{ البناتـــ، والليسن ..~

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
السلام عليكم ورحمة الله وبركاته

شحاالكمـــــــ،، عربنــــآآ ؟!! علــــــــــــوم داركم ؟؟

ان شااء الله زينين .. :p

اليوم صراحة حبيت اطرح موضوع يدور في بالي من كم يوم ..

هو عن ..[ البنات & الليسن ]..

ممممممم أحيانا البنت تطر انها تتعلم السواقة ،، لكن الاهل يرفضون ..

بحجه انه عيب .. او ممنوع .. او اي شيء ثاني ..

بس اللي يقهر الواحد يوم يكون الشيء ممنوع بدون اسباب تذكرر .. أو أسباب واهية ..

مثل يوم يصير عليكن حادث .. <<< يفاولون بالشر .. مب جنه بروحهم يسون حوادث !!!

بالنسبة لي أنا اواجه هالمشكلة ويا ابوي .. هع

مب مخلني اتعلم السواقة .. ولا يعطيني اي سبب مقنع ..

بس كلمة ممنوع ،، او يوم أموت << هذا يقهرني أكثر ..!!

أخوي العود علمني شوي بالسيارة .. وسقت تقريبا 3 مرات هووع ..

وكنت اضبط السواقة .. واخوي يقوللي ما شااء الله بتعلم بسرعة ..

لكن ابوي عصب ،، وما يباني اركب السيارة .. خير شر ..

لوووول

بس أنا حاولت استخدم كل الطرق اللي عندي علشان يقتنع ..

من نقاش أو غيره .. حتى بالمسجااات !!

وكل الطرق تؤدي إلى التطنيش ..~

والغريب فالامر أنه بنات عيلتنا أغلبيتهن يسوقن .. محد رافض .. غيره هو !!

ونرجع لمحور حديثنا ..

ليش الاهل يرفضون للبن انها تسوق ؟؟

وشو هي الأسباب اللي تقنعهم !!

؟

سمعت انه فيه شباب ما يتزوجون البنت اللي تسوق سيارة ..

شو الغلط فالسالفة .. ؟؟

أنتظر رايكم بكــــــــل صراحة ..

وتـــقبلــوا منّي أرق التحية / خافق احساســ،، :patch_joi:

الموضوع أنا كتبته مب منقول ..

ربي يحفظكم

!
 

الخريشة

¬°•| عضو فعّال |•°¬
إنضم
23 يونيو 2008
المشاركات
154
اشكرج وخيتي ع الموضوووع الرائع

زين فتحتيه لانه الموضوع يستاهل النقاش
وتسلمين

انا ما بقول اكثر من اللي قلتيه لكن اريد اسمع رد الريايل


تقبلي مروري

خويتكم/ العين الذبوحه
 

سعود الظاهري

:: إداري سابق ومؤسس ::
إنضم
15 أكتوبر 2007
المشاركات
6,861
الإقامة
الجنـ هي الهدف ـة
أول شي شكرا على قلمج المميز والبعد عن المنقول

أختي أنا أقولج حاولي مع أبوج

وكثر الدق بفج اللحام

وحاولي تعاليله وهو رايق ويظحك مستانس

وتفاهمي معاه

أبوج صدقيني خايف عليج


زمننا هذا الذي فشا فيه التسكع وانتهاك الحرمات وفقد فيه الرجال النخوة

أنا بعطيج مثال حتى لو وحدة تمشي سيدة لازم بلاحقوها وحتى الشرطة في التفتيش

توقف البنات بس يبون علثة

أنا مرة بعيني كنت واقف على الاشاير في السوق وعدلي سيارة فيها بنت

والسيد الثالث كان ستيشن فيه ولدج شباب والاشارة حمرة نزل وفتح باب السيارة مال البنت وفر عليها الرقم وركب سيارتة وشرد

والمشكلة ممنوع في عمان وحدة تلبس نقاب وتمشي بالسيارة

شوفي القوانين كيف


وعن موضوع الشباب مايتزوجوا البنت ألي تسوق

فكرة غلط غلط غلط

ولي عودة للموضوع.
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
اشكرج ع طرحج للموضوع هذا
لانه صدق نص الاهل ما يرضون
بناتهم يسوقون ما ادريبهم ليش
واتريا رد الشباب لانهم هم المعنيين؟؟؟
يسلموووو
 

شيخة المزايين

¬°•| مُشرفَة سابقة|•°¬
إنضم
12 مايو 2008
المشاركات
1,605
الإقامة
ف بيتناااااااا
موضوع رائع اختي

انااااا ف خاااطري اتعلم السواقة بس لماا اشوف حوادث اجول بس خلاااص ما ابى


يمكن ابوج يشوف انه انتي مب محتاجه حجهااااا

المشكلة ان ربع المجتمع مب متقبل هالشي بس احيااانااا الحرمه تحتاجهااا
ولكن من دون مااا تخرج عن عاااداتهااا وتقاليدهااااا
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
الظاهري

أول شي شكرا على قلمج المميز والبعد عن المنقول

العفو ،، وشكرا على رايك الصريح !!

