ويا عنا الضيف لاصار هباش

[فتاة الأمس]

السلام عليكم ورحمة الله وبركاته



اولا : مباركن عليكم الشهر الله يعيده علينا وعليكم سنين وسنين...

اتمنى تنال القصيده اعجـــــــابكم


ياشعر جيتك والمعاليــــق يباس
مثل القعود المفردات المخاريش

حرك قلب شاعرك ياحبر هجاس
الفكر علق والمصادر مطـــاريش


يا وعنا الضيــــــــف لا صار هباش
وعازمه مكثـــــــر عليه التهاريش


كنه يمن بمكرمه وضيق الأنفاس
تنتاب ضيفه والخوافي مشاريش


يبعد يثير الشـــر فتنــــــــه وبلاس
ولا ترى الله يـــــــروي المعاطيش


يحشم بياض اللون في قمة الرأس
يحشـــم عيوز(ن) عبرتها الذواريش

الرمح هذا غير عــــــن رمح جساس
اللي غدر بكليب تــــرب المفاريش


مايفهمو الفـــــــــــرخ لوكان جرناس
راكان بن حثلين يغرهــــــــــم ريش

فتــــــاة الأمس

 

[فـيـ الـكـعـبـي ـصـل]

صح الله لسانج أختي ..

وربي يعود علينا الشهر أعواما عديده بأتم الصحه و العافيه ..


ربي يعطيج العافيه على هذه القصيده الجمييييله .


تقبلي مروووري.. وننتظر الزوووود

 

[بنت المقابيل]

ينعاد علينا وعليج بالخير

صح الله لسانج فتاة الأمس

تسلمين

 

[دموع الشوق]

صح لسانج ياطيبه

و الله يبارك لج في هذا الشهر الفضيل وينعاد علينا و عليكم

ابدعت ربي يحفظج

ننتظر المزيد من الابداع >>>:3ash:​

 

[حياتي دمعه وإبتسامه]

ينعاد علينا وعليكم


صح لسانج


وننتظر جديدك

 

[Queen Love]

صح الله منطووقج خيتوو


تسلم يمناج ع الكلمات الطيبه

ونترقب الزوود منج

 

[بو جسيمـ]

صح الله لسانج طويلة العمر ..

لا هنتي على الطرح العجيب والراقي ..

قوافي عجيبهـ .. آخر شطر ما عرفت اقراه موزون

اذا كان فـ كلمة يغرهمـ شد أو حركه اتمنى توضحيهـآ

تستاهلين التقييمـ ,, ربي حافظج​

 

[miss 6air]

مــآ شآء الله عليج

مبدعه آختي ،،،

قآفيه رآئعه ^^​

 

[شناصيه عسوله]

صح لسانج الغلا

وما عليج زود

تقبلي مروري

 

[نسايم ريف]

مرحبتين بالشاعره وصح لسانج الغاليه
قصيده جميله جدا فالفكره والمضمون
بس لو ركزتي شوي فالوزن فديتج

شكلج كاتبتنها على عجل لأن هذا هب طبعج

وهالبيت آخر كلمه فيه يبيلها تغيير ^^


يا وعنا الضيــــــــف لا صار هباش


لأن قافيتج على آس

 

[ريمّ تواقّ]

صح لسانج وربي يبارك لج

 

[فتاة الأمس]

ربي يحفظكم ع الردود الطيبه اتشرف بتواجدكم...

بوجسيم:كنك تقراها (ايغرهم)
نسايم ريف : أنا والوزن للحين مب عرب اصلاح