صممت لجلك

فيصل محمد البادي

¬°•| عضــو مــهــم|•°¬
إنضم
21 سبتمبر 2011
المشاركات
457
الإقامة
البريمي
صممت لجلك



صممت لجلك داخل القلب بنيان
بنيان راسي كالجبال الرواسي

شامخ وجوده على مَر الأزمان
بِيدي وضعته موثق بقو ساسي

يبرق بريقٍ من مسافات ينبان
نوعه ذهب ماخالطوبه نحاسي

غطا على كل الزوايا والأركان
ما كنه إلا مفصلٍ بالمقاسي

حتى نعيش لوحدنا دوم جيران
أنا وأنت وراسك انته براسي

ومن زينك الفتان أنشيت عمدان
كًنْها عواميد البحر ب المراسي

لا ضقت آتيها وانا دون جنحان
كَني غريق وماسك بلوح راسي

ومن خدك الوهاج كونت جدران
زاحت سنينٍ محلكات وغلاسي

تاضي بحمره كنها وسط بستان
وردٍ نديٍ ما يجيه اليباسي

وعيونك النعسا بها موج شطآن
يخلس سحرها داخلي اختلاسي

من شكلها وضّفتها لي بفنجان
اشرب قهوته ويتطاير نعاسي

فيك الوصايف مابها أي نقصان
حماك ربي من بغيضٍ وخاسي

وأنا مصمم لك من الود بنيان
بنيان راسي كالجبال الرواسي

حتى نعيش لوحدنا دوم جيران
أنا وأنت وراسك انته براسي


وسوالم

انتظر انتقادكم البناء اللي يثري الموضوع ويفيدني

واذا عيبتك القصيده وماعليك امر رشني بتقييمك :gd:
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
صح لساانك وتسلم ع الأبيات الجميله


اعتقد ان عندك كسر بسيط هني فهالبيت

شامخ وجوده على مَر الأزمان
بِيدي وضعته موثق بقو ساسي





وتسلم يالشااعر
 

الساعدي

:: تـاجر معتمد::
إنضم
25 مارس 2008
المشاركات
40
تسلم يالشاعر على القصيدة الجميلة والأختيار الأجمل .
البيت اللي تكلمت عنه نسايم مكسور في الشطر الثاني فقط أما الشطر الأول ما علية باس على ظني لو زدنا له كلمة قبل كلمة على .

وقطعت لك الأبيات تقطيع صوتي على حسب نطقي للكلمة . لو تلاحظ الأختلاف فقط في الشطر الثاني من البيت الثاني أما باقي الأبيات الثلاثة فهي على نفس التقسيم .


أما الشطر الأول من البيت الثاني لو نزيد له كلمة من لأصبح موزونا .


شا مخ وجو ده من على مَر رلز ما ن
بِي دي وضع ته موث ثق بقو سا سي



صم مم تلج لك دا خلل قل ببن يا ن
بن يا نرا سي كل جبا لر روا سي

شا مخ وجو ده على مَر رلز ما ن
بِي دي وضع ته موث ثق بقو سا سي

يب رق بري قن من مسا فا تين با ن
نو عه ذهب ما خا لطو به نحا سي

شكرا لأبداعك وننتظر المزيد . طبعا فيه حرف زائد وهو النون في الشطر الأول من كل أبيات القصيدة وهذا لا يعيب الوزن .
 
التعديل الأخير:

ساعديه طر

¬°•| عضو مثالي |•°¬
إنضم
31 يوليو 2011
المشاركات
1,783
العمر
35
الإقامة
ف راــــــسكـــــم
hed.jpg



الكلمات في قمه الررروعه والجمال
كل كلمه له معاااني كثيره
يسلمووو علي هالطرح الغاوي
نتريا اليديد
تحياتي : ساعديه طر
 

يوسف الكعبي

¬°•| شـــاعر|•°¬
إنضم
27 أبريل 2010
المشاركات
1,035
الإقامة
محضه
صح الله لسانك شاعرنا

شاعر جميل بحس جدا جميل

مبدع يا اخوي فيصل


تواجدك مع نخبة شعراء المنتدى يثرينا بصراحه
 

المسماري

¬°•| شاعر|•°¬
إنضم
20 يونيو 2011
المشاركات
390
الإقامة
البريمي
صح لسانك يخوي
ما عليك زود

ونتريا الجديد منك
 
أعلى