إذا ودّك ترجّعني .. تراني بالبحر إبره

بنت المقابيل

¬°•| مشرفة سابقة |•°¬
إنضم
27 أكتوبر 2009
المشاركات
2,575
الإعجابات
1
الإقامة
عن الثريا فوق متعلي
#1
قديم العذر هذا , رِد [ حاول مرة ٍ أخرى ]
حفظتك أنت وأعذارك أعرفك زين صدقّني

معدّيها لك الكذبات لكن [ غير ] هَالمَرّه
طعنت الظهر في غفلة ولا لك عذر تطعنّي

تحمّلتك أنت وعيوبك وكانت عشرتك مُره
حسافة عمري اللي ضاع معْ شخصٍ مضيّعني

صعب جبر القلوب اللي بيدّ الغدر منكسره
فلا اتحاول تجبّرني وبيدينك مكسّرني

أنا كنت بيدك [ حاجة ] ثمينة , كنت لك دُره
تمنى الغير يملكني , و لا غيرك تملّكني

أنا قلبي سبب قلبك [ وقف ! ] مستغرب ٍ لأمره
تردد كلْ نبضاته : خسارة كيف يرخصني

تركتك [ قيصر ] لـ قلبي ولا قيصر بعد كسرى
رفعتك فوق للعالي , ولا قدّرت أبد مَنّي

أنا مانيب ندمان لـ علاقة زوّدت خبره
أنا تعبان من [ طيب ] الخفوق اللي مدمّرني .!

أبيْ تعرف ترى ما كلّ مرّه تسلم الجرّه
ولا تسلم غدر غيري لو إنك سالم ٍ منّي

وبكرة تب تحس فيني ليا من صارلك عبره
موفّق / حافظك من فيك جمّعني وفرّقني

أبقفي والدروب [ أشواك ] والخنقة من العَبره
رفيقي : [ هَم ] والغربة : صدى شوقٍ يحاصرني

تعال الحين ودّعني , تعال إنفخ على الجمره
كفاية جمرة طعونك , خلاص ولا تودّعني

ليا حنيت لي والشوق صوّر لك من الذكرى
أبكتب شيّ بآخر بيت ركّز فيه وإذكرني .!

إذا ودّك ترجّعني .. تراني بالبحر إبره
أبرجع لك إذا ودّك .. بشرط إنك تحصّلني .!


راقت لـــــــــــــي
 

ريح الحزن

¬°•| عضو مثالي |•°¬
إنضم
1 مارس 2010
المشاركات
1,927
الإعجابات
0
#2

صعب جبر القلوب اللي بيدّ الغدر منكسره
فلا اتحاول تجبّرني وبيدينك مكسّرني

أنا كنت بيدك [ حاجة ] ثمينة , كنت لك دُره
تمنى الغير يملكني , و لا غيرك تملّكني



تسلمين أختي ع النقل الرائع

تقبلي مروري
 

ساعديه طر

¬°•| عضو مثالي |•°¬
إنضم
31 يوليو 2011
المشاركات
1,784
الإعجابات
0
العمر
29
الإقامة
ف راــــــسكـــــم
#3



ما شاء الله ,, الكلمات في قمه الرووعه وجمال
كله كلمه له معني كثيره
يسلموووو علي الطرح الغاوي
نتريا اليديد
تحياتي : ساعديه طر
 
أعلى