حظي العاثر قوي

بنت الهامور

¬°•| عضو مميز |•°¬
إنضم
3 يونيو 2011
المشاركات
222
الإعجابات
0
الإقامة
مكان مجهول
#1
يا قصيدي حظي العاثر قوي

إن عدلته يوم يرجع لي يميل

الجروح تزود و الهمِّ يعوي

و العنا باقي معي عمرهـ طويل

و الخوي هناك ما كنّه خوي

ما يحس بدمعةٍ قَشره تسيل

أشهد إنّ الحظ ناويني نوي

ما عطاني شي بإحساسه قليل

انشويت بـ بحر هاجوسي شَوِي

و انكويت و هدنيي قلبٍ عليل

إيه ابي لحظة من الفرح أرتوِي

وين أبلقاها و أنا حظي قليل

تنطوي أيام هالدنيا طَوِي

و الوداع المر بـ غيابه ثقيل

آه من هم لِوى عمري لَوِي

يوم جثمانه مع الوادي يسيل

جرَّهـ الوادي و به صوتٍ دوي

حزني أمس و لوعتٍ ما له مثيل

هالزمن قاسي و أنا فيه انكوي

ما أقول إلّا عسى صبرٍ جميل

و الله إنّ الهم راويني رَوِي

بين هم اليأس و أيام الرحيل

ليه مدري كيف فيني مهتوي

الظلام أللي مع الغربة ثقيل
 
أعلى