حسبي الله عليك....,من دكتور....

الحالة
مغلق و غير مفتوح للمزيد من الردود.

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
مـــرحبا بكم.....

اتمنى تكونون عندي للأخـــر....,,,,
وتقرون كــلامــي كـلــه...,مابا منكم شي لكن...,
انا محروقه من داخلي...,ابي افضفض عن هل خرابه اللي صايره
فالبلاد..عن هل الاستهتار..عن هل الدمار اللي صايب الطب فعمان
...وين التطور..؟وين المصداقيه..؟

السالفه وما فيها...
الوالده ربي يحفضها..دوم تعاني من صداع دايم...ودوم تشكي
ان راسها يعورها..,,
راحت مستشفى البريمي كذا مره...وما عطوها غير
(بندول+قطره للعين)
يوم عن يوم...الالم قام يزيد..سفرناها برع(تايلند)
عشان تفحص..لكن ما طلع عندها شـي...,,,
وبعد فتره...,,سافرت (الهند)..وفحصوها
وقالوا لها بأن عندج ورم فراسج
ومحتايه عمليه حتى نشيلها لكن نحن ما نسوي العمليه
لأن بتطلع عندها
آثـار سلبيه...,
رجعت الوالده وقررت انها تعالج ف عمان(مسقط)
راحت مستشفى(خوله)
وسوولها الفحوصات اللازمه...
وقالوا لها نفس الكلام اللي قالوه لها اطبة (هند)
ان عندها ورم..ومحتايه عمليه...
سألنا الدكتور عن العمليه..اي في آثـار جانبيه راح تظهر
لها عقب العمليه..؟
جاوب وبكل ثقه وقال..
لأ..انا أأكد لكم ان ما راح تظهر اي آثـار جانبيه..
ونسبه نجاح العمليه 65%...,
(طبعا هاي نسبه جيده)
وسألناه بعد...,اذا الولده مسويه عمليه (إزالة رحم)
ما راح يضرها(سبحان الله)يعني يمكن..,
قال..لأ..
وتم يمدح بعمره..وانا وانا...والطب متطور ولاب ولاب ولاب...
نحن صدقنا..قلنا خلاص بنسويها فالبلاد...
سوت العمليه....,(ياليت ما سوتها)
الاثار اللي ضهرت لها.....,
-شلل نصفي فالوجه من الجهه اليسرى..(اي
العين اليسرى ما ترمش ولاتدمع ولا حتى تتسكر والاعصاب فيها
ميته)..
-طبعا غير ألم الراس...والعين اللي يدخل لها غبار وماي و
..,و..,وغيره وغير ولا تحس بها...
-والشي الاهم من جيه(الورم شوي شوي...جاعد يرجع)

والله يا ناس..الوالده تصبح بألم وتمسي بألم...
حسبي الله عليك من دكتور..حسبي الله عليك..
ما جدرت تجول ان بيصير كذا وكذا....,
ولا عشان البيزات...؟
جان جلت تبا بيزات....بنعطيك ولا تدمر حياتنا...,
لكن ما اجول غير...حسبي الله عليك دنيا وآخره....
يعلك ما تتوفق فحياتك..

والله قلبي يتقطع وانا اشوف الوالده كل يوم
تتألم....,
مهب غريبه شاري الشهاده من وحده مالدول وياي هنيه متفيخر..
يلعب بأرواح الخلق....,,
عسىاه ما يتوفق فحياته يااارب...,
اصلا هذا حتى حراااإإم اسميه دكتور
((وربي ما يسوى هل كلمه))
 

الــمــنــبــر

¬°•| مشرف سابق|•°¬
إنضم
19 أغسطس 2011
المشاركات
436
الإقامة
هــنـــا فـي مـــنـــبـــري هـــذا
لا حول ولا قوة إلا بالله

الله يشفيهاا من كل شر ويمدها بعمر وعافية

عسى الله يفتح على الحكومة وتغير هالكراجات
الانسانية إللي عندنا

قولو آمين

 

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
لا حول ولا قوة إلا بالله

الله يشفيهاا من كل شر ويمدها بعمر وعافية

عسى الله يفتح على الحكومة وتغير هالكراجات
الانسانية إللي عندنا

قولو آمين


آآمين يــأأإإرب العالمين,,,,
الله يسمع منك....
 

