... محشي الملفوف رووعه بالصور ...

الحالة
مغلق و غير مفتوح للمزيد من الردود.

أم عبدالرّحمن

الفرَيق الإدِاري
طاقم الإدارة
إنضم
13 يوليو 2008
المشاركات
30,992
الإعجابات
230
الإقامة
وَ كَيْفِ لِرَاحِلْ أنْ يُقِيمْ ؟!
#1
: السلام عليكم ورحمة الله وبركاته



شحالكم عيال جيرانا :?: علومكم ان شااء الله زينة



احم ،، والله حايسة في مطبخي من كم يوم هع



والمهم وانا ادور كيف يسوون محشي ملفوف لقيث هالطريقة وبالصور بعد



اسم العضوة رواضي



وتسلم على هالطريقة



والحين اخليكم تتابعون



::patch_galc: <<< انا برقد لين تخلصون



~~~~~~~~~~~~~~~~~~~~~~



المقـــــــادير ..





ملفوف واللي يجيلج الحبة الكبيره للمحشي






فلفل من الطواال





بصل من 8الي 10 حبااات وهذا سري طعمه الذيذ





حزمة شبت وحزمة بقدونس مقطع





حزمة كزبره






عيش مصري مغسل جيدا ولاتنقعينه بالمااء بس اغسليه وصفيه عن المااء

اناا استخدم اسنوواايت واايد يعجبني






عصير طمااطم افرش تظربينه بالخلاط وزودي الطمااطم اناا تقريبااا 9 حباات






معجون طماااطم الحجم الكبير اناا استخدمة ماركة الربيع





سمن اااي نوع اناا عندي كيوبي بي





معلقتين بهارات مشكله

4 مكعباات مااجي سوري نسية اصورهن






6 فصوص ثوم مهروسه

واااخيــــــــــــــــــــــــــــــــر
..






المرقه ومكونااتهااا

2 مكعب مااجي و3 ملعقه صلصة الطمااطم وملح

ومااء بس يغطي الملفوف وملح والمااء يتوقف على تقديرج لتغطية الملفوف

تسخنين المااء وتضيفين له المكعباات المااجى وصلصه الطمااطم وطفين الناار

اول ماايبدى بالغليااان وخليه على جنب


الطــــــــريقه..




نحظر الملفوف للسلق ونسوي داائره حولين مركز الورق وكل ماتنزلين منها ورقه

سوي بسكينه بعد على مكاان الورق






نحط الملفوف في المااء المغلي وننطر لين ماايغلي المااء ونشيل الورقه اللي

تنفتح من رااس الملفوفه







بهالشكل شوفي شكل الورقه مب منهرسه ولا ناشفه اول متنزل من رااس الملفوفه

وتشوفين لونهاا غدا شفااف شيليهااا وحطيهاا على جنب وبعد ماتخلصين سلق

الملفوف نجهز الورق ونقطعه على طول الورقه والعظمه اللي بنص الورقه

نشيلهاا ونحطهاا في قااع الجدر اللي بنسوي الملفوف فيه

نسخن القدر ثم نضيف السمن ونضيف اليه ااشوية زيت وخليه لين يسخن







نضيف البصل





نخليه حتى يصبح شفااف






نضيف عصير الطمااطم





ونخليه يطبخ اشوي

نضيف الثوم







نخليه يطبخ حتى يتسبك الطمااطم





نضيف طمااطم الصلصه






ونضيف مكعباات المااجي ونخلطهاا مع بعض





نضيف البهاراات المشكله ولوحابه فلفل اسود وكمون الى الصلصه ونخليهااا تطبخ





ثوقي الملح واضيفيه لو محتااجه الصلصه

نضيف العيش المغسووول الي الصلصه






ونحركه مع الصلصه






نضيف الشبت والكزبره والبقدونس






ونخلطه مع الصلصه وبعدهاا نطفي الناار





نصف عضم الملفوف المسلوق ونحطه في قااع الجدر ونصف فوقه الفلفل





ممكن تسكرين رااس الفلفل بورق الملفوف المسلوق او ممكن تخلينه جي مثلي

وبعد مااتخلصين من الفلفل






تلفين ورق الملفوف شوفي طريقتي كيف








من غير مااتسكرين الاطرااف بس لفي الورقه وبعين نصفه على الفلفل





نصب المرقه اللي جهزنهاا فوق الملفوف بس متغطين الورق الملفوف شوف

قبل مااتغطي الصلصه الورق بشوي






خليها تغلي





ويوم تنشف المرقه اشوي خففي الناار وخليهااا لين يستوى الورق






وهذا شكل الورق وهو مستوى






وهذا الشكل النهاااائي ولا ورقه مفتوحه






ويزاها الله خير



عاد انتوا جربوا الطريقة



شهتني هع



::patch_lf:​
 

جروحــ دفينه ــي

¬°•| مٌشرِفة سابقة |•°¬
إنضم
10 أبريل 2008
المشاركات
2,386
الإعجابات
0
الإقامة
..فــي جروحي ..
#10
واااااااااااااو :patch_balon:

يبتيها فوجتها

انا كنت ادور طريقه المحشي وكل اللى ألجاهن مب واضح الشرح

الطريقه واضحه لو انها يبالها عبوله :)

بس ابى اجري ما سويتها من قبل اخاف تفشل خخخ عاد بيضحكو علي :patch_rir:


يعطيج العافيه حبوبه


ولا تحرمينا من يديدج


:patch_lov: :patch_lov:
 

غصون البريمي

¬°•| عضو مميز |•°¬
إنضم
20 مايو 2008
المشاركات
482
الإعجابات
0
الإقامة
البريمي
#11
تسلمين فديتج بس ياريت تكملين معروفج و سوينه و الطرشيه على الاميل ههههههههههههههههه
والله حلووووه
 

إماراتيه عسل

¬°•| عضو فعّال |•°¬
إنضم
8 نوفمبر 2008
المشاركات
171
الإعجابات
0
الإقامة
ثـرى زايـد( بين طيـوفه)
#14
وربي يعت!!

عاد انا اموووت في المحاشي .. ويبتيها ع العوق!

تسلمين غناتي .. وان شاء الله بجربها لوو بيكون عندي فررصه!

وانتي لو جربتيها لا تنسينااا ^.^
 

كيـِـآטּ

¬°•| مشرفة سابقة|•°¬
إنضم
7 مارس 2008
المشاركات
2,284
الإعجابات
0
الإقامة
ليس في مخيلت أحد
#15


اللهم اني صائم... ما ادري وشو مدخلني المطبخ؟!


ما شاء الله الطبخ موهبة... مب كل شخص يمتلكها


ربي يعطيكٍ العافية غاليتي على المحشي...
 

جروحــ دفينه ــي

¬°•| مٌشرِفة سابقة |•°¬
إنضم
10 أبريل 2008
المشاركات
2,386
الإعجابات
0
الإقامة
..فــي جروحي ..
#16
أحم ,, احم

طبعا رحت وسويت وهاي النتيجه ,, بس صورت الشكل النهائي





عاد لا اضحكووون خخخ
 
الحالة
مغلق و غير مفتوح للمزيد من الردود.
أعلى