بصراحة ما يخلصني <<<

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
279181835.gif




هلا وغلا بالأعضاء الغاليين على قلبي


حبيت أطرح اليوم موضوع لتجربة مريت فيها وتحصل لكثير منا
والسموحة منكم راح
{ أمكس} الكلام بالمعنى راح أخلط الموضوع العامية بالفصحى ,,

فخاطري أخلط ... شو المشكلة ..؟

المهم كثير منا تمر عليه أو يقول جملة { بصراحة ما يخلصني } لكثير من الشغلات اللي نريد نسويها ولا ننحط فموقف يكون متوجب علينا نخلص شغلة ولا نمر على مواضيع طويييييييييييييلة نقراها ولا نمسك كتاب ... وووو إلخ

عموما هالجملة تكون لنا مثل العقبة اللي نصدرها لنفسنا واللي تمنعنا من عمل الشي < ولو الواحد منا جاهد نفسه شوي على إنه يسوي هالشغلة اللي تثاقل فيها راح يحس بالطاقة اللي داخله تتحرك معاه لإنهاء المهمة المستحيلة اللي ما يخلصه يسويها ,,

على سبيل المثل ( أنا وأعوذ بالله من كلمة أنا , مراااااات من المرات وبصراحة مريت على عدة مواضيع فالمنتدى { هالكلام من فترة طبعا } تكون طويلة وأقول فخاطري خييييييييبة متى بخلص من هالموضوع ما يخلصني أقراه كله ,,,, وأسير على طول للرد وأقول ( موضوع جميل يستحق القراءة تسلم على الطرح الجميل أو تسلم على طرح الموضوع يعطيك العافية أو أي من تلك الردود ,,) لكن بعد فترة أكون فاضي ولا لي بارض يعني وأمرعلى نفس الموضوع وأقراه بتمعن وحسيت إن فيه بعض الشغلات الجميلة اللي أريد أكتب عنها أو فيه بعض السوالف اللي المفروض نبدي راينا فيها فحسيت إني ما عطيت الموضوع حقه فالرد .

ومرة من المرات إتصلت من البيت للدكان وخبرته ييب بعض الشغلات مع إن الدكان قريب البيت ,,,, طبعا معروف ( صديق ) دومه يتأخر ربع ساعة نص ساعة ويوم يوصل الكلمة المعتادة اللي نقولها ( ليش في تأخير؟؟ واحد ساعة عشان يجيب سامان ) ولو أنا حسبتها صح ما قلت هالجملة مني للأخ ( الهندي ) لتأخيره لأني المرة الثانية لما سرت بنفسي أشتري الغرض ما خذيت 5 دقايق ,,

(((( ما يخلصني بصراحة ))))

مجرد إني أكون قريب من مكان معين ما يخلصني أروح أمشي بصراحة بشل السيارة ,,

مجرد إني أكلف بمهمة في عملي ما يخلصني بصراحة يمكن باكر ولا بخلي حد من الربع يسويها ,,



103236588.jpg

فيه بعض منا يوصل لدرجة إنه فخاطرة برتقالة فالثلاجة وما يخلصه يقوم يفتح الثلاجة ويقشر البرتقالة عشان يأكلها ( المهمة صعبة مبين عليها ) وهو الموضوع لو حسبناه ما يأخذ منا 5 دقايق عشان نحصل الفايدة من أكل البرتقال ,, للأسف ..


مجرد إنه عندي شغل أخلصه وهو لو سويناه ما يأخذ منا دقايق أو ساعات فنفس اليوم ويخلص ويينا اليوم الثاني وتروح علينا فرصة إنه هالموضوع راح يتأخر كم يوم أو إسبوع لأنك تأخرت عليه ’’ وتقول فخاطرك ( لو خلصت هالموضوع أمس كان ما إستوى اللي إستوى ) طبعا هو محرم أو مكروه النطق بكلمة ( لو ) في هالشي لأنها تكون الإعتراض على القدر , ونفضل نقول قدر الله وما شاء فعل ..

