من اروع ما قرات..دشوو وعطوني رايكم

حامله جروحها بروحها

¬°•| عضو فعّال |•°¬
إنضم
23 مايو 2011
المشاركات
168
الإقامة
في ارض الله الواسعه
إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره:e025fb6133:
 

فـيـ الـكـعـبـي ـصـل

¬°•|شاعر الشلّة |•°¬
إنضم
11 يوليو 2010
المشاركات
4,224
الإقامة
البريمي
صح الله لسان الشاعر ..

قصيده بالفعل جميله .

أبيات رائعه وتستحق مثل هذه القصائد النقل ..

أشككرج أختي على إختيارج لنقل هذه القصيده الطيبه .

وربي يعطيج العافيه .

تقبلي مروووري وننتظر الزوود .
 

ريموه البطرانه

¬°•| عضو مميز جدا |•°¬
إنضم
24 يونيو 2011
المشاركات
628
الإقامة
هني والله حذالكم
رووووووووووووووووووووووووووووووعهـ القصيييييييييييدهـ :3ash:

يثلموووووو خيتووو ع الطرح الناااااااااايسوووووووووووووووو :flower2:

نترياااااااااااااااااااااااا الزووووووووووود من هااااااا الزينـــــــــــــ
:bye1:
 

مس سارة

¬°•| عضو مثالي |•°¬
إنضم
24 أغسطس 2011
المشاركات
1,665
فانتك..هذا شعر حامد زيددددد...صح لسانه :35:
 

القلب الأبيض

¬°•| مراقب سابق |•°¬
إنضم
15 مارس 2010
المشاركات
3,423
العمر
32
الإقامة
ِِفي وَطــَنْ ظَمْـِنْيِ وظَمْيَتَه .. وْمـــستَحِ
قصيدة جميلـة جدأً .
بآلفعل هي لـ حـآمدّ زيد .

شكــراً ع ـآلنقل .


إحترآمــي .
 

حامله جروحها بروحها

¬°•| عضو فعّال |•°¬
إنضم
23 مايو 2011
المشاركات
168
الإقامة
في ارض الله الواسعه
انا من اشد المعجبين بقصايد هذا الشاعر الكبير
وان شاء الله راح اوافيكم بالجديد دايما :47:
 

نسمآت روح

¬°•| مبدعة في تواجدها |•°¬
إنضم
10 مارس 2011
المشاركات
2,419
الإقامة
OMAN
تسلمين أختي على النقل لهذه الكلمااات الرااائعه يعطيج العافيه
 

ساعديه طر

¬°•| عضو مثالي |•°¬
إنضم
31 يوليو 2011
المشاركات
1,783
العمر
35
الإقامة
ف راــــــسكـــــم
صَحَّ لِسَانَ مِنْ قَايَلْهَا وَسُلِّمَتْ انامجٍ يَالْغَالَيْهُ عَلَىَ هَيْيَيْكْ قَصِيْدَةٌ رُوَعَهَهُ
كَلِمَاتِهَا عَجَبَتْنِيْ واااااااايدَاتِ , وَتُسَلِّمِيْنِّ مَرَّةً 2 , كُلُّجُ ذَوُوُقْ يَاعَسَلْ
نْتَريّا زَوَّدَ مِنْ يُدَاجِ يَالْغَاليهِهُ كِثثثثْثَريّ مِنْ هّيّيييُكِ طُرُوْحَاتٍ غَاوِيَةٌ
رَبِّيَ يَحْفَظْج
 

awad baloosh

¬°•| بلوش صح الصح |•°¬
إنضم
14 أغسطس 2011
المشاركات
2,297
الإقامة
BLOoOSH CITY
ألله يكون ف عونكم .. خلاهم يرسلوا رصيد اول
 
أعلى