي المقاطع ما عليهـ حكي .. يزاك الله خير ع المشاركه الطيبه​

ونحن نتريـآ الزود من صوبك .. تستاهل التقييم ​

ربي حافظك​

 

[يوسف الكعبي]

جميلا جدا ياشاعرنا الجميل

 

[[ود]]

فيصل محمد البادي
تمتلك ذائقة شعرية فريدة من نوعها
أحييك يا مبدع ، واستمر في نشر كتاباتك
الله يوفقك