مناقشة مهمه جدا ارجو الدخول ؟؟

الحالة
مغلق و غير مفتوح للمزيد من الردود.

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإعجابات
0
الإقامة
BLOoOSH CITY
#1
سلام عليكم ورحمة الله وبركاته

اخواني و اخواتي و ( طلاب جامعة البريمي ) ارئكم تهمني

انا عندي فكره براسي تتمحور واريد اخذ رايكم .. ندخل ف لموضوع

طبعا عرفنا انه العميد ورائيس الجامعه البرفسور جونثار استقال من

لجامعه

او بلمعنى الاصح طلع من لجامعه . وراح يجيبوا لنا برفسور غيره وهذا

الشي اكييد ميه ميه .. احنا عطينا افكارنا للبرفسور السابق !

ليش ما نفكر نتجمع كم شخص ونقابل البرفسور الجديد الي اهوه رئيس

الجامعه .. ونعطيه كل الي بخاطرنا ويكون لاجتمااع بينا احنا ك طلاب

واهوه فقط .. ونوضح له كل الامور ونتناقش عن النقااط التاليه


(1) التقليل من نسبة لايلتس من 5 الي 4 ونعطيه الفكره انه الطالب

يدخل التخصص وقبل نهاية الدبلوم لازم يجيب 5 ويستلم شهادته..

(2) التقليل من المستويات الخمسه الي اربع مستويات ويتمحور على

سنه كامله الفاونديشن !!

(3) التقليل من نسبة الدرجه اليفلات والتي اهي درجة النجاح المقرره من


70 نطالب ان تكون بنسبه معقوله حوالي بين ( 50 او 60 )


(4) الكادر التعليمي نريد معلمين ذو كفائه عاليه ف تعليم .


(5) نريد اكثر تمارين واهتمام للايلتس .



وانا مستعد اول شخص يتناقش معاهم . وانا اعتذر على الاطاله

وارجو السموحه ع تقصير من الجميع...
 

@ جريح القلب @

¬°•| عضو مميز جدا |•°¬
إنضم
2 يناير 2011
المشاركات
781
الإعجابات
0
الإقامة
سمائل الفيحاء
#2
كلام رائعة جداً ,أفكار ممتازة

وأنا أوافقك الرأي .. وخلونا نضغط :ast7y: على العميد الجديد من البداية

أهم شي إننا نكون كلنا كلمة وحده على يد وحده

وإذا في أفكار ثانية تخص الجامعة طرحوها وما يصير خاطركم إلا طيب

تسلم أخي عوض ع المبادرة الطيبة .. وأشكرك من صميم القلب
 

القلب الأبيض

¬°•| مراقب سابق |•°¬
إنضم
15 مارس 2010
المشاركات
3,424
الإعجابات
0
العمر
27
الإقامة
ِِفي وَطــَنْ ظَمْـِنْيِ وظَمْيَتَه .. وْمـــستَحِ
#3
والله فكــرة حلوة منك أخينــآ عوّض .
بس ننتظــر العميد منو رآح يكون .!

ونيلس معآه وننآقش بعض ـآلـأمور ، أم شي نتجتمع قبل
ونفكــر ببعض ـآلـأشيآء ، ونروح له .!!
عسى إنه يقتنع بأقوآلنــآ وينفذ .!

بدل مآ يآلسين ع المنتديآت ونعطي ومآ أدري شو .!!
شآكـر لك عوّض / والله يكتب إلي فيه الخيــر .
\
\إحترآمي
 

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإعجابات
0
الإقامة
BLOoOSH CITY
#4
شكرا استاذي ع لمشاركة الطيبه والكلام الغاوي صراحه انته

صـــــــــــــــح الـــــــــــــــصح يعني لامور ما ف روب

شارك لكم الردود الطيبه واتمنى انه الكل يطرح افكاره

عشان نوصل للهدف الي نرغب فيه

 

هدووووء الليل

¬°•| عضو فعّال |•°¬
إنضم
30 نوفمبر 2010
المشاركات
178
الإعجابات
0
#5
فكره حلوه أخوووووي ......

وإقتراحاتك رائعه بخصوص الجامعه ......

تخدم كل الطلبه .......
أتمنى كل الطلبه توقف معاك .......
 

زنوبه سبورت

¬°•| عضو مبتدى |•°¬
إنضم
27 سبتمبر 2011
المشاركات
11
الإعجابات
0
الإقامة
م ــسقط آلــحب..
#6
افكااارك حلوه عوض بس بعد افهمو سياسه التعليييم
انا برووحي رحت لوزاره التعليم العالي اكثر من مره..واعرف نااس كبار هنااك
الاشيااء المعقووله هي اللي ممكن تصير بس

(1) التقليل من نسبة لايلتس من 5 الي 4
هذي ما تصير لان احنا مرتبطين مع جامعات ثاانيه ولو تعرف كانوا يبغوا ما اقل من 6..بس البروفسور قدر ينزلها ل 5

(2) التقليل من المستويات الخمسه الي اربع مستويات ويتمحور على
هذي انا معااك فيها مالها اي داعي المستوياات لان كلها تكرااار للي قبلها..ولاحظنا هالشي السنه التاسيسيه لنا
سنه كامله الفاونديشن !!

(3) التقليل من نسبة الدرجه اليفلات والتي اهي درجة النجاح المقرره من

هذي انا بعد معااك بس ننزلها للدرجه المعقووله...ما نطلب شي ما يدخل العقل




(4) الكادر التعليمي نريد معلمين ذو كفائه عاليه ف تعليم .
والتخصص عندنا مدرسين من دول الارتباط رح يكون بس السنه التاسيسه هم بس من معهد الELS

(5) نريد اكثر تمارين واهتمام للايلتس .