]|حطام رجل~×

¬°•| عضو مبتدى |•°¬
إنضم
18 سبتمبر 2011
المشاركات
47
الإقامة
خٌِلفْ آلكَوٍآليَسٌِِّ
حيوان والله !!

ماعنده ضمير ولا انسانيه

دكتور على شنو يا حسره ؟؟

اخبرج ختي ؟؟ قدموا عليه بلاغ او اشتكوا عليه


لا والله ما ينسكت عن هالشي

وش ذنب الوالده مسكينه يجي واحد مثل هذوله على اخر الزمن ويوصلها لهالحال !!
حسبي الله عليه والله يعين الوالده ويشفيها ويعطيها طولة العمر يارب
 

روووضه

¬°•| عضو فعّال |•°¬
إنضم
13 أغسطس 2011
المشاركات
164
الإقامة
عمان
ربى يشافى الوالده ويخفف عنها كل الم و هالدكتور عساه ما يعرف
صوب االمستشفى وين عسب ما يلعب ف صحة الناس
ربى يحفظ أمك من كل شر ويطول ف عمرها يارب
 

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإقامة
BLOoOSH CITY
لا حول ولا قوة لا بالله \\

ما بعلق على كلامك .. لاكن الله يكون ف عون المريض

كلامك صح الصح ورب الكعبه شي يحزن القلب انه مستشفيات واطباء

ما فالحين بشي واخر شي يتفلسف ويدمر صحة المريض او المريضه
 

reemo_909

¬°•| ريـشة مبدعة |•°¬
إنضم
23 مارس 2010
المشاركات
1,154
الإقامة
ف البريمي فديتهاا
اختي اشتكوا عليه هالشي ما بنسكت عنه:36:

:cry:
لا حول ولاقوة الابالله
الله يعين الوالده ويشفيها ويعطيها طولة العمر يارب
 

superman

¬°•| عضو فعّال |•°¬
إنضم
31 مارس 2011
المشاركات
176
لا تدعون لها بطول العمر "لأن العمر مكتوب " ...ولكن أدعو لها بالعافية ..
 

سوسو العبيدانى

¬°•| مشرفة سابقة |•°¬
إنضم
19 مارس 2011
المشاركات
3,890
الإقامة
السنينه
الله المستعااان
مـــــــاااذاا سنقوول هنااا ااختي؟؟

كم هي كثيره الاخطاااء الطبيه ولكن
ستشتكين ووتطااالبين بتعوويض

اادري ليس هذااا مااا تتمننينه والذى لا
تريدينه.....

الان اانت بحااجه من يصلح ذلك الخطاااء الذي
والله ااعلم عن سببه ااهماال ااو تقصير ااو عدم خبرره
ااو حتى مصداقيه......

وووفي حاال الشكووى فلن ينظر في الامر
ووكماا العااده يظهر المسؤل كالشعره من العجينه


ولكن نحن الان بصدد الدعووه لهاا

الله يشفيهااا وويأجرره بصبررهاا
وويرد لهاا عاافيتهاا ووصحتهاا

والله يهدى بعض الدكااتره
شوو ينجيهم من ذنووب هالمررضى
والى متى سيستمر قوول........خطااء طبي
الذي بسببه يعاانى الكثير

الله يشفيهااا ويصبررهاا
 

سيادة الوزير

¬°•| عضو شرف |•°¬
إنضم
15 يوليو 2010
المشاركات
1,486
الإقامة
ارض الله الواسعة
لا حول ولا قوة الا بالله
عيب احنا نسمع تطور و تطور وين هذا التطور في ارض الواقع ما نشوف شي
بس ما اقول الا حسبي الله على من كان السبب
ولازم يتقدم هذا الدكتور للعدالة لا تسكتوا عنه ابد
 

ولد صحـــار

¬°•| عضو مميز |•°¬
إنضم
21 أكتوبر 2009
المشاركات
317
الإقامة
بلاد العظمــــاء
الله يشفيها يارب
لو انا والله ما خليته يعيش والي فيها فيها
لو فأمه كان بحس لاكن بغيره هانت عليه


وان ما خذت حجها تو ان شاء الله تاخذه بالاخره
الله يصبركم
 

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
]|حطام رجل~×;1169906 قال:
حيوان والله !!

