عيد الأضحى مع بلدية البريمي

[مميز]

السلام عليكم ورحمة الله وبركاته..
كتب التقرير : مميز​

في صباح يوم الأحد الموافق 30/10/2011م قامت بلدية البريمي (قسم التوعية ودائرة التوعية والعلاقات بالمديريه) ومجموعة الدعم البلدي بالبريمي ومحضة بالإشتراك مع احد أطباء البيطريين لعمل محاضره توعويه بمدرسة آمنة بنت الإمام جابر بن زيد . وتتحدث هذه المحاضرة عن مخاطر الذبح خارج المسالخ وأهمية المسالخ في حماية المستهلك والتي ألقاها الدكتور البيطري محمد منصور بالتعاون مع رئيس قسم التوعية طالب الوحشي باضافة إلى رئيس قسم الإعلام والعلاقات في الدائرة :حميد البادي وذلك للأهمية هذه المحاضرة لقرب عيد الأضحى المبارك وما ينتجة من أخطار نتيجة لذبائح بالطريقة غيرصحيحة وصحية وإمكانية معرفة الطريقة الصحيحة والسليمة وذلك حفاظاً على صحة الفرد والمجتمع...​

 

[الفرقاني]

وهل جهزت البلدية سيارات القمامة علشان نقدر نجلس ف الحوي ( الحوش) بدون روائح مقرفة وذالك لسبب تراكم القمامة من قبل العيد الى بعد العيد !!؟

 

[مستشار]

اقتباس:
المشاركة الأصلية كتبت بواسطة الفرقاني
وهل جهزت البلدية سيارات القمامة علشان نقدر نجلس ف الحوي ( الحوش) بدون روائح مقرفة وذالك لسبب تراكم القمامة من قبل العيد الى بعد العيد !!؟

مع احترامي لك اخويه سواء جهزت البلديه ولا ما جهزت ... الروائح المقرفه تيي من الذبايح والناس اللي ترمي مخلفات هالذبايح للجلود وغيرها عند الدرامات ولا كنه الواحد يحس على نفسه ويأذي عياله ويأذي جيرانه..القمامه نفس ماهي ما تغيرت ف العيد وغيره تظل قمامه وف العيد معروف انها تزيد لكن البلاوي ف الذبايح اللي تنعق على الشوارع وف الحواير ..حق شو مفتوحه المسالخ؟؟؟ الله يعين

 

[شرطي مرور]

شكرا على طرح الموضوع

ونتمنى من الجميع الإلتزام

بس أتمنى يكون فيه سرعة فالإنجاز داخل المسلاخ ونظام​

 

[مميز]

اقتباس:
المشاركة الأصلية كتبت بواسطة شرطي مرور

شكرا على طرح الموضوع​

ونتمنى من الجميع الإلتزام​

بس أتمنى يكون فيه سرعة فالإنجاز داخل المسلاخ ونظام

أشكرك أخي العزيز على المداخله

تم النقاش بخصوص هذه الموضوع وأنت تعرف أخي العزيز نحن في موسم عيد الأضحى ف شي طبيعي يكون فيه زحمة... و إن شاء الله تتيسر الأمور والبلديه ماراح تقصر ...​

 

[بو مترف]

شي طيب الصراحه
بس ياليت يوم العيد يمرون ع الحواير ويشوفوا الوصخ اللي يستوي
ودرامات الزباله تيلس لين بعد العيد محد يشلها وعاد الله لايراويكم المناظر والروائح الكريهه

تحياتي .. بو مترف

 

[نورالبريمي]

السلام عليكم ورحمة الله وبركاته

اخوي مميز بصراحه موضوعك زين بس حابه اسال سؤال حق البلدية بخصوص اجازة العيد اكيد 100% حاويات القمامه راح تضل اسبوع كامل
والذباب والروائح راح تنتشر في الاجواء:026: والله يكون في العون وبعدين البلدية ماقصرت في الحاويات الجديده بس مب كانهن صغار شوي ؟؟:imua11: مايمديهن يومين وعلى طول تحصلون الحاويات مليانه رجاء الحاويات اللي ماغيرتوهن خلوهن مثل ماهن احسن واوسع والله يعطيك العافيه ياخوي

 

[زهرة الأوركيد]

سامحني اخوي مميز على الكلام اللي بقولة ......البلدية لهاية دور كبير في نظافة الحواري من هالشئ ليش مايمرون على الزبالة في أيام العيد ويخلصون الناس من الروائحة المقرفة ......لغاية متي بنظل على هالحال .......
بغيت أعلج على كلام أخوي مستشار بخصوص المسالخ إنت تعرف عن الزحمة اللي تصير في المسالخ في أيام العيد وبعدين مب كل الناس بيقدروا يسيرون المسلخ ومستحيل بيرمون بقايا الذبيحة في الحاوية
لانه صعب وايد ......
تقبلوا مروري.....​