وقتنا ، ما هو حكمنا عليه |

J.O.2

¬°•| عضو |•°¬
إنضم
15 نوفمبر 2011
المشاركات
534
الإعجابات
0
الإقامة
الفوعه
#1
السلام عليكم ورحمة الله وبركاته

اليوم حبيت أخبركم وأشارككم فموضوع من كتابتي ، أكتبه ألحين لكم ، واخذت من خبرة الأساتذه والدكاتره اللي تعاملت وياهم

الوقت ، وقتنا هو حياتنا ألحين ، والوقت مقسم لـ 24 ساعة فقط ، يعني محد في العالم عنده 23 ساعة ولا 25 ساعه
لكن اللي يفرق هو كيف الواحد ينظم وقته ويرتبه ، عشان جيه الواحد بيحس بالراحه لما بيرتب وقته وبينظمه

لو ييت وياكم بتجربه عمليه شوي بشكل مصغر

خذوا ورقه صغيره وكتبوا فيها التالي :
- أقرأ صفحة وحده من المصحف
- أقرأ جريده اليوم
- أتابع برنامج في قناة علمية مثلا ولا أدبية ، المهم شئ مفيد
- أنزل مواضيع في أقسام المنتدى

بكتفي بهالشئ أحينه عندنا مثلا باجر الصبح من الساعة 8 للساعه 11 ، هل بنقدر نسوي هالشئ كله ولا لا؟
الجواب بنقدر لو رتبا أمورنا زين وخلينا لكل شئ وقت
يعني المصحف بالكثير 3 دقايق تقريبا
والجريده 10 - 15 دقيقه
البرنامج ساعة بالكثير
والمواضيع على حسب العدد

من تسوون هالشئ بتحسون إنكم أنجزتوا شئ كبير فوقت صغير

إنزين بنيي أحينه على هدر الوقت
أحيانا الواحد يقول أنا فاضي وما عندي شغل

أوكيه قولنا شو اهتماماتك؟؟
يمكن كمبيوتر ولا قراءه ولا رسم ولا رياضه

حلو إنزين حاول تنمي هالشئ بحيث إنك تخصص ساعتين مثلا من وقتك وحاول تسوي شئ يديد

النتيجه ، راح تنسا كلمة الفراغ والفضاوة اللي ترمس عنها من قبل

خلاصة رمستي إن الواحد لو ياخذ ورقة ويسطر الأشياء اللي يريد يسويهن في يوم واحد راح يسويهن إن شاء الله
بس أهم شئ الهمة

والسموحه على الإطاله
وربي يوفجكم
 

سوسو العبيدانى

¬°•| مشرفة سابقة |•°¬
إنضم
19 مارس 2011
المشاركات
3,890
الإعجابات
0
الإقامة
السنينه
#2
ماا شااء الله عليك اخي
موضوع اداره الوقت اصبح مهم جدا للذين
لديهم ضغوطاات عمل ويحسون بضيق الوقت
او انهم يتخلون عن بعض الاعمال التى تتراكم عليهم فيما بعض
جميل ما سطرته من خطواات تنااسب الجميع
من ربات البيوت حتى مدراء الشركات
فجدول الاعمال مهم جدا لأداره اوقاتنا
جزااك الله الف خير
واتمنى نقل الموضوع للتطوير الذاتى.
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,075
الإعجابات
0
#4


بسم الله الرحمن الرحيم
والسلام عليكم ورحمة الله وبركاته


ما شاءالله عليك أخي العزيز
كلمات راقية تفجرت لنا من فيض
بركانك الهادئ


بالفعل الوقت كالسيف إن لم تقطعه قطعك

كثير منا يهمل هالمقوله أو يتثاقل في معناه
لو يحس الواحد منّا شو أهمية الوقت
كانت الحياة بتكون غير وبيحس الواحد بتغيير
جذري , هنيه ما أريد أقارن لو نطالع صوب
اليابان او الصين أو بعض الدول الغربية
تحصل الواحد منهم في أي مكان وكتابه فإيده
يحاول يشغل نفسه بمعلومة أو بأي شي يرجع له بالفائدة
بدل ما يتم يالس لا شغله ولا مشغلة

هدر الوقت للأسف أصبح مرض هالأيام وما حد حاس فيه للأسف

لو كان الواحد منّا ومثل ما تفضلت حط المصحف الكريم فجيبه
وكل ما حصل دقيقة فراغ فتح المصحف وقرأ صفحة كان الوضع بيكون غير

أو أي شي يشغل نفسه فيه ويرجع له بالفايدة لكن للأسف مرات بعضنا
يستحي من فعل هالشي ويقول فخاطره ( فضيحة ) الناس تطالعني وأنا أحوم بكتابي ولا بمصحفي ولا بجريدتي .