عن أبي هريرة رضي الله عنه ، أن رسول الله صلى ...الله عليه وسلم قال:
( احرص على ما ينفعك ، واستعن بالله ولا تعجز ، وإن أصابك شيء فلا تقل : لو أني فعلتُ لكان كذا وكذا ، ولكن قل : قدر الله وما شاء فعل ؛ فإن لو تفتح عمل الشيطان ) رواه مسلم


لكن ليش نحط هالجملة معانا دوم فكل مكان ,, ليش نكبح الطاقة الكامنة داخلنا ونعيق أفكار تمر علينا وإبداعات ممكن نكون نحن السباقين فيها بمجرد إنا نزيح هالجملة من طريقنا ,,

سؤال أقوله ( ليش ما تقول فخاطرك , ما يخلصني أصلي اليوم بصلي باكر ولا بجمعها مع الصلاة اللي بعدها ) لييييييييييييش ؟

لأننا نعرف شو عواقب هالشي وما نقدر نتحدى فهالشي ,,

يعني فينا عندنا طاقة تدفعنا لأن نقوم بتلك المهمة المكلفة لنا
ما نقدر نثني نفسنا عنها لأننا ننتظر من وراها شي وهو رضى رب العالمين
ومن بعدها نحصل الأجر الكبير ليش لأن هالشي مفروض علينا ومن بعد ما سويناه نعتبر نفسنا أبدعنا فهالشي اللي يمكن غيرنا يتهاون فيه ,,

ليش ( يخلصنا ) نقوم بسرعة للدوام لو تأخرنا شويه بس ونسابق الريح عشان بس نغتنم الدقايق عشان ما نتأخر عليه .

ليش ما يخلصنا ( وأنا معكم ) نسير بدري المسجد ونتريا الصلاة بدل ما نتأخر عليها ,,,

ليش ( يخلصنا ) نربع ونغتث يوم نتأخر على الفصل الدراسي ونخاف شي يحصل من ورا هالتأخير ,,

ليش ما يخلصنا نمر على مواضيع بعضنا البعض فهالمنتدى الطيب ولو كانت المواضيع طويلة ما نرد عليها ,,,

وليش وليش وليش ,,, وايد أشياء من باب إننا ما نريد نكون في موقف محرج يخصلنا نسويها ,,,

لأن الشغلات اللي ( يخلصنا ) نسويها لها عواقب يمكن تكون بسيطة أو كبيرة أو محرجة .

والشغلات اللي ( ما يخلصنا ) نسويها ممكن التهاون فيها أو تأخيرها أو عدم فعلها من الأصل .

على العموم الكلام يكثر في هالجملة ويطول وأترك لكم إبداع المداخلات الجميلة لكي تتنفسوا بها هنا معي وتفيدوني وتفيدوا باقي الأعضاء والزوار ( في هذا الصرح الرائع ) من مضمون هذه الجملة { بصراحة ما يخلصني أو مالي بارض }




لكن أبي أقول للي وصل لنهاية الموضوع هنيه فكرة لتطوير الذات من الكسل والخمول والإتكالية وتأجيل الإمور البسيطة والتساهل فيها ,,,

535902892.jpg


دعوة الى تشغيل وزرع الهمة وتحفيز الذات الى الجهد وإلى النشاط
دعوة تطوير النفس وتطوير العقل الخارجي ليتفاعل إيجابيا مع العقل الباطن الذي يطلق العنان الى التطوير الذاتي وإلى حرق الدهون المتراكمة في عقولنا جراء تلك العقبات التي دائما ما تجعلنا مهمشين في الحياة ,,
دعوة لنجعل نفسنا صناع للحياة ,,






إحترامي وتقدير لكل من مر على موضوعي
والعذر لكم ولو بدر في موضوعي الخطأ فمني ومن الشيطان
ولو كان جميلا فبتوفيق من الله






همسة
{ لو عيبكم الموضوع يفرحني تقييمكم ويفرحني أكثر إنتقادكم
ولا تقولوا ما يخلصني بعد
}​
 
التعديل الأخير:

بنت الحد

موقوف
إنضم
26 مايو 2011
المشاركات
424
الإقامة
ف قلب الحد
كلامك صحيح اخوي الهاجس ودوم تبدعنا بمواضيعك
وبصراحه انا من الاشخاااص اللي ذكرتهم
لاني حتى الاكل اقول مايخلصني آكل
بس من بعد كلامك والله حفزتني وراح احذف كلمه"ما يخلصني "من بالي

وراح استبدلها بكلمة نعم وحاضر وانا استطيع انجازه لاحقق مبتغااي


مشكوور اخوي ع طرحك الجميل وربي يوفقك لما يحبه ويرضاه في هذه الايام المباركة

وراااح انفذ اللي قلته وبشوف النتيجه

تقبل مروري:بنت الحد
 

ريمّ تواقّ

¬°•| عضو مثالي |•°¬
إنضم
21 يونيو 2010
المشاركات
1,658
الإقامة
فالبريمــــــــــــــــــي
اولا السلام عليكم اخوووووويه الهاجس


