موعد سحب قرعة الأراضي

[ولد المرخانية]

السلام عليكم ورحمة الله وبركاته
شحالكم؟
متى القرعة مالت الأراضي في البريمي؟

 

[أم حمودي]

أنا مقدمه من شهر 3 ما في معلوم

 

[J.O.2]

انا مقدم بعد لكن انتظر ، وحسب المعلومات بعدها القرعه
والله اعلم

 

[ولد المرخانية]

أنا قدمت آخر شهر 4 وآخر مرة رحت لهم قالو لي القرعة شهر 12 لكن ماندل أي يوم بالضبط إذا حد يعرف يخبرني لأنني مشغول الإمتحانات حاليا

 

[alshibli]

على حسب علمي الاسماء تظهر يوم الثلاثاء ..
بس عاد ما اعرف اي ثلاثاء من شهر 12
​

 

[ولد المرخانية]

مشكور أخوي بوعمر على الإفادة

 

[مجــــرد انسان]

ع حسب معلوماتي واستفساراتي ولبحث
:ص3::
يقولون بيكون في سحب بعد اجازة العيد الوطني بأسبوع

واما الي مقدمين من شهر 4 ارضيهم نزلن
لاني الاسبوع الماضي ريحت نفسي وسحبت ارض حد من الاهل وخذيت الملكية الارض

وبتوفيج لجميع

::s22::

 

[ولد المرخانية]

أنا قدمت تاريخ 27/4 لكن قالو لي تعال شهر 12 لكن مادري أي يوم بالضبط

 

[أم حمودي]

غريبه وليش ما نزلوا إعلان فالجريده

 

[شذى]

هلا كيفكم وانا بعد رحت خبروني انه السحب القرعة يكون يومين تاريخ 5و 6 في شهر 12 والتوفيق لجميع

 

[دمعة حيرانة]

هلااا أخووويهـ ...~

حسب معلوماتي السحب رااح يكـــوؤؤن يوم الأربعااء ...~
مااا دري بس امي ظهر اسمها بــ هالدفعهـ يلي كانت منزلهـ البارحهـ...~
شوف الجراايد وتأكد من أسمكـ اذا ظااهر..~

 

[ولد المرخانية]

السلام عليكم ورحمة الله وبركاته
تم الإعلان عن أسماء النساء اللي بيدخلن القرعة مالت الأراضي وبيتم سحب القرعة يومي الثلاثاء والأربعاء من هذا الأسبوع/ المصدر : منتدى مخيليف

 

[غصن الريادي]

فيه اسماء نزلت للي عليهم السحب يوم الاربعاء

راح تلقى الاسماء في الجريدة او معلقات عن بوابة الاسكان

بالتوفيق للجميع

 

[talal-badi83]

اخواني الاعزاء انا رحت الاسكان يوم السبت 03/12/2011 وحصلت بعض الاسماء نازله وكان السحب الثلاثا والاربعاء واستفسرت عن الناس الي قدموا فشهر 3 يعني لما فتحو تقديم الطلبات قالولي بعدهم ما سة شي فالموضوع وكانت وايد زحمه فالريال على اساس اني اروح واخليه قالي الحين يسحبول سنة 2008/2009 بس اتوقع الكلام غير صحيح لاني انما الي اعرفه انهم فتحو التقديم لما خلصوا الطلبات القديمه...

 

[أم حمودي]

لا صح كلامه لإن ربيعتي قالت مقدمين من سنتين وإلحين ظهرن وجارتنا مقدمه نفسهم بس ما ظهرلها شي يعني بعدهم ،بنصبر غيرنا صبر

 

[ولد المرخانية]

والله إحترنا وياهم مرة يقولو الحين نسحب طلبات مالت 2009-2008 ومرة يقولو مالت هالسنة وآخر مرة قالو مالت هالسنة

 

[J.O.2]

أنا بسبر أحينه وبشوفهم وبعطيكم خبر إن شاء الله إذا حصلت معلومات

 

[J.O.2]

قالولي تعال السنه اليايه ، يعني مب من هالدفعه اللي ساير عشانه
بس يقولوا فيه أسماء أمسات نازله عندهم

 

[ولد المرخانية]

أنا روحت لهم أمس وقالو لي تعال السنة الياية في شهر 2

 

[J.O.2]

عيل أنا شراتك السنه اليايه قالولي
يالله عسى خير
بالتوفيج لك أخوي