اشتقت لكـ يااخووي !

الحالة
مغلق و غير مفتوح للمزيد من الردود.

.." صموود "..

¬°•|مشرفة سابقة|•°¬
إنضم
2 أكتوبر 2009
المشاركات
1,062
الإقامة
حيثُ أَشعُرُ بالأمَــــآنُ حَوَلـــهـُ
يا أخوي شلونك؟؟
مشتاقة لك يا أخوي..
مشتاقة لمبسمك وعيونك..
فراغ الكون بعدك..
يا هو كئيب البيت من دونك..
يا هو مشتاق لجنونك..
لا تسألنا عن الحال..
حالنا يا بعد عمري والله حال..
تبي تسمع أخبار؟؟ تبي تدري ش اللي صار..؟؟
أنا بعدك كرهت الرياض ومافيها.
حتى شوارعها ومبانيها

رحلت يا أخوي لكن حسك مارحل....
تغني ..تضحك..وتسرح..
تعصب ..تتضايق ..وتفرح..
وإذا جاني الليل..أصير أسمعك أوضح..
تناديني..؟؟؟..يا عيني..
نامي..
ذبحك السهر يا بنت..
لا عاد هالأنترنت!!
خذا عقلك وتفكيرك..
هالمنتدى ماعندهم غيرك؟؟!!
تعالي نسولف شوي..
تعالي با أقول لك شي..
وأدري ماعندك شي..
تدري يا خوي؟!!
ألعب على نفسي..
أقول يا بنت أنسي..
بتمشي الأيام وتمر..وبيمشي العمر..
أكذب على نفسي أدري..
تونا بدري..
ماراح من الفرقى غير يومين..
الله يساعد..الله يعين..
تدري ياخوي و شبيدي الحين..
بيدي صوره من السنين..
وحنا صغار..


يوم كنا صغار..
ما عدنا الاثنين الصغار..
مشى الزمن فينا والوقت دار..
وصرنا كبار..
وتغير كل شي..إلا..
حطة راسي علىكتفك..
ومسكة كفي لكفك..
كنت تطالعني..تبتسم..تشيلني ..وتقفّي..
آه يامقفّي..كنت دايم واقف بصفي..
تبي تسمع بعد أخبار؟؟
تبي تدري بعدك شاللي صار؟؟

أمك..
سيرتها من مشيت..
ياليتني ماخليته يروح..ياليت وياليت..
وينه حبيبي؟؟وينه شمعة البيت؟؟
من أبسأل وين أنت؟؟وشسويت؟؟
متى راجع؟؟..ولاتتأخر علي..ومن وين جيت؟؟!!
لا تسرع وانا أمك..وشوي شوي إن مشيت..

وأبوك..
تصدق ياخوي ..توقعته أقوى..
أثره على فراقاك مايقوى..
كل يوم يودي بسيرتك ويجيب..
ولدي رجال..ما ينخاف عليه.
ولدي ذيب..

وأخوانك..
بقعدتهم خالي مكانك..
تعال وشوف حاله في بعدك..
ملوا كل شي بعدك..
لا طلعات..لامشوار..
لا سهرات..لا نادي..حتى أبو نوره..
ما قمنا نسمع له..
إن سمعنا له تجي على البال..
والكل يدمع..

آآآآآآآه ولاسمعنا" الأماكن"..
ياهو يهتز فينا كل ساكن..
فيها مقاطع ودي أبو نوره مايقولها..
ودي أنها مايغنيها..
"الأماكن الي مريت إنت فيها..
عايشة بروحي وأبيها ..
بس لكن مالقيتك"
ليتك تشوف الحال ياخوي ليتك..
كنه أبو نوره مغنيها عشانك..
كنه داري إنه بيخلى مكانك..
وأحتريك..
أمر الاماكن.. لكن
مأآلاقيك..
"كل شي حولي يذكرني بشي..
حتى صوتي وضحكتي لك فيها شي..
لو تغيب الدنيا عمرك ماتغيب..
شوف حالي آه من تطري علي.."

فقدنا قعدتك معانا..
كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..
حتى قعدات العشا..
تذكر ياخوي؟؟
تذكر الجالكسي و قهوتنا والأخبار..؟؟
وين انت يالغالي؟؟
يقولون أبالغ وأكبر الموضوع..
ماشافو حالك وحالي..
يوم ودعتك وعيونك تلمع دموع..
"أشوفكم على خير..لاتبكون..وأدعوا لي"
الله ياخذك يالفرقا ذبحتيني..
بكل حملك هالمرة جيتيني..
الحين يعني ذكرتيني..؟؟
حطمتي قلبي..قتلتيني..
هديتي كل حيلي اللي فيني..
بقولك شي يافرقا..وطيعيني..
خذيني..ولأخوي ودّيني..
بعدين أنسيني..
يافرقا..تسمعيني؟؟!!!
"انسيــــــــــــــــــــني"
 

القلب الأبيض

¬°•| مراقب سابق |•°¬
إنضم
15 مارس 2010
المشاركات
3,423
العمر
32
الإقامة
ِِفي وَطــَنْ ظَمْـِنْيِ وظَمْيَتَه .. وْمـــستَحِ
بسم ـآلله الرحمنْ الرحيم
ـآلسلـآمُ علبكم ورحمة الله وبركآتهُ
/
منْ بين تلك ـآلسُطور ألم
من بينهـآ حسرآت .!!
لكن تلك الكلمآت تمتلـأُ بآلـآمل بآلقيآ

مآ أجمل تلك ـآلحُروف التي نُقشت على حجرِ
لكي تخلد وتبقى ،
أختي : رآقت لي كلمآتكِ العذبة

أتمنى أن يجمعَ الله بينكمـآ في دآر خلدِ

إحترآمي

 

.. تقوى ..

¬°•| عضو مميز |•°¬
إنضم
1 يناير 2011
المشاركات
289
اختي " صمود " فقد الاخ شي صعب و اصعب من ان يوصف .. قد عانيته ولي فيه ويلات ..

نحن لا يسعنا إلا ان ندعي لهم .. فقط هذا كل ما نملكه ...


يا رب .. يا رب .. يا رب .. يا رب .. ارحمهم و اجعل قبورهم روضات من رياض الجنة و اجمهنا بهم فالفردوس الاعلى مع رسولكـ الكريم .. يا رب العالمين​
 

أزهار الكرز

¬°•| صاحبة الكلمة العذبة |•°¬
إنضم
23 نوفمبر 2011
المشاركات
784
الإقامة
تحت ظل شجرة كرز عملاقة
راقية يا صمود
جئتِ بنصٍ آخر مغاير
نثرتِ ورداً فاح شذاه
شكراً لانتقائكِ يا زهرة
وسلمت يمناك ~ لكِ شكري وتقييمي
 
الحالة
مغلق و غير مفتوح للمزيد من الردود.
أعلى