رمسة ( بني كعب ) وقبائل أخرى

الحالة
مغلق و غير مفتوح للمزيد من الردود.

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,276
الإقامة
حَيْثُ الأمَلْ
اليووم يبتلكم رمسة بني كعب ^^


يلاا نبتدي

إنقفـظ :أمر بالاستعجال ( لا تكون بارد)

وط الشي :حطــه أو نزلــه ,,

انهي : يعني امر بالسير (سير)

اقحم: يعني انزل

سدكي : هوسي وحد يقول همزي (تدليك)

طقعه :(لا تسوي له سالفه) طنشه ..

ميهود : ..وتعباااان ...ولها معاني ثاانية ...

دهديه : بسرعة

فشري: يعني شاايف عمره ..خقااق ..ويحب المظااهر


ودني : وصلني

نتفــري :يعني بنتمــشى وبنشوف الدنيا

يتحـدث : طبعا يتكلم

لايم الباب : صك الباب

لزي :مثال ( لزي على ورى ) يعني رجعي على ورى
وللولد : لز

يدقه أو يرنه :يضربه

.بهفك ..بسطار ع عينك ...مشهور عند بني كعب .....بهفك ..يعني بضربك .....

((سطااار )) ..طراااق ..او صفعه ..


منفتق او منطر: الشيء انقسم اللي جزاين او اكثر

الخَلال: للرطب الاخضر ..اللي يسقط من النخله بروحه
..
البسر: يسمووون للتمره اللي بعدها ما استوي عدل ..يعني يكون لونها كله احمر او كله اصفر ..وطعمها يكون مر ..او ما الي ذاااك ..بالعربي ..غير كامل النضج ..خخ

ثامد :نقووول مثلا ..ارطبه ثاامده .. و يعني الرطبه استوت شرات السح (التمر) ..يعني لونها يميل اللي السواد ...

الرزين : العااقل

الخريش :خفيف عقل ..

عقاطه : هيه الحجاب ..اللي لونها ابيض ....

الوقااايه : هذي تعني الشيله ......^_^

أنطب : يعني اسكت ...

طرحته : طيحته وبالعربي أسقطه...

الطلي: وتعني التيس الصغيرووون

فاارط: يعني ماااصخ وما عنده ساالفه ...

دغنه : ما يفتهم

حده :يعني اربع ورااه ..او اركض وراه
...
صفد :وتعني الحصااه العوده
...
مُولف :يعني مجمع

بطأ: تأخر

مشووول:صايع او عليه تصرفات هب حلوووه ...

ينعش : هب يهز راااسه ^_^ ::: يحوط وما فيه بااس ..


فقته: ...ما كنت اتوقع ....

يخيل: وتعني ..يستحي ...

هبابنا :يالله بسرعه ...

تولمي :يعني استعدي وتجهزي ....

حات :طايح

الدعلي: القنفذ ....

ممزور : متروس

خديه : ما يفتهم

حليان : مصدي

كسر حشمه : تاديبا لك

اندحق .. انكب : سقطا ارضا

منسدح .. منبطح : مستلقي

الكره : الضفدع الصغير

والقره: اهنيه هب بحرف القااف ولا الكاااف..عرفتوا قصدي يعني ..للضفدع الكبير ...

الصرا :هيه الطحااالب...

غدف : يعني ورا

يرااقص :هب يرقص ...يعني عندنا موجود ما فيه شر ...

يغنم :يصب له اقهوه
...
يحوووم وحد ينطقها ..يهوووم:يعني يحوووط ويتمشي ...

كشته:رحله ..

غزوز:يعني خدود ...

مير :الاغراض البيت

طمه : مايفهم . .

