يواسيني أنا

الأنين

¬°•| عضو مميز جدا |•°¬
إنضم
24 مارس 2011
المشاركات
889
العمر
32
الإقامة
ف عالم بروحي
السلام عليكم و رحمه الله و بركاته,,,


قرأت هذي القصيدة و أثرت في نفسي


فحبيت انزلها,,,,,


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكن مالقيت اللي يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرحه من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني
 

صـادق الـود

¬°•| عضو مثالي |•°¬
إنضم
11 يوليو 2011
المشاركات
1,145
الإقامة
سيييييييده والدوار يمين


كلمات ولا أروع

تسلمين على النقل الرااااااائع
 

الأنين

¬°•| عضو مميز جدا |•°¬
إنضم
24 مارس 2011
المشاركات
889
العمر
32
الإقامة
ف عالم بروحي
مشكورين ع المرور

و التعليق

صح كلمات و لا أروع

صح الله لسان قايلها
 
أعلى