ماعنده ضمير ولا انسانيه

دكتور على شنو يا حسره ؟؟

اخبرج ختي ؟؟ قدموا عليه بلاغ او اشتكوا عليه


لا والله ما ينسكت عن هالشي

وش ذنب الوالده مسكينه يجي واحد مثل هذوله على اخر الزمن ويوصلها لهالحال !!
حسبي الله عليه والله يعين الوالده ويشفيها ويعطيها طولة العمر يارب

القلم مو بإيدي ولا جان خليته يحفر قبره ويدفن عمره من عذابي...,
اسكت الله يرحم والديك...نشكي لمن ولا لمن..هاذي عمان وهاي حالتنا معاها...,ما جول غير عسى كل فلس دفعناله تكون مداخيل سم هاري له ولعياله..عساه يلجاها فواحد من عياله يا رب عشان يذؤؤف العذاب اللي تتعذبه الوالده...والله ادعي عليه ليل نهار...
دام السالفه فيها الوالده والله ادعي مو بس عليه على اكبر عنه بعد..وماني خايفه...
 

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
الله يشفيها يارب
لو انا والله ما خليته يعيش والي فيها فيها
لو فأمه كان بحس لاكن بغيره هانت عليه


وان ما خذت حجها تو ان شاء الله تاخذه بالاخره
الله يصبركم

آمين يا رب....,
ان ما حصلها فدنيته بيحصلها فآخرته لكن دعواتنا عليه والله ما تخلص لي يوم الدين...
 

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
لا حول ولا قوة الا بالله
عيب احنا نسمع تطور و تطور وين هذا التطور في ارض الواقع ما نشوف شي
بس ما اقول الا حسبي الله على من كان السبب
ولازم يتقدم هذا الدكتور للعدالة لا تسكتوا عنه ابد

خلها على ربك..اي تطور ف عمان....
والله ما شي لا تطور ولا هم حزنون...عمان عمرها ما راح تتطور...
والله هاذي الصراحه والله يجول غير جيه والسموحه يعني ((منافـق))
 

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
الله المستعااان
مـــــــاااذاا سنقوول هنااا ااختي؟؟

كم هي كثيره الاخطاااء الطبيه ولكن
ستشتكين ووتطااالبين بتعوويض

اادري ليس هذااا مااا تتمننينه والذى لا
تريدينه.....

الان اانت بحااجه من يصلح ذلك الخطاااء الذي
والله ااعلم عن سببه ااهماال ااو تقصير ااو عدم خبرره
ااو حتى مصداقيه......

وووفي حاال الشكووى فلن ينظر في الامر
ووكماا العااده يظهر المسؤل كالشعره من العجينه


ولكن نحن الان بصدد الدعووه لهاا

الله يشفيهااا وويأجرره بصبررهاا
وويرد لهاا عاافيتهاا ووصحتهاا

والله يهدى بعض الدكااتره
شوو ينجيهم من ذنووب هالمررضى
والى متى سيستمر قوول........خطااء طبي
الذي بسببه يعاانى الكثير

الله يشفيهااا ويصبررهاا

الله يسمع منج....
 

قـمـرهـم ـم

¬°•| عضو مميز |•°¬
إنضم
13 أغسطس 2011
المشاركات
295
الإقامة
ـألًبرًيمْيُ نًظًر عًينَيِ
ربى يشافى الوالده ويخفف عنها كل الم و هالدكتور عساه ما يعرف
صوب االمستشفى وين عسب ما يلعب ف صحة الناس
ربى يحفظ أمك من كل شر ويطول ف عمرها يارب

آآآآآآآآآآآآمين
يارب العالمين....,
 

نور

¬°•| عضو مميز |•°¬
إنضم
19 أكتوبر 2010
المشاركات
385
الإقامة
سلطنة عمان
ربي يشااااااااااافي والدتج

ويحفظها لكم يااااااااااااااا رب
 

بو مترف

<font color="#1ea3ef">¬°•| Kiηģ oƒ Ẹηģlisн |•°¬</s
إنضم
30 أكتوبر 2010
المشاركات
235
لاحول ولاقوة الا بالله العلي العظيم
الله يشفيها ان شالله

اختي انصحج بأنج تاخذي كل التقارير الطبية وتقدمي شكوى وترفعي قضية على هذا اللي مايتسمى والله يكون ف عونج

عيل تعرفوا في واحد من المستشفيات اللي ف عمان دكتور التخدير اللي موجود كان يشتغل بيدار


ماخفي كان اعظم !!

الله يسلم الناس بس
 
الحالة
مغلق و غير مفتوح للمزيد من الردود.
أعلى