أختي أنا أقولج حاولي مع أبوج

وكثر الدق بفج اللحام

مممممممممم ان شااء الله ، بعدني ما يأست .. هو عنيد وانا اعند منه هع !!

وحاولي تعاليله وهو رايق ويظحك مستانس

وتفاهمي معاه

كل اسلوب استخدمه .. الحين مطنش ولا داز لي ويه ..

جنى اكلم عمري .. بس بعدني اطن فراسة يوم يكون رايق ..

بعدين ابوي من النوع البارد .. وانا احر ما احب حد يسفهني !!


أبوج صدقيني خايف عليج

أنا فاهمة هالشيء .. بس انا ابا اسير الجامعة .. اذا بطلع بروحي ..

واذا بطلع السوق تراني ويا امي ولا اخواني ..

ومب من كثر ما اطلع انا ..!!


زمننا هذا الذي فشا فيه التسكع وانتهاك الحرمات وفقد فيه الرجال النخوة

أنا بعطيج مثال حتى لو وحدة تمشي سيدة لازم بلاحقوها وحتى الشرطة في التفتيش

توقف البنات بس يبون علثة

البنت المحتشمة تراه محتشمة ،، حتى لو ساقت ولا ما ساقت ..

وما سمعت شيء من هالقبيل صار من عيلتنا !!


أنا مرة بعيني كنت واقف على الاشاير في السوق وعدلي سيارة فيها بنت

والسيد الثالث كان ستيشن فيه ولدج شباب والاشارة حمرة نزل وفتح باب السيارة مال البنت وفر عليها الرقم وركب سيارتة وشرد

تشتكي عليه فالشرطة .. هذا يسمونه تحرش ؟؟!!

والمشكلة ممنوع في عمان وحدة تلبس نقاب وتمشي بالسيارة

شوفي القوانين كيف

أغلبية البنات ما يلبسن نقاب فالسيارة بس يوم ينزلن السوق او مكان عاام ؟؟!

وعن موضوع الشباب مايتزوجوا البنت ألي تسوق

فكرة غلط غلط غلط

والله هذا اشوفه من الواقع انا !!

ولي عودة للموضوع.

ننتظر عودتك !!
 

عالية متعالية

¬°•| عضو مميز جدا |•°¬
إنضم
24 يوليو 2008
المشاركات
776
شكـــــــــــــــــــــــــــــــــــــــــرا ع الموضوع الرائع

ما ادري ليش جيه الريايل بس لما يشوفو وحده تسوق يتمو وراها بس نحنا المحتاجين
لما نريد نروح مكان ما نلاقيهم ومسوين عمارهم عناتره
وانا عكسج ابوي عادي واخوي رافض :patch_pleur:


تقبلو مروري
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
قطوة البريمي

الله يسلمج غناتي ..

وربي يحفظج

!


شيخة المزايين

يمكن ابوج يشوف انه انتي مب محتاجه حجهااااا

حبيبتي أنا بأمس الحاجة لها ..

محد بيوديني الجامعة .. قالي بيفرني الصبح الساعة 7 وبيرجعني الساعة 6ونص .. البيت ..

يعني أنا دوامي الساعة 10 اروح الجامعة الساعة 7 شو اسوي ؟؟

وقولي ست الا عشر ..

شو هو عقاب ولا شو ؟؟

واشكرج على رايج الغاوي

والسموحة

!
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
عالية متعالية

المشكلة اذا كانوا الشباب جيه

نحن شو ذنبنا ..

ترانا محتايين ..

يقولون الحاجة أم .. الخ ..

انا بالنسبة لي اشوفه ظلم ..

البنت اللي مب محتاجة .. مب لازم تتعلم ..

بس انا الحين جامعة .. وبعدها شغل ..

بتم متبهدلة .. خصوصا ابوي يحرق لي اعصابي لين ما يوصلني ..

ومرات يسجولني فالجامعة غياب لاني متأخرة ..

مع اني واعية من الصبح .. واتريا حد يشلني

وننتظر تفاعل اكثر

!
 

الحاتمي

¬°•| عضو فعّال |•°¬
إنضم
12 أبريل 2008
المشاركات
127
الإقامة
لوى
ي أعتقدي أن عاداتج وتقاليدج ما تسمح لج بقيادة السيارة ووالدج هو أدر بمصلحتج وما راح يقصر اذا بغيتي تسيري السوق أو زيارة لاهلج وزميلاتج وخاصة إحنا في زمن الفتنننننننة
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
الحاتمي

أعتقدي أن عاداتج وتقاليدج ما تسمح لج بقيادة السيارة ووالدج هو أدر بمصلحتج وما راح يقصر اذا بغيتي تسيري السوق أو زيارة لاهلج وزميلاتج وخاصة إحنا في زمن الفتنننننننة

الحمدلله ابوي مب مقصر فشيء ..

وعلى هالزمن ،، الحمدلله أنا وااعية فيه ..

لكن ،، فيه شيء انا مب فاهمتنه فأبوي ..

مب بورحي كل عليتنا ..

لانه ابوي عادي عنده اشياء واايد ..