هذا رح يعتمد على الاتباط بالمعهد..والحل لهالمشكله ممكن انهم يلغوا الارتباط مع ELSويسولنا ارتبااط مع معهد الخليج لان دراستهم ممتااازه صرااحه


ادري الكل بيعارضني في بعض النقااط بس يا شبااب لااازم لما نطلب شي نطلب بالمنطق
 

عسولة الجامعة

¬°•| عضو مميز جدا |•°¬
إنضم
20 أكتوبر 2010
المشاركات
895
الإعجابات
0
الإقامة
في قلوب الطيبين
#7
عوض انا معاك ورح اكون معاكم ان شاء الله يوم اتروحون عند العميد بس الاهم لازم انسق في مابينا عشان مطالبنا توصل بوضوح وما نكون ما متفقين ع الكلام وربي يوفقنا:imuae56:
 
إنضم
11 نوفمبر 2010
المشاركات
1,707
الإعجابات
0
الإقامة
في البحر
#8
ان شاء الله تترتب الامور ف اقرب فرصة :9lam:
 

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإعجابات
0
الإقامة
BLOoOSH CITY
#9
انا تاريخ 8 -10-2011 بكون موجود ف لجامعه وبشوف شنوه المصير

الي بيكون بينا واكييد بنتفاهم وبنتفق ع لكلام قبل لا نتكلم مع لادراه

بشكل عااام .. واتمنى من الجميع التوووفيق والنجاح
 

قرصانة الجامعة

¬°•| عضو مبتدى |•°¬
إنضم
2 يونيو 2011
المشاركات
85
الإعجابات
0
الإقامة
البحر ملجأ مشاعري
#10


فكررررررره حلوه منك اخووووووووي
عوض....

وانا معك ف كل اللي قلته...

لكن لا تنسى بعد اخوي تقترح خطط مستقبليه لعامنااا الدراسي
الجديد...

وبالذات خطط مستقبليه لسنوات
التخصص....

يعني...هل راح يكون فيه ايلس مرره
ثانيه بعد كل سنه...؟؟؟
ونفس النسبه....؟؟؟؟
 

دموع الشوق

¬°•| عضــو شرف |•°¬
إنضم
6 نوفمبر 2010
المشاركات
3,012
الإعجابات
1
#14
السلام عليكم !!
شكراً على طرحك الفكره / و هاي أحسن حل وربي !!

أخ عوض فكرتك جانت تدور في بالي /
عسى يكون العميد ليديد إنسان يقدر يفهم معآنات طلاب و شوه يبوون /

الآيلس من أهم الأشياء الي يعانوا منها طلابنا و لحديث رح يطول على شآآنه !!
*الكادر التدريسي الذي قد عرقل بعض الطلبه ف درآستهم و في عدم قدرتهم علىـ إجتياز الايلس بسبب عدم الكفاءه ف تدريس وبعض نقاط رح نذكرها ف اللإجتماع و بنتناقش فيها /

* لأوقات/ ليش كل طلاب الجامعه بريكهم نفس الوقت كأننا بمدرسه ..كل طالب يأخذ لوقت الي يناسبه مع المستر الي يناسبه في طلآب ظروفهم م تسمح إنهم يوصلون لجامعه قبل ساعه 8/
حتى طلاب لازم يحط لهم اسبوع عسب يأخذون المستر الي يبونهه يدرسهم فب الوقت الي يناسبهم و هاي نظام كل الجامعآت و لكليآت و نحن مجربين و فاهمين هاي شي..
* الأهم كل كلاس لازم فيه 24 على الأكثر و الي م يلحقون على مستر معين هاي مشكلته يأخذ مع مستر غيره/
نريد نظام ثم نظام لقرارآت تدريس بدال لخربطه الي صآرت كل يوم بقرآآر!! :huh-:
مثلاً طلاب الي تخصصهم تمريض درسووا ماث و اجتهدوا و يابوا أعلى درجات و ف نهايه يقولون لهم تخصص م يبي ماث/ :cute:
* الي تي كل يوم قرآر و تغير نريد قرآارات ثابته من بدآية لعام ع شان تكون الامور واضحه مستقره و تحت سييطرت أصحاب القرار مع إحتراميـ شديد لهم /
بالنسبه للفلات كل لفل له شهرين بس عقب إختبار ينقله الفل الي بعده يعني في الفصل الوآحد يقدر يخلص لفلين و الي يبي يخلص خلال سنه يكمل لفل لخامس ف صيفي /
وآآآيد أشياء أن شاء الله رح نطرحها ف الإجتمآآآع
و في نهاآيه هذي أرائنا و متطلباتنا و الي نقدر نقول عنها بعض إقترآحاتنا /و القرار نهائي راجع الإصحاب القرار و شأن و ربي يوفق لجميع أن شاء الله /

إحترآآميـ
 
التعديل الأخير:

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإعجابات
0
الإقامة
BLOoOSH CITY
#15
صاحبة السمو انتي كفوا وصح الصح

كلامك بكتبه ف ورقة وبنتكلم .. لازم نحن نوصل لحل .. في نقااط مب حلوه

لازم ناقش لبرفسور الجديد ونوضح له كل شي ..

باارك الله فيك اختي افكااارك الغااويه اهيه الي ف بالي صح الصح
 
الحالة
مغلق و غير مفتوح للمزيد من الردود.
أعلى