امي وانا بوصف زود حبي لها

همس المحبه

¬°•| عضو فعّال |•°¬
إنضم
2 يوليو 2011
المشاركات
195
الســـــلام عليكم ورحمه الله وبركاته

بصراحه قصيده اعجتني كلماتها عن الام لشاعر الكبير حامد زيد

وحبيت اني انقلها لكم


قصيدتي زاد بعيوني جمالها
واخذت أنقي بالمعاني جزالها
واكتب معانيها من الشوق والغلا
لأمي وأنا اصغر شاعر ٍمن عيالها

كتبتها في غربتي يوم رحلتي
لما طرالي بالسفر ماطرالها
امي وانا بوصف لها زود حبها
وان ماحكيت لها قصيدي حكالها
امي لها بالقلب والجوف منزله
مكانة ماكل محبوب نالها
اقرب من ظلالي وانا وسط غربتي
وانا تراي اقرب لها من ظلالها
ماشافت اعيوني من الناس غيرها
ولا خلق رب الخلايق مثالها
اغلا بشر في جملة الناس كلهم
واكرم من ايدين المزون وهمالها
اتبع رضاها ورتجي زود قربها
واللي طلبته من حياتي وصالها
الصدق مرساها والاشواق بحرها
والعطف واحساس الغلا راس مالها
اهيم فيها وابتسم يوم قلبها
يسأل وانا قلبي يجاوب سؤالها
وان اطلبتني شي فزيت مندفع
اموت أنا واحمل تعبها بدالها
واصبر على الدنيا والاحزان والتعب
واحمل على متني فطاحل جبالها
واسهر اعذب راحة القلب بالشقا
واعيش اعاني بس يرتاح بالها
تربية ابوي اللي على الطيب بذكرة
اللي وهبني الحياه ومجالها
نور لي ادروبي وانا طفل مبتدي
حتى تركني واحد من رجالها
الوالدين اولى بالاحسان لجلهم
وأولى بتكريم النفوس وعدلها
اقولها وانا على الله متكل
والله عليم بقدرتي واحتمالها
ياكلمة اغلى من الناس كلهم
ياشمس بقلبي بعيد زوالها
يافرحة تملي لي الكون باكمله
ياشجرة تكبر ويكبر ظلالها
تضحك لي الدنيا ليا شفت زولها
مثل السما تزها بطلة هلالها
والبعد عنها ياهل العرف ماقدره
لاشك ناري زايدة بشتعالها
ماعيش ببلاد ولاهيب بأرضاها
ولابي عيوني كان ماهي قبالها
أرض ٍ تدوس امي بالاقدام رملها
اموت فيها واندفن في رمالها
 

عذب القوافي

¬°•| مجموعة تفاعل لأجل البريمي|•°¬
إنضم
22 مايو 2008
المشاركات
802
الإقامة
ف أرض الله الواسعهـ
تنقل للقسم المناسب
 

فـيـ الـكـعـبـي ـصـل

¬°•|شاعر الشلّة |•°¬
إنضم
11 يوليو 2010
المشاركات
4,224
الإقامة
البريمي
تسلمين أختي ع النقل الجمييل..

وبالفعل قصيده جميله من شاعر كبير.
----------------------

بس هذه القصيده مكانها في قسم القصائد المنقووله ..

أتمنى من المشرف نقل القصيده للمكان المناسب..


شكرا
 
أعلى