ثلاثْ أيَّــامْ

كلي قهر33

¬°•| عضو مبتدى |•°¬
إنضم
12 يونيو 2008
المشاركات
27
•[ . ( ثلاثْ أيَّــامْ ) تِطْعَنِّي وأنا أشِيلِكْ على كتفي . ]•

************ ********* ********* ********* ********* *
يجينـي الجَرَحْ مِنْ إيدكْ وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي !!
( ثلاثْ أيَّــامْ ) تِطْعَنِّي وأنا أشِيلِكْ على كتفي
كأنْهَا طَعنِتِكْ
" ضِيفٍ "
وقلبـي

.

( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي
مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على التعبير وإملائي

.
.

كنت أظنّ الخِلّ ما ينسى الخليـل
لو يذوق الموت و يقطّـع وِصَـل
كان بأرضى منك بالشيّء القليـل
بسّ زدت السَمّ و أنقصت المصل

.
.

حبيبي وان جيت اسولف لك ابطيت
أبطيت اسولف لك والاحزان تمدي
غيبتك موت وهالمسافة توابيت
وان مت من بيكمّل الحزن بعدي


.
.

أنـا الإنسـان فـي داخـل تجاعيـده يعيـش الطيـن
أنا الأكثر وضوح من الوضوح / الغامض / الإنسان !!
أنـا ذاك الطريـق المنتهـي فبدايتـه تـدريـن ؟؟
وش اصعب من طريقٍ مالقى فـي داخلـه عنـوان ؟؟

.
.

أشعلت لك سيجارتي وإنطفا النور
وأشعلت نوري وإنطفت بي عيوني
شفني بليّا كاس ياليل مخمور
شفني بكيت بدون لا يضربوني !
شفني أدور / ألف و آلفّ / وأدور
وأرجع إلى نفس الزوايا بدوني
ألملم ظنوني وأعرف أرضها : بور
وإن قمت طاحت بي بقايا ظنوني !
من يسدل ستار الوعد ياهل الدور
من يِنْزِل الشارة ويرحم جفوني .؟!

.
.

يعني خلاص
لازم ارحل
يعني خلاص
با روح باكر
بس دخيلك
يا دخيلي
دير بالك لي عليك

.
.

كل ما كتمت الضيق شانت دنيتي
كني حبيبْ الهمْ وحالفْ ما يخون
وكل ما رفعت الراس أخبي دمعتي
أكسرتني الشمس وخانتني العيون


.
.

إسمك نسيته بعدما رحت أنا لحالي
لأنه ظروفي عطتني شخص وحبيتــه
بس المصيبه إنادي بإسمـك عيالي
والكبير فيهــم بإسمك والله أذيتـــه
غيّرت إسمه مدام إنّك على بالي
على إسمكْ إنتَ تخيّل قمت وسميته
يعني إنتَ في النهايه ما ترّد التضحيه

.
.

إن جيت أضحك يبيّن حزني في عيني
يا ويل قلبي مـن الدنيـــــا أيا ويله
قلت: أبتسم له وأخبـــي حسرتي فيني
لقيت دمعــــي نزلي وقـــال: شحليله

.
.

كيف أشوف الأرض وأمشي وأنا من دونه ضرير؟
صرت كني شخص أعمــى وما تدليـه العصاه
صرت كنــي طيــــر عايش بس جنحانــه كسيــر
ما يشوف إلا جروحـــه وتركض العَالــم وراه
لا قدر يفْــــــرَح ويسلَـم ولا قــــدر حتــــى يطير
صرت طيـرٍ ماتتْ أُمـــه ومـا لَحق ياخذ غلاه

.
.

بعض الاشياء ما تسوى يا قلبي تحتفظ فيها
عطر محبوبك اللي راح وبقايا أغراض منثوره
وصوره مرْ عليها الوقت تعاتبها وتحاكيها
لا إنتَ مقتنعْ تسْكتْ / وعيّتْ تنطقْ الصوره

.
.


حسبي على وقتك وحسبي عليكـ إنتْ
لا إنتْ فيك الخير ولا الوقتْ وافي
مشكور وما قصرّت فعلاً ولا هنتْ
رفعتْ راس الجرحْ فيني / وكافي

.
.
مع تحياتى
:patch_paint:
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
يسلمووو على النقله الحلوه


حقاا انهااا كلمات تسكن الجرح في القلب حتى يتمكن


وفقك الله

وسدد خطاك


احترامي


سويرة
 

كلي قهر33

¬°•| عضو مبتدى |•°¬
إنضم
12 يونيو 2008
المشاركات
27
كم هية جميلة هذه العبارات التي تنسجي منها مزيجا مع اجمل عبارات الرد والدعاوي ولك جل احترامي
 
أعلى