وسلاااااااااامي عليك
الصرااحه ابداااع

وموضوعك مبدع وكل كلمه قلتها صحيحه

وانا بتكلم عن نفسي ياتني مره كنت متضايجه وكنت ادخل المنتدى

ع الواضيع ومن اشوف الموضوع كبير

اتعايز اقراه بس ارد واوقل يسلمو ع الموضوع
بس ياتني مره قريت قصه
كان منزلنها ع معتقد خرباااش

وقريتها كلها واستفدت
وحبيت القراءه

واذا انا ما بي اقراء عيل ليش انا ادخل المنتدى

الناس تدخل للإستفاده
وحتى صاحب الموضوع بنفسه اذا لقى انه في حد داخل موضوعه

بس مو رادين رااح ينخجل ويمكن يتردد انه ينزل مواضيع بسبب انه مافي تعاون

وياه

يسلمو ع الكلامات
وتستاهل التقيم مني

تقبل مروري

وبارك الله فيك
^^
 

ريموه البطرانه

¬°•| عضو مميز جدا |•°¬
إنضم
24 يونيو 2011
المشاركات
628
الإقامة
هني والله حذالكم
بصراااحهـ موضوووع جميل

ونقل مميز :2253446f49dd40fbf5e

فعلا في اشياء مذكوره وااايد نسويها فحياتنا اليوميه

بحااول اغيرر :icon_smile_cool:

تقبل مروري
اختك ريموه البطرانه
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
كلامك صحيح اخوي الهاجس ودوم تبدعنا بمواضيعك
وبصراحه انا من الاشخاااص اللي ذكرتهم
لاني حتى الاكل اقول مايخلصني آكل
بس من بعد كلامك والله حفزتني وراح احذف كلمه"ما يخلصني "من بالي

وراح استبدلها بكلمة نعم وحاضر وانا استطيع انجازه لاحقق مبتغااي


مشكوور اخوي ع طرحك الجميل وربي يوفقك لما يحبه ويرضاه في هذه الايام المباركة

وراااح انفذ اللي قلته وبشوف النتيجه

تقبل مروري:بنت الحد


بنت الحد
أشكر مرورك الجميل
والحافز الطيب
اللي بدر منك
ونورتي المشاركة والله
تسلمي
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
اولا السلام عليكم اخوووووويه الهاجس


وسلاااااااااامي عليك
الصرااحه ابداااع

وموضوعك مبدع وكل كلمه قلتها صحيحه

وانا بتكلم عن نفسي ياتني مره كنت متضايجه وكنت ادخل المنتدى

ع الواضيع ومن اشوف الموضوع كبير

اتعايز اقراه بس ارد واوقل يسلمو ع الموضوع
بس ياتني مره قريت قصه
كان منزلنها ع معتقد خرباااش

وقريتها كلها واستفدت
وحبيت القراءه

واذا انا ما بي اقراء عيل ليش انا ادخل المنتدى

الناس تدخل للإستفاده
وحتى صاحب الموضوع بنفسه اذا لقى انه في حد داخل موضوعه

بس مو رادين رااح ينخجل ويمكن يتردد انه ينزل مواضيع بسبب انه مافي تعاون

وياه

يسلمو ع الكلامات
وتستاهل التقيم مني

تقبل مروري

وبارك الله فيك
^^



أشكر لج هالطلة الجميلة
والمداخلة الاجمل
إحترامي
لاهنتي والله
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
بصراااحهـ موضوووع جميل

ونقل مميز :2253446f49dd40fbf5e

فعلا في اشياء مذكوره وااايد نسويها فحياتنا اليوميه

بحااول اغيرر :icon_smile_cool:

تقبل مروري
اختك ريموه البطرانه

تسلمي والله
يالبطرانة :imuae66:
نورتي المشاركة
إختي العزيزة
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
فعلا كلامك صحيح 100%

شكلك وايد يلست تكتب

وعشان عاد انه ظاهر من الخاطر

لزووم نقيمك

الى الاماام داائما

:flower2:



سكتي عاد
كتبت وايد والله تعرفي ليش؟




لأنه يخلصني
عشان خاطركم بس :arg:


ربي يسلمج على المرور الجميل
ولا هنتي ولاهان غاليج على التقييم
 

دموع الشوق

¬°•| عضــو شرف |•°¬
إنضم
6 نوفمبر 2010
المشاركات
3,011
عليكم الســــلام !

