أعظم (وجـع) بالحب لا صرت تشتاق

العــنــيــده

¬°•| عضو فعّال |•°¬
إنضم
11 يوليو 2008
المشاركات
112
السلام عليكم

قصيده اعجبتني وان شاء الله تعجبكم

أعظم (وجـع) بالحب لا صرت تشتاق

لـ اللي تحب ولا أنت قـادر تشوفه!

يكويـك "جمـرٍ" داخـل القلب حرّاق

زود ٍعلــى نــاره تهـدّك طيوفه!

لا مـرّ بعيـونك كمـا نـوض برّاق

مـالك مجــال إلاّ تســاير ظروفه

ياصاحبـي لـو بينـي وبينـك آفاق

نفسي معـك في كـل حالـة شغوفة

ما كنت "قبلك" خلف الإحساس أنساق

وإن شفت درب الحب أسكت وأطوفه

يلين جـاني منعطـف سيل الأشواق

بأمر الغرام اللـي سطت بي سيوفه

قاومت لكـن! خافـي الحب ماطاق

صابه صمـود ٍ زلـزل أجزاء خوفه

بغيـت أردّه بـس حسيـت بإخفاق!

في لحظـة ٍ"مـد" لـ كفوفك كفوفه

جا لك ولا كنت أحسـب الحب دفاق

لين أغرق الخـافق وسال بـ نزوفه

أثْــر المحبـة نبضهـا دوم سرّاق

دمي وهـو دمـي بجسمـي تحوفه!!

حاولت أداري حـب قلبـي بالأوراق

وأثْر الورق ماهـي أمينـة حروفه

سـلّ المشاعر من متاهات الأعماق

وأصبح يفسـرّ كل وضـع بوصوفه

يكتب تقاريـر الغـلا وقت الإشراق

وعند المسـا يعطيـك باقي كشوفه

يا"جامـع" ٍ حنيّـة الكـون بأخلاق

معـذور قلبـي لـو يضمك بجوفه!

منقول
 
إنضم
26 يونيو 2008
المشاركات
89
العمر
35
الإقامة
العين دار الزين
مـالك مجــال إلاّ تســاير ظروفه

صح الله لسانج يالعنيده...

هالبيت عيبني واايد.....واتريا يديدج.........
 

شايب وسيم

¬°•| عضو مبتدى |•°¬
إنضم
23 يوليو 2008
المشاركات
21
الـعنيدة ..
منقولة تُشكرين عليها ..
غنيّةٌ بـ الجَمال وروعة الـنسج
لا تحرمينا من جميلك دائما

وكنت أتمنى أن تذيلي الـ منقولة بـ صاحبها

بـ انتظار جديدك
 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
كلمات رائعه و أبيات ما فيها حيله ...
تسلمي أختي تقبلي مروري
 

السنيدي

¬°•| عضو فعّال |•°¬
إنضم
5 يوليو 2008
المشاركات
127
العمر
32
الكلمــات واايد معبره وحساسه
تسلم ايدج عالنقل
 

دانة غزر

صاحبة الروح الطيّبة
إنضم
15 أبريل 2008
المشاركات
20,153
الإقامة
البـــــــــــريمي
كل شي في الوجود له ثمن



فالحب ليس استثناء حتى الحب له ثمن



ولكن الفرق الوحيد ان ثمن الحب..... الحب




مشكوره اختى على هالمشاركه الله يعطيج العافيه
 
أعلى