(( ثــقــب أذن الــفــتــاة ))

سعود الظاهري

:: إداري سابق ومؤسس ::
إنضم
15 أكتوبر 2007
المشاركات
6,861
الإقامة
الجنـ هي الهدف ـة
مرحبآآآ السآآآع..


طبعا هالموضوع يتحدث عن عااده الكل يعرفها!!

بس طريقة الطرح غاوية!!
لعل من أبرز مظاهر الاحتفال بالمولودة الأنثى هو خرم أو ثقب أذنيها تعبيراً

عن فرح الأم واهل البيت بها .. لأنها بنت .. والبنت سابقاً تعني المساعدة

للأم في كل شيء .. وهي يدها اليمنى في البيت .. وفأل الخير .




تقوم الأم بثقب أذني ابنتها لوضع الأقراط و ( الشغابات ) فيهما ..
فهي أجمل ما يميز الطفلة الأنثى عن الذكر .. وخاصة وأن شعر الرأس يكون

محلوقاً في الأسبوع الأول بعد الولادة .. حيث يصعب التفريق بين المولود

الذكر والأنثى لدى من يزرن الام للمباركة .



وسابقاً لم تكن هناك أدوات كهربائية خاصة بثقب الأذن .. كما هو عليه الحال

الآن .. وانما كانت الأم مسؤولة عن القيام بكل العمليات المختلفة التي يمر

بها طفلها في مراحل حياته كلها .



وقد استخدمت في السابق الابرة والخيط ( الهدب ) والخيل والماء لاتمام عملية ثقب الأذن ..


ينقع ( الخيل ) في الماء ليكون خليطاً

متجانساً .. ثم ينقع الخيط في الخليط ليتشربه منعاً للالتهابات التي قد

تصاحب عملية ثقب الأذن .. ثم يمرر الخيط في الأذن أو المكان المراد ثقبه

بالابرة .. ويعقد الخيط بعد الاستغناء عن الابرة .. ويظل الخيط اسبوعاً مع

تحريكه يومياً لمنع انسداد الثقب .. وتبليل يد الأم بالزيت الدافىء .. وبعد مرور
الأسبوع ينزع الخيط ويوضع مكانه مباشرة الحلق أو ( الشغاب )
الفضي أو الذهبي .. واذا شعرت الام بأن الثقب مازال قابلاً للالتحام تضع

( المسمار ) أي القرنفل .. مكان الخيط

لمدة ( 5 ) أيام اضافيه .. وبعدها يكون الثقب

قد تهيأ لوضع الشغاب فيه .



منقول
 

غازي

¬°•| مصّور هآوي |•°¬
إنضم
7 يونيو 2008
المشاركات
2,274
الحمدالله هب بنت ولا راح تنثقب اذاني



والله ونا قاعد اقرا الموضوع احس انه حد يبي يمسك اذني




مشكور يخوي الظاهري على الموضوع


تجبل مروري لووووووول
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
هههههههه .. تسلم اخوي الظاهري عادي ثقبونا وما نتذكر يوم كنا يهال ..


الحمدلله ف زماني ما حطولي خيوط خخخخخخخ ...
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
خيبه قبل عباله يوم يثقبون احسه تعب اكثر عن احينه

اشكك ع المعلومات الظاهري
 

(الكعبي)

¬°•| مُِشْرٍفَ سابق|•°¬
إنضم
24 ديسمبر 2007
المشاركات
2,229
الإقامة
شمال عمان الغاااالية
الحين يتم الثقب عن طريق مسدس
صح يااااااااااااااابنااااااااااااااااااااااات

مشكووور يالظاهري ع الموضوع الغااااااااااوي
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
صح يالكعبي شكلها شرات الدباسه اللي اذكرها

من فتره طويييييييييييله ثقبوني مره ثانيه يعني صارن ثنتين اونه موضه خخخخخخخخخخخ

وصحت صياح بس عاندت ومالبست الحلق عشان تسكر وسويتها والله والحين تميت ع الاوليه

خخخخخخخخخ

يسلموووو اخوي الظاهري ع طرحك الغاوي ويعطيك العافيه
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
احس يعورها يحليلها

اما احين وايد ناس ودروها هالعاده


مشكور اخوي على طرح الموضوع الغاوي
 
أعلى