بصراحه كلام جميل جداً استمتعت بالقراءه لنهايه !!

و ما يخلصنــــــــــــا هذ الكلمه جزء من حياتنا عفواً حياتي دايم أكرر هالجمله كأني أكسل مخلوق على وجه لأرض مع انه الله سبحانه وتعالى أعطاني الصحه و العافيه الحمدالله ألا اني أقول م يخلصني حتى على أكوب الماي أطرش أحد / لكن من بعد رممستك أخوي فعلا ليش نقتل الطاقه الكامنه فينا بالرغم من أن لدينا طاقه وقدره لآداء م عجزنا عن القيام به و م خلصنا !!



ابدعت أخوي تستحق التقيم بجداره ّ~~
 

في الصميم

¬°•| خارج الخط |•°¬
إنضم
16 أكتوبر 2007
المشاركات
5,788
الإقامة
Al-Buraimi
بسم الله الرحمن الرحيم

موضوع قيم بمحتواه ، أبدعت بحق أستاذي الفاضل ف الكتابه ،،، حقا ، أكثر مواقف حياتنا تبدأ بعبارة "ما يخصني" لكن كنت أسأل متى سيأتي اليوم الذي نقول فيه "يخصنا ونص"!!!

حان الوقت لنستبدل الكلمه ونكون ممن يتحدون النفس ويستغلون الطاقه الكامنه لنقول "نعم يخصنا"!!

بارك الله فيك أستاذي الكريم على الطرح الجميل!!

في حفظ الرحمن ورعايته!!

تستحق التقييم ويخصنا بعد!!
 

الحراصي

¬°•| فخر المنتدى |•°¬
إنضم
2 ديسمبر 2010
المشاركات
2,028
العمر
30
الإقامة
بركاء
هيه والله صدقت
هذا الكسل و ما يسوي
بصراحه موضوع جميييل و لك مني التقييم تستاهله
 

الـكـاسـر

¬°•| مَشْرِفْ سابق |•°¬
إنضم
26 أبريل 2010
المشاركات
2,291
الإقامة
هــنآك عـدآل بـيت جيـرآنـآ
آشـكـرك كـل آلشـكـر آخـي آلـهآجـس آلـموضوع ممتـآز جـدآ.

طبـعـآ هـآلـشي عند كـل شـخص كلمة صـآرت عـآده ( ب،صرآحـه مـآ يخلصني )

حتى لـو آلـموضوع يخصه من آلـكسـل وآلتقـآعص يـجول مـآ يخلصني.

هـذي مـشكله لو كـل شخص مسك هآلكلمه في كل موآقف حيـآتـه صدقوني مـآ حـد فيـنآ بيسوي شي فـي حيـآتـه.

بعدين آلـشخص آللي دوم هآلكلمه فـي لسـآنـه آحـس قـليـل يكون عنده صدآقآت
لآآن شـخص كسول ومـآ يحب يسوي شي يحب آلـشي آلـجـآهـز مـآ يحب يبذل مجهود حـتى في آبدى آلـرآي كسول برآيكم كـيف يكون صدآقـآت؟

صـرآحـه آخـي آلـهآجس آشكـرك لآن مـوضوع عدم آلـرد عـ آلـموآضيع وآيد منتشره

يـعني حـرآم وآلله آحيـآنآ شخص يتعب ويبذل مجهوده لـموضوع معين يتفـآجـآ آللي شـآهدو آلـموضوع 20 وآلـردود 2 آو 4 وكلهن سطحيه يسلمو عـ آلـموضوع
مـع آن آلـموضوع يستـآهـل آلـرد وآلنـقآش بجديه

بصـرآحـه هـآلآشيـآء تصيب آلعضو بـآلحبـآط وتنعكس سلبـآ عـ آلـمنتدى.

بعدين ذيـلآ آلـنـآس آلكسآلا يضرو نفسهم وهو مـآ حـآسين بـشي آصـلآ , آنـآ مستغرب ذيـلآ كيـف بيديرو عـآئـله وهم كسآلآ؟

آلـمهم آخـي آلهـآجـس آبـدعت آبـدعت فـي آلـطرح.

لـك مـني آحـلى وآكـبر تقييم.
 