وسوالم




منقووول
 
التعديل الأخير:

جلاكسي والناس عكسي

¬°•| عضو فعّال |•°¬
إنضم
28 سبتمبر 2011
المشاركات
125
هع هع
عادت مارمسه
اسميك سوالف دهن العود:mh0226:
يعطيك العافيه طرحك غاوي
 

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,276
الإقامة
حَيْثُ الأمَلْ
رمسة حلوة وما عليها خلاف

شكرا على مرورك
 

غيمَة

¬°•| مٌشرفة سابقة |•°¬
إنضم
30 يونيو 2010
المشاركات
5,453
الإقامة
فِي حَنآيآ غيمَة ☁
السلآم عليكم و رحمة الله و بركآته


بصرآحة بعض الألفآظ إحنآ نستخدمهآ
فلهجتنآ المحلية ..
و بالمقآبل في ألفآظ أول مرة تمر علي ..
مآ عليج قصور ( دهن عود ) ..
كل يوم تتحفينآ بموآضيعج الحلوة ..
لآ هنتي يآ رب ..


إحترآمي لج ،،
 

حــزن

¬°•| زوبعة تميز |•°¬
إنضم
11 يناير 2011
المشاركات
1,543
الإقامة
..لبريـمي دآر عيـني..
أكوو ألفاظ نحن نستخدمهن
ههههه حركاتـ أنتي:3ash:
رمسهـ ما عليها كلاام ياحيهم بني كعبـ والنعم واللهـ
تسلم يمينج على النـــــقل الرائع:flower2:
يعطيج العافيهـ الشيخهـ

 

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,276
الإقامة
حَيْثُ الأمَلْ
شكرا لتواجدكم في موضوعي

 

طموحي عالي

¬°•| عضو مميز |•°¬
إنضم
26 مايو 2011
المشاركات
383
ههههههههههه
حلوة رمستهم فديتهم
مشكورة ع الموضوووووووع
الغالية
 

ولد بن كعب

¬°•| صاحب العطاء|•°¬
إنضم
5 يوليو 2010
المشاركات
505
هي ليست بالخصوص او بالتحديد لبني كعب خاصه وإنما بعض القبائل تشاركهم هذه الألفاظ من ضمنها المقبايل مثل ماذكرت الاخت , بمعنى آخر أغلب القبائل التي كانت في حلف بني كعب والتي كانت تشكل سابقآ ما يسمى بإمارة محضه هي تتشارك مع بني كعب في هذه اللهجه وبعض القبائل القريبه من مساكن بني كعب أيضآ تنتشر فيها بعض الالفاظ المذكوره
 

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,276
الإقامة
حَيْثُ الأمَلْ
ولد بن كعب، كلامك عين الصواب
تسلم على التعقيب

شكرا لك
 

مهاري الخليج

¬°•| عضو فعّال |•°¬
إنضم
20 سبتمبر 2011
المشاركات
143
الإقامة
الخليج
رمسه حلوه

نحن نستخدمها الالفاظ عادي ومعروفه

اشكرج::s12::::s12::
 

!! أتعــبــني غــروري !!

¬°•| عضو مميز |•°¬
إنضم
6 يونيو 2011
المشاركات
372
,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,

(( الكعبـــــــــــــــي )) <<< اموت فيها وافتخــــــــــــــر

حياتي بعد في وااااايد كلمات ما حطيتها لانه في بعض الكلمات اول ما حد

يرمس فيها ع طول اتعرفين انه من عقم ((بن كعب ))

قلت ليه ـــــ خبرته
قلت ليها ـــ يعني خبرتها
اشعنو ــــ يعني اشحقه وناس يقولونها اشعنه
انقفضي ـــ يعني بسرعه خلصي
كاي ـــ شاي

واااايد غير بعد

,,,,,,,,,,,,,,,,,
,,,,,,,,,,,,,,,,,,,,,,,,,,,,,,,
 

[ود]

¬| رُوحٌ مُحلِّقَة بَين أسْرآبِ الأمَل ✿ ،
إنضم
31 مايو 2011
المشاركات
22,276
الإقامة
حَيْثُ الأمَلْ
أتعبني غروري شكرا أختي
لكن " كاي " لا ما أظن من قاموس
بني كعب

كل الود /..
 
التعديل الأخير:
الحالة
مغلق و غير مفتوح للمزيد من الردود.
أعلى