مهداة لاخوي ضاوي (بو حمدان )

طلال الشامسي

¬°•| مُشْرِفْ سابق |•°¬
إنضم
5 مارس 2010
المشاركات
248
الإقامة
سهيل اليماني
السلام عليكم

هذي القصيدة كتبتها لاخوي وصديقي الشاعر ضــــــــــاوي

لو ان ابياتها ما توفي ولا توصل الى مكانه

ولو اني ما اصل بمنطوقي للشاعر ... ولكن اتمنى ان تنال على اعجابه خاصة وعامة للجميع








عن حضور القصيد و بيت لا ضايع ولا مبيوق

لعدك يا الشعر شيخن معشي اهلـــــــه ونوقه

ولدغشبك على من يبخص المسحوب م المطلوق

ابو من يكرم اليمنى وشعره مرتفع سوقــــــه

هلا من وين ما طــــاب النسيم وفيح الزملوق

وصيح مرتع البدوان من راعده وبروقـــــــه

هلا وادريها ما تكفي عن الملزوم والمرموق

لكن الدرب قدامي وانا المجنون بطروقـــــه

لدعدعها واحملهـــا ثمر من سيرته وعذوق

واكتب فوقها توصل لبوحمدان مسيوقــــــه

واما بعد يا النشمي على طاري السقم والعوق

فأنا أكثر من بلاه الله بعوق ويا كبر عوقــه

اموت واندفن ويطيح من فوقي الوله والتوق

على اللي غاب واهداني عظيم الجرح وفتوقه

رحل وافتج مكنون الضمير واستباح الموق

يغني مثل من دربه بلا موية ولا روقــــــــه

رحل وادركت وش قيمة حياتي وداخلي محروق

على المقتل رمى واجتث معلوقي من عروقه

بعد ما كنت من وده انا السابق وانا المسبوق

تخيل عاد آخرها سما العاشق ومعشوقــــــه

نظى فيني الصبر واصبحت لا لاحق ولا ملحوق

يا كبرك الفراق تخم طعم الضحك وفروقــــه

احبه لين مــــا تكبي مشاعيق الامل والشوق

واحبه لين م عظامي يضمها القبر وشقوقــــه

(من عيونه) علــــى كثر الملاقه مالها مملوق

يا ربي جعله الجنه ولو قاتلني عقوقـــــــــه

رحل واظلمة الدنيا وبابي من الهوى مغلوق

هضم وش تعني حقوقي وهضم وش تعني حقوقه



طلال الشامسي
 
التعديل الأخير:

عيون البريمي

¬°•| عضو مميز |•°¬
إنضم
23 يونيو 2010
المشاركات
372
الإقامة
داري البريمي
احللىى ششيي انا ااوول ووحده ببرد
يستتااهل شاعرناا ضاوي
وررببيي ااببداااااااع طرررر
 

همس المحبه

¬°•| عضو فعّال |•°¬
إنضم
2 يوليو 2011
المشاركات
195
يشرفني اني ارد ثاني وحده ع الموضوع الطرررر

يستاهل شاعرنا واخونا ابوحمدان كل القصيد

ابداااع يا شاعرنا طلال الشامسي
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
صح لسانك يالشاعر وربي يعطيك العافيه على القصيده الرائعه

يستاهل الزوود بوحمدان وربي يجبر جروحك

وننتظر الجديد
تقبل مروري
 

محمد الخروصي

¬°•| شـــاعر |•°¬
إنضم
10 يناير 2010
المشاركات
123
نظى فيني الصبر واصبحت لا لاحق ولا ملحوق

يا كبرك الفراق تخم طعم الضحك وفروقــــه

احبه لين مــــا تكبي مشاعيق الامل والشوق

واحبه لين م عظامي يضمها القبر وشقوقــــه


صاروخ أرض جو ...


ننتظر بو حمدان ولي عودة بإذن الرب ..

نشكر الأستاذ طلال وأقوله ما عليك زود يا دكتور ...

وأعلم بأن عارف الطب يعلم كيف يداوي جرحه ...

وهذا ما جديد يا شاعر وضاوي أشهد أنه كفو ...
 
التعديل الأخير:

ضاوي

¬°•| عضو فعّال |•°¬
إنضم
18 يوليو 2011
المشاركات
125
طلال ناوي توهقني ولاّ شو المريض ما يعالج مريض يالغالي
لكن ييك راي شرحت مرضك وبشرح لك مرضي وعلى قولة
علي السبعان ؛

