شوفو لنا حل سريع

[طالبة]

السلام عليكم ورحمة الله وبركاته
بدخل فالموضوع عطول
انا من يوم
سكنت فسكن دار الخليج
وانا ما شفت غير التعب
والله العظيم تعبنا من هالحالة لين متى
لين ما احد يموت فينا
هي هالمشكلة تسبب الموت
تعرفو شو هي
الفيرااااااان :92:
اللي تسبب مرض الطاعون
وكل كورس يزيدن عن قبل
وما خلينا مشرفة ما كلمناها
بس لا مجيب
والكورس الماضي
قالو يوم تطلعو بنرش سم
ولا سوو شي
وردينا الكورس اللي عقبه
والفيران فازدياد
يعني حق من ول وين نسير
والله الفيران خري مري
وما مخلية كباته ولا اكل
ما تدخل فيه
يعني لين متى
والله حرام
كل يوم نعيش رعب
يبنا لزق بس ما شي فايدة
يموت واحد وعشرة ينولدو
اتمنى حد يحس فينا
يكلمو البلدية
يشوفو لنا حل
في حلول
بس محد حاس فينا
والله حتى كل الاحجام موجودة
لدرجة انه فيه جرذان
اللي كانها قطاو من كبرها
ارحمونا
نوم ما اقدر انام
نخاف يطلع علينا ولاشي :61:
يعني اللي ما حاس
ايي عدنا يوم وحدة
ويعيش الوضع :imua10:
:61:

 

[DarkFireSlash]

مالكم حل الا تكثروا من المصيدات


كل 1 ينودل حطوله 10 مصيدات


لو تشوفين الفيران الي عندنا كبر الامبا مال البلاد

خخخخخخخخخخخ

 

[محمد المخمري]

ههههههههههههههههههههههههههههههههههههههه :1422af4c52b5c5ae9e7:1422af4c52b5c5ae9e7:1422af4c52b5c5ae9e7

الله يعينكم عييل

 

[الحب الصافي]

وانتي الصادقه
شووو نسوي
هالمشاكل ماتنحل
وحنا اشتكينا الف مره بخصوص واير لس في سكن السفير
وبلا فايده


نبي نعرف ليش الخدمات في السكنات الداخليه تعبانه كذاااااا

 

[البرنسيسه]

الخدمات السكنيه تعباااااااااااااااااااااااااااااانه اخر درجه


بس اللي فالسكن فالحين يخالفو البنات وهذا عيب وهذا حرام
اما يسووو للبنات ويخدمونهن هذا ما عندهم

واهم شي تنقيل السوالف عند المشرفات هذي اهم صفه فالسكن

يعني ما لكم الا دعاء ربكم بس يحل لكم هالمشكله

نحن انتقلن من هالسكن المعفن

 

[سيادة الوزير]

الله يعينكم والله ...
ان شاء الله حد يستجيب لكم ...
​

 

[قيادة حرس الرئاسة]

المستقبل ظأئع ،،
كثروا من السم والله يعينكم ،،
الله كريم ،،
​

 

[خفوق القلب]

الله يعينكم الصراحه
تحملن لين اتخلصن من الكليه ^^

 

[محمد المخمري]

الله كريم الله كريم

 

[بنت كيووووت]

عااااااادي أفااا عليج اختي
انا يرجد جمبي فار احمر صغيرون
انا وهو ربع من الكورس الماضي
يونسني و أونسه و احيانا نضارب على الأكل !! بس ما مشكلة
الأصدقاء يستحملو بعض
أخر مره غلط على وعصبت عليه.. رشيت فلفل أسود تحت الكرفاية ما حب الريحه و طلع
ززززززعل علي مسكين
و عاد انا ألحين أغني له أشووووووفك وووين يا مهاجررررر::s31::
​

 

[البرنسيسة شناصية]

اللــــــــهـ يعينكم يا سكن الخليج أأيــهـ سمعت عن الفيرران

هه:35::35:هههه الله يعينكم

انا كل مااادخل بناايــهــ الفيرران القــــئ صحن جبن ولزق فيران ومحد يتقربـــهـ



ههههههههههه الله يعينكم بس حليلهم يونسونكم الركي::V3::ييييي::s25::ض
والصرااا:imua32:ااااخ
ماعند حد خخخخخخخخخ

 

[سكوتي يصعب تفسيره]

صح احنا نعاني من هالشي , بس وبأمانه لما خبرناهم راحوا ورشوا السكن بالسم وأختفت الفيران, بس مامنهم اذا رجعت الفيران الحين.
:hehe2:

 

[محمد المخمري]

::s32::الله يعيينكم والله حالة قسم بالله

 

[ذات النقاء]

السلام عليكم ورحمة الله وبركاته

مرحبا بناااات
بصراحة أنا ف هذا السكن (دار الخليج) وعندي ربعاتي ف كل وحده سكنيه وع سالفة الفيران انا جيت ف اجازة المنتصف فجأه عشان أحط أغراضي ف السكن قبل التسجيل وبالفعل كانوا راشين السكن بالسم وعندهم صيانه وتنظيف جاد والحمد لله بنايتنا مافيها فيران بس شي ف بنايات ثانية والسبب عدم نظافة الشقق وخاصة المطابخ ف الليل يعني بالله عليكم حد يحط أكل مكشوف ع كبتات المطابخ والزبالة ...الخ
أنا مابدافع عن حد بس الحق ينقال ونحن الحمدلله حاطين جدول ف شقتنا والكل متعاون والمشرفة المسؤولة اتابعنا دووووم لأنا إذا بغينا شيء نروحلهن بأسلوب لطيف وكل شي له حل..
حتى شوفن نظفن الشقة قبل لا تنامن وشوفن النتيجة وإذا ما نفع ساعتها تكلمن ..
أما عشان الواير لس أنا سمعت انهم يشتغلون ف تقوية الشبكة ف سكن دار الخليج وبعدين السفير وبعده الغيثي وشفت المشرفات مع المسؤولين باذلييين جهد بصرررررراحة نحن ف نعمة وماحد يحس فيها يا ناس رسولنا المصطفى - صلى الله عليه وسلم - ينادي بقوله: (من لايشكر الناس لايشكر الله) ونحن مانشكر الناس عشان نشكر الله ع النعم عشان الله يزيدنا ويتقبل دعاوينا....الله يهدينا بس