يعني ينزلي السوق ويروح .. عاادي

ما بيي فباله اني مرابعه وااحد مثلاً !!!! << اعوذ بالله من هالشيء ..

أنا ماخذه احتياطاتي فهالمجال .. يعني عندي عباه راس والحمدلله

أشكرك على رايك الصريح

وبعدين انا مطره مب ابا جيه عالفاضي !!

والسموحة

!


 

سعود الظاهري

:: إداري سابق ومؤسس ::
إنضم
15 أكتوبر 2007
المشاركات
6,861
الإقامة
الجنـ هي الهدف ـة

عندي لج حل أختي

أنتظري الفرصة ألي يكونأبوج فيها مستانس مرة

وروحي وقولي لابوج

أبوي ليش أنت رافظ فكرة السواقة أنا مابظهر من البيت ألا للحاية ولكن السيارة بتكون تحت تصرفك أنت ومابظهر بروحي .
أكيد معاي أخواني

وأبوي السيارة في البيت زينة لاسمح الله حد يمرض وألا شي تكون موجودة السيارة

قوليله أنا مابظهر كل يوم عند ربيعاتي أو بروح الحدايق

أنا أنسانة فاهمة أبوي وأدري أنك تخاف علي

بس أبوي الحياة تغيرت

السيارة أستوة مطلب أساسي

قوليله أبوي صح أن للحرمة بيتها وأعرف من عاداتنا أن الحرمة ماتظهر من بيتها ألا للظرورة

وحتى دينا يحثنا على هذا الشي
]وقرن في بيوتكن[.

المهم تعاليله بالكلمة الطيبة صدقيني الشيوبة نفس الاطفال ينقص عليهم

وكثر الدق يفج اللحام


وبصراحة أنا ماشجع أن البنت تسوق بس يختلف من بنت ألى بنت

يعني على حسب
 

(الكعبي)

¬°•| مُِشْرٍفَ سابق|•°¬
إنضم
24 ديسمبر 2007
المشاركات
2,229
الإقامة
شمال عمان الغاااالية
خافق أحساس :::
موضوعك أكبر من رائع ويحتاج الي جلسة طويلة ...
أنا أشوف السواقة ضرورية وخاصة للبنات الي يشتغلن لان مشاوير الشغل تححتاج لسياقة وسيارة


ليش الاهل يرفضون للبن انها تسوق ؟؟
بسبب الخوف ع البنات من جميع اللاشياء علي سبيل المثال من الشباب الطائش الذي ربما يلحق أي بنت لما أشوفها بروحة ف السيارة
بس هذا ليس بسبب مقنع .... ولربما الاهل يرفضون لسبب العاداة والتقاليد .... وكل الاحالات واردة .

وشو هي الأسباب اللي تقنعهم !!
القناعة تعتمد ع أسلوبك ف الحوار مع الاهل ...


نتمنالك التوفيج ...
 

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
الكعبيه لازم نسوي كذي بضيع حقوقنا هدر ...

وانا راااي من راااي الظاهري الشيوبه مايبالهم الا الكلام الطيب والهدوء برمسه
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
الكعبي2010


موضوعك أكبر من رائع ويحتاج الي جلسة طويلة ...
أنا أشوف السواقة ضرورية وخاصة للبنات الي يشتغلن لان مشاوير الشغل تححتاج لسياقة وسيارة

صح كلامك 100%..


ليش الاهل يرفضون للبنت انها تسوق ؟؟
بسبب الخوف ع البنات من جميع اللاشياء علي سبيل المثال من الشباب الطائش الذي ربما يلحق أي بنت لما أشوفها بروحة ف السيارة
بس هذا ليس بسبب مقنع .... ولربما الاهل يرفضون لسبب العاداة والتقاليد .... وكل الاحالات واردة .

بس لازم تسن قوانين تمنع مثل هالاشياء ..

بعدين الشباب يبالكم ضرب بالعصى !!

وشو هي الأسباب اللي تقنعهم !!
القناعة تعتمد ع أسلوبك ف الحوار مع الاهل ...

مب أسلوب الفرد بس .. بل نفسية الشخص المراد التفاهم معه ...

وسلوكياته وانماط المعيــشة ..~

نتمنالك التوفيج ...

شكراً على مرورك الطيب

والسموحة

!
 

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
المشاعر

الكعبيه لازم نسوي كذي بضيع حقوقنا هدر ...

أحلا بنـــــآت والله .. أنا سويت لافته عوووده .. مظاهره اوني

وعلقتها على البوابة .. يعني اللي يدخل يقراها ..

أوني استخدم اسلوب البرمجة .. انه هالكلام المكتوب

اذا ابوي قراه كل يوم بويهه .. بتتكون عنده الفكرة اني لازم اتعلم اسوق !!

وانا راااي من راااي الظاهري الشيوبه مايبالهم الا الكلام الطيب والهدوء برمسه

ههههههههه ،، واللي مب شيبه كيف نتفاهم عنده !!!

وشكراً لج على رااايج الكشووخي

نورتي الصفحة

!
 
أعلى