وحده بوحده والخواطر صوافي = ليه الزعل مادام وحدة بوحدة






مراحب يالسنافي والمعنّى صيحته مالعوق
على شقف السنين الممحلة خطواته تسوقه

وانا هيجنت حرفك ياطلال وطاب لي الطاروق
واعسف مهرتي عسف الحكيم وفارسه فوقه

احمس البن وآسوقه فبطن الثايرة مدقوق
وأزلّه في الدلال الطيّبه والطيّب يذوقه

سلامي لك سلام يكسر المجموع والمفروق
ويتعدى حدود التغطية ويسابق بروقه

يقولون السعد ولّى وانا اقول السعد ملحوق
وبيبان الامل ماشفتها في يوم مغلوقه

الد بعيني اليمنى على يمنى تحب البوق
خذت مني السعادة والفرح والكبد محروقه

جنوبية توزّع سمّها من قدّها الممشوق
وتكسر خاطرٍ هام بدلعها وانبرى شوقه

وانا اللي مثل ماقالوا لك الله موت يامخنوق
تحمّل جرحك وعوقه وكلن خابرن عوقه

وجودي من وزاهم وجد حرِ في لزم لسبوق
وعينه في السما ودّه يمزّع مربط سبوقه

الا يادمعة من حر ذارفها تمش الموق
دفعها القلب من ناره وسال المدمع وموقه

مآسي يارفيقي صمتها ما عرقل المنطوق
يترجمها ولد مجنون مايتذكر حقوقه





 
التعديل الأخير:

محمد الخروصي

¬°•| شـــاعر |•°¬
إنضم
10 يناير 2010
المشاركات
123

وانا اللي مثل ماقالوا لك الله موت يامخنوق
تحمّل جرحك وعوقه وكلن خابرن عوقه

وجودي من وزاهم وجد حرِ في لزم لسبوق
وعينه في السما ودّه يمزّع مربط سبوقه




يا ربي يا رحمن يا عزيز يا منان ارحم قلوبا تسمع وعيوننا تقرأ هذا القصيد ...

لا هنت يا طلال ولا هنت يا ضاوي ما عليكم زود وفالكم الغنيمة ....


ربما تكون لي عودة جزالكما الله خيرا ووفقكم وأبرا جراحكما ...
 
التعديل الأخير:

miss 6air

¬°•|مُشِرفَة سَابقة |•°¬
إنضم
24 أغسطس 2008
المشاركات
1,586
العمر
30
الإقامة
البريمـي دآر الصريـمي
واما بعد يا النشمي على طاري السقم والعوق

فأنا أكثر من بلاه الله بعوق ويا كبر عوقــه


مــآ شآء الله على القصيد الرآئع
صح لسآنك أخوي

وربي يعآفي كل مسلم ،،،

وأخونا بو حمدآن ما قصر !!
مـآ شآء الله ع المبدعين​
 

بو جسيمـ

¬°•| شاعر |•°¬
إنضم
2 نوفمبر 2009
المشاركات
1,405
العمر
33
الإقامة
•• ЇΒЯî ••
سنافـــا وعوقنــآ واحد من اللاهوب والمحروق
تبشّرنــــــــــــآ بنظرات وقطفنـآ داني عذوقهـ

مــــحبهـ من فواد اللي على خده تغيب بروق
وغــــاير هالسماء بصافي وجنتينهـ ومدقوقهـ

ألا يـــا ويل قلب ن ف الهوى كله سبب زملوق
يميــل وردفهـ يحكـّـمـ ريـــاح الكوس ويسوقهـ

تعـــــال ولاعب العشره وسليهـآ مع المعلوق
وشحـّـمـ كبدي بشوقك وريـّـح نفس مخنوقهـ



ابداع من الصوبين والسموحهـ ع ابياتي ..

تستاهلون التقييمـ ..

استاذي بو محمد والخوي ضاوي انتوا ع الراس

نترياكمـ دومـ يالوافين .. ربي حافظكم
 

ضاوي

¬°•| عضو فعّال |•°¬
إنضم
18 يوليو 2011
المشاركات
125
تسلم يابوجسيم ولالاعليك زود

تحياتي
 

خاطر

¬°•| عضو مبتدى |•°¬
إنضم
27 يوليو 2011
المشاركات
38
الإقامة
ارض الله
طلال الشامسي قصيدة جزلة ولاهنت

ضاوي أشهد انك قهويتنا ياخوشمّه

تحياتي للجميع
 

ســــحـــايـــب شــــوق

¬°•| قيادية متميزة |•°¬
إنضم
11 يونيو 2011
المشاركات
1,783
الإقامة
في قلب من يحبني
ابدااااااااااااااااااااع وربي ابدااااااااااااااااااااااع


تسلم يا طلاااال وصح الله لسانك يستاهل بوحمدان




وصح الله لسان بوحمدان على الرد ع القصيده



تميز وربي تميز


لا تحرمونا من كتاباتكم الرائعه


مع خالص احترامي
 

ساعديه طر

¬°•| عضو مثالي |•°¬
إنضم
31 يوليو 2011
المشاركات
1,783
العمر
35
الإقامة
ف راــــــسكـــــم
الا يادمعة من حر ذارفها تمش الموق
دفعها القلب من ناره وسال المدمع وموقه


صح لسانك واقووووول،،،،

ياطلال قولك كفــو والله ماتهوووون
شعرك صراحه يبهرالقلب والعين

تحياتي لك وماقصرت والله يعطيك العافيه
دمت بود،،،،،،،،،،،ويستااهل الشاعر

ضاوي
 
أعلى