قطري وكلي فخر
موقوف
قالت وهـي عينهـا تمـلا فضـى عينـي
وشفيك وأحترت مدري كيف أجاوبهـا
ضاعت حروف الكلام وقامت سنيني
تعرض على شاشة الذكرى مصايبهـا
اقـول ولا أدفـن اسبـاب الشقـى فيـنـي
مـــاودي اجـــرح مـشـاعـرهـا واعـذبـهــا
يـارهـبــت الـلــيــل غـطـيـهــا وغـطـيـنــي
وأخفي عذاب السنين بعين صاحبهـا
حـــــرام الأيـــــام تـشـقـيـهـا وتـشـقـيـنــي
وأحـلامــنــا طـــــاري الـفــرقــا يـخـربــهــا
تسـأل وانـا عاجـز التعبيـر مـن حينـي
تـاهـت معـانـي حـروفـي فـــي مواكـبـهـا
قلـت اسمعـي قالـت اسـكـت لاتعنيـنـي
قــالـــت عـيــونــك وبــالـــك لا تـكـذبـهــا
أنــــــا رقــيــقـــة مــشــاعـــر لاتـبـكـيــنــي
عش بي خيـال القصيـده قبـل تكتبهـا
قلت أجرحينـي علـى كيفـش وداوينـي
جــرحــش لـنـفـســي ولافــرقـــا تـعـذبـهــا
كلمات ::الدكتور و الشاعر // مبارك شافي الهاجري