آهــــدا خاص vipلطلاب جامعه البريمي vip

ميود الدرعي

¬°•| عضو مبتدى |•°¬
إنضم
10 سبتمبر 2011
المشاركات
19
غيبتك لو هي دقيقة تعتبر صدة
الوقت عقبك سجن وغيابك سياجه
لاتعتذر لي ترى ما عاد في شدة
أعيد حكيٍ يكود الصدر مخراجه
دامه يوصف بجود إبيك و بجده
وشلون تبخل على المجروح بعلاجه
وشلون قاواك قلبك رده و صده
مع إنه بين عليه الضعف و الحاجة
يا قو قلبك برد يمينك و رده
بخلت بمصافحه و أرهيت باحراجه
لوما سقا غيم عينه جرهدي خده
تراه يبكي و قلبه يلحق اخلاجه
و لوشفته يمازحك تراه من جده
الضحك عن درب ضيق الصدر ما عاجه
غير الوله و الغلا عليك وش حده
يا درب ليله و يا مسراه و سراجه
كنه يعرفك قبل يلقاك من مده
مع إن ما بينك و بينه امواجه
هواك بدوٍ نووا القلب بالشدة
و رياض قلبي لشوف البدو محتاجة
و الوصل بحرٍ متى أنت بتسمح بمده
السيف صبري و بحرك شح بأمواجه
و قصيدي إللي قريته و اللي اعده
قديم لا يزعلك معناه و اخراجه
و فراغ قلبي غلاك أرهى على سده
ليتك تشوف الغلا و أبراجه و عاجه
أقوى رياح العذل ما تقدر تهده
و لا الجفا لو تنفس هدم أبراجه
تغانم الوصل لأن البعد لا بده
ياتيك في يوم ثم ياخذك بأدراجه
إللي لي إنك تلين و تترك الشدة
و إللي لك إني ما أسولف بك لهراجه
لانيب زعلان و إلليني أرتجي مده
يا باب قلبي و ياقفله و مزلاجه
زعلك تغلي و من تزعله من قده
مدام كلن يبي دربك و منهاجه
غالي و تبخل علي و تطول الصدة
الله يسامح غلاك و يلعن الحاجة
 

ساعديه طر

¬°•| عضو مثالي |•°¬
إنضم
31 يوليو 2011
المشاركات
1,783
العمر
35
الإقامة
ف راــــــسكـــــم
احينه هذي القصيده متاااكد حق طلاب جاامعه البريمي

مب حق طالباتهاااا هههههههه(((غشمره)))


تسلم ع هالابيات الاكثر من رووووعه


والله يعنك ع الفرااق والحزن


وتقبل مروررري
 

ريح الحزن

¬°•| عضو مثالي |•°¬
إنضم
1 مارس 2010
المشاركات
1,926
تسلم ع الطرح
أخي الكريم تقبل مروري
1321805200571.gif
 

ســــحـــايـــب شــــوق

¬°•| قيادية متميزة |•°¬
إنضم
11 يونيو 2011
المشاركات
1,783
الإقامة
في قلب من يحبني
روعه على روعه يالدرعي:ijhu:

صح لسانك


وايد حلوه
 
أعلى