بالتوفييييييج للجميييييع​

 

[المجلس الطلابي]

السلام عليكم
اختي كاتبة الموضوع لنتحدذ بشفافية تامة
بامانة هذه المرة الاولى اللي اسمع فيها عن هذه المشكلة
ونحن كمجلس طلابي حاولنا من خلال زميلاتنا الطالبات فالمجلس
وبحكم انهن يعيشن وضع السكنات الداخلية وسهولة تواصلهن مع البنات داخل السكن...
ان نعرف شو المشكلات التي تواجه البنات لمحاولة حلها
واغلب المشاكل التي انطرحت كانت تتعلق عن المواصلات والانترنت ومعاملة بعض المشرفات الغير طيبة...

اما مشكلة الفئران اول مرة اسمع فيها...


ومثل ما قريت بعض الردود من الاخوات انه تم العمل على هذه المشكلة من قبل المسؤولين.. ولكن دائما نحن نطلب ولا نعطي..

لا تفهمي من كلامي اني ضدكم لا والف لا

فاعضاء المجلس موجودون لكم انتم الطلبة
ولكن عندما نواجه مشكلة دعونا نبدا بحلها منا نحن

فكما قالت الاخت ( ذات النقاء ) النظافة
لانه لما نناقشهم في اي موضوع يرجعو السبب اللي الطالبات
فالطالبات لا يلتزمن بالمواعيد الطالبات لا يلتزمن بالنظافة
ولكي نستطيع مناقشتهم لا بد ان نكون قد قمنا بواجبنا على اكمل وجه
ولا يكون هناك اي تقصير منا نحن كطلبة او طالبات...

اسف على الاطالة لكن لا بد من توضيح بعض الامور
والدنيا اخذ وعطا يعني لا بد ان نعطي لكي ناخذ

ولكن ان شاء اله سنتابع هذه المشكلة ونوجدلها حل في اقرب وقت
لكن يا ليت لو تتواصلي مع الاخوات فالمجلس علشان يشرفن على حل المشكلة ونعرف عن اي سكن توجد فيه هذه المشكلة​

 

[قطوه ميته]

انا عندي حل
ليش ما تحسنوا علاقتكم بالفئرااان
وبهالطريقه راح ترتاحوا كلكم

هههههههههههههه

الله المستعان

 

[نسمات الروح]

ههههههههه بصراحة عي مواقف مسلية مع البنات لما يشوفن فااار قدامهن كل وحده تقفز في السقف وتربط نفسهااا في المروحه
الله يعينكن على هذه الحالة ... طيب ليش ما تغيرن السكن الى سكن افضل وانظف من هذا

 

[طالبة]

ارجوكم عاد عن المبالغة
ترا السكن ما نرش ولا شي
والله المشرفة بروحها قالت لي ما نرش خبرو ... بس ما سوو شي
بدون ذكر اسماء
اذا حابين تتاكدو بحطلكم صور حية
هاذاك اليوم العاملة قاتلة فار عاد ما فار جرذ
وعطاري النظافة
الحمدالله نظاف
وما خلينا مطهرات ولا فلفل اسود ولا شي
ما سويناه
تخيلو منظفين اليوم وبعد شوي دخل فار
ما يخصه
دام السكن يرمل من الفيران
والله لو الشقة تلمع لمع من النظافة بعد بيدخل الفار
لانه يدور اكل
بس هالفترة اعتقد لانه قرب الصيف
ما شفنا فيران وايد
بس خل يرد الشتاء
بيردن الفيران
قلتلكم تعالو عاينو الوضع بنفسكم
وعقب تكلمو
وغرفة المشرفات بكبرها فيها فيران
شو تبو اكثر من جيه
اذا احنا بسبب وصاختنا ييتنا فيران
عيل هم بعد جيه
اتمنى تعاينو الوضع بعدين تتكلمو
حاطه الموضوع ابا حل
واللي لقيته تعليقات ساخرة
ومثالية زايدة
الله المستعان بس

 

[البرنسيسه]

انا عشت فسكن دار الخليج

والله انه الشقق ازفت شي هع

ما في نظافه ولا في شي ابد

انا اقووول النظافه لها دور فتجمع الفيران

كم مره بيرشوو السكن بالسم ولا تنسوو انه اذا رشوو السم والبنات موجودات هذي مواد كيمائيه وتضر البنات


يعني اذا رشوو السكن يوم الاجازه من الاجازه لين ما يداوموو البنات تكون الفيران رجعت وجابت قومها معاها بعد

نظفن الشقق وبعدها بتروح الفيران ان شاء الله

 

[أسير الشوق1991]

الله يكون فعونك
الحل بسيط -خبروا اهاليكم ع اللي يصير فالسكن عقب اهاليكم يراجعوا الكلية لانه محد راح يسمع منكم ابدا لانه في تجاهل كبير من المسؤلين لمثل هذه المشكلات لانهم عايشين مرتاحين وما يهمهم غيرهم - الموضوع م ينسكت عنه هذه صحتنا ولازم نهتم فيها - قدموا رسالة شكوى حق الشيخ احمد شخصيا و اوعدك انه م راح يقصر-تحياتي