لكن في النهاية كلها عقليات وما أختلف مع البعض هناك كثير من الشباب
أحسنوا إستغلال الوقت لكن يبقوا هم الأقلية


لك إحترامي وتقديري
وتقييمي
ومروري المتواضع
على ما سطرت أناملك
 
أ

أ“أ‡أ،أ£ أ‡أ،أˆأ‡أڈأ­

زائر
#5
كلامك جميل اخوي العزيز
في شرحك استفدت اني احاول انجز في ساعات يومي هذا
بالفعل الوقت نملكه بالتساوي لكن من يقدر يستخرج منه انجاز وينظمه
الهدف بيان كل نجاح


اتمنى لك التوفيق يا مبدع يعطيك العافيه
 

حزن القصيد

¬°•| عضو فعّال |•°¬
إنضم
21 نوفمبر 2011
المشاركات
137
الإعجابات
0
#6
السلام عليكم ورحمة الله وبركاته..

شحالك خيووو ..؟؟ عسااك بخييير..؟؟

اممم الموضووع واايد رووعه ومهم للكل..

لانه مب الكل يعرف يديير الوقت او يستفيد من الوقت الضاايع..

عندنا وايد اشيااء انسويها وذكرت البعض منها ..

تسلم ايدك خيوو على الطريقه ..

وان شااء الله الكل يستفيد منها..

انا عن نفسي استخدمهااا..

ويسلمووو..

ولا تحرمنا من ابداعااتك..

:2253446f49dd40fbf5e
 

ساعديه طر

¬°•| عضو مثالي |•°¬
إنضم
31 يوليو 2011
المشاركات
1,784
الإعجابات
0
العمر
29
الإقامة
ف راــــــسكـــــم
#7
ورقـة متصفـحـكِ كـانـت جميـلـة ونـاجحـة بـأمتيـاز

لـرُقـي مـا حمـلـت مـن معـانـي وكـلام عـذب

جـزيـل شكـري وأحـترامـي لشخصـكِ الـكـريـم

سـ نتـرقـب جـديـدكِ وبشـوق
 

كبرياء دمعة

¬°•| عضو مثالي |•°¬
إنضم
16 يونيو 2010
المشاركات
1,202
الإعجابات
0
الإقامة
ف بيتنا
#8
كلمااات رائعة تسلمووووو.....
بس اتكلم عن نفسي شخصياً.......
بصراحه اغلب وقتي ف الدوام......
 

نسمآت روح

¬°•| مبدعة في تواجدها |•°¬
إنضم
10 مارس 2011
المشاركات
2,421
الإعجابات
0
الإقامة
OMAN
#9
بسم الله الرحمن الرحيم
السلام عليكم ورحمة الله وبركاته

الوقت كالسيف إن لم تقطعه قطعك
في كل دقيقه تمر ينقص من عمرنا
لكن يجب علينااا استغلااال الوقت
فتلك الدقيقه لن ترجع لنااا ونندم على ضياااعهااا من غير فااائده
وكمااا ذكرت أخي تنظيم الوقت من الأمور المهمه والمفيده لمسيرة حياااتنااا بالطريقه الصحيحه وعمل جميع طااااعاااتنااا وأعمااالنااا بأكمل وجه

أخي العزيز أهنئكَ على الطرح الرااائع شكرااا على الخطوااات التي سردتهااا لنااا في سبيل فااائدتناااا
لكَ مني أجمل تحيه وأحلى رفسه على مربع التقييم
 

سيادة الوزير

¬°•| عضو شرف |•°¬
إنضم
15 يوليو 2010
المشاركات
1,486
الإعجابات
0
الإقامة
ارض الله الواسعة
#10
بسم الله الرحمن الرحيم
السلام عليكم ورحمة الله وبركاته
طاب مسائكم بكل خير

من الرائع جدا ان تستغل
رصيدك اليومي
ال24 ساعة

في انجاز اعمالك المعدة منذ الليلة الماضية
فهذا بدوره سيكون طريقك للنجاح
بعون الله تعالى

لأنك قمت بالتخطيط
قبل الشروع بالعمل

و لكن لي نقطة اود ان اوؤكد عليها
وهي ان البعض (( هداه الله ))

يركز في اعداد خطته اليومية
على الامور المادية
ويهمل الامور
الروحانية (( الدينية ))
فلعلة نسي الاية القائلة :

(( وما خلقت الجن و الانس الا ايعبدون ))

فيحتاج الى تذكير

تشكري على الموضوع الجميل
لك تقييمي
 

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,281
الإعجابات
0
الإقامة
حَيْثُ الأمَلْ
#11
الوقت = الحياة
متى أحسنا إدارة أوقاتنا ، حققنا النجاح في الحياة الدنيا والآخرة

لك جزيل شكري أخي الكريم
 
أعلى