دلوووعه سويت

¬°•| عضو مبتدى |•°¬
إنضم
23 أغسطس 2011
المشاركات
15
واااااااااااااااو

بصراااحه كلامك مقنع واقنعتني والله لان انا من النوع الاتكاليه شوي

وابا كل شي احصله جااااهز بس بعد هالكلام بحااول انشااء الله اغير نفسي

وكلااامك صح ميتين ميتين


ثااااااااااااانكس ....
 

لمسة شموخي

¬°•| عضو مثالي |•°¬
إنضم
24 فبراير 2011
المشاركات
1,441
الإقامة
بين العمل والنت
كلامك واقعــــــــــــي اخوي الهاجس
التكاسل والاتكاليه ماتجيب شي
والواحد لازم يتعوذ من بليس حتى مايتكاسل او يتقاعس عن شي,,,

....
ابدعــــــــــة بصراحتك يا الهاجس
واصل ونحنا متابعيلك
احتـــــــــــّّّّــــرامي
 

غلاها

¬°•| عضو مميز جدا |•°¬
إنضم
7 أكتوبر 2009
المشاركات
586
الإقامة
فـــ (قلب)ــــي نـــاس
موضوع قمة الروعه

معاك حق فكل كلمه قلتها
نحن نتهاون فاشياء كثيره
وهالاشياء فالواقع ما تاخذ منا وقت
ولا بعد تفيدنا

بس ضروري الواحد يحاول يغير من عمره

لاهنت أخوى
ولا تحرمنا من ابداعاتك
 

حصر الحلا

:: صالون أميرة الأحلام::
إنضم
20 أكتوبر 2010
المشاركات
1,131
العمر
33
الإقامة
هناآأإأك...
آلسلآم عليكم ورحمة آلله وبركآتهـ

أولآ أحب أشكرك وأهنيكـ على إبدآعك اللآمتنآهي في طرح المواضيع المفيدة وآللي تتكلم عن آلوآقع

( ما يخلصني ) :
كلمة مشهورة جدا بل هي آفة انتشرت بشكل كبير بين الناس عامة, نساءآ ورجالآ , صغآرآ وكبآرآ, مثقفين و محدودي العلمـ..

للأسف اننا نقولها و نسمعها في كل شي وفي كل مكان


مع انهـ ضررهآ يقع على رأس قآئلهآ

بسبب هالجملة ناس خسروا أشياء لا يمكن أن ترجع
بسببها شخص تأخر عليه كورس في الجامعة

بسببها انطردوا أشخاص من وظائفهم
وبسسبها ناس خسروا أرواح...


سؤال أقوله ( ليش ما تقول فخاطرك , ما يخلصني أصلي اليوم بصلي باكر ولا بجمعها مع الصلاة اللي بعدها ) لييييييييييييش ؟
بجاوبك على السؤال أخوي:
لأن الصلاة صارت عند البعض عادة وليست عبادة عسب جيهـ ما يأجلهآ..

بس ما يخص الصلاة في كلمة ( ما يخلصني ) ..


كل الأمور اللي نتهاون عنها وما نسويها في وقتها بسبب العذر ( ما يخلصني ) كلها لها عواقب في النهاية..

لا تؤجل عمل اليوم إلى الغد..

أشكرك مرة أخرى

:imuae40::imuae40::imuae40:
 

الهاجس

¬°•| حكاية تميز |•°¬
إنضم
7 نوفمبر 2010
المشاركات
11,079
عليكم الســــلام !

بصراحه كلام جميل جداً استمتعت بالقراءه لنهايه !!

و ما يخلصنــــــــــــا هذ الكلمه جزء من حياتنا عفواً حياتي دايم أكرر هالجمله كأني أكسل مخلوق على وجه لأرض مع انه الله سبحانه وتعالى أعطاني الصحه و العافيه الحمدالله ألا اني أقول م يخلصني حتى على أكوب الماي أطرش أحد / لكن من بعد رممستك أخوي فعلا ليش نقتل الطاقه الكامنه فينا بالرغم من أن لدينا طاقه وقدره لآداء م عجزنا عن القيام به و م خلصنا !!



ابدعت أخوي تستحق التقيم بجداره ّ~~



ﺻــ آﻟــﺳﻣ̝ۆۆ ــآاפﺑة

أشكر لج مرورج العطر
وأشكر المداخلة الجميلة
على مشاركتي
تسلمي والله
 
أعلى