اهداااااااااااااااااء خااااااااااااااااااااص يدل طريقه

[بنت...الكعبي]

قصيدة كيف تجرحني وتخون


للشاعر خااالد بن علي


ما قلت لك أكبر أحاسيسي تخون
لهفة عشق تسكن عيوني واقفة
مهما تحاول ما تلاحظ في العيون
غير الغموض اللي بصمتي آلفه
وأسأل نهاري عن غيابك بأيّ لون
تلقى حضوري في ظلامك واصفة
همّ ومواجع واختناقات وظنون
تنهك دياري وف...حدودي عاصفة
مجمل حديثك عن رجاوي يسألون
واصدق نداءاتك ملامح زايفة
فيها الأماني وجه ناسي من يكون
جالس يدور عن مصيرٍ شايفة
ناظر حبيبك كيف غارق بالشجون
يمكن تصادف من جموعي الآسفة
تدري أحبّك حب لكن هالسنون
أكبر شويّه من دموعٍ نازفة
أكبر همومك كيف تجرحني وتخون
وأكبر همومي كيف أرضي الطايفة
ظلمك وجورك...والمآسي والطعون
حضرة غرورك في ملل متحالفة
لا تعتقد بكره يسابق للجنون
موسم ربيع الجرح منتا عارفه
هذي بقايا صورتك بين الكفون
إدفن طموحك في ظلامٍ هاتفة
لملم حصادك واكتفي باللي يجون
وانثر وجوهك وأختصر هالسالفة
ماقلت لك ماتت أمانينا بدون
إنك تلاقي من شعوري عاطفة

 

[بنت...الكعبي]

وااااااااااااااااااااااااااااااااااااااابوي ماااشي ردود!!!!!!!!!!!!!!!!!!!!!!!!!!!!!! :boni3:

 

[ANGELOO]

قصيده فعلا جميله
الله يعطيج العافيه
وتسلم يمينج على النقل الموفق

بانتظار ما هو يديد من صوبج
والله يبعد عن اليميع الخيانات والاحزان

 

[بنت...الكعبي]

انجيلوووووووووووو طبعااا مافي ه اكتب اسمك بالانجلش جيه احلى بالعربي بعد التحريف

اشكر لك مرورك الراقي

ومشكووووووووووووووووووووووووور يالشيخ

 

[مجهول المصير]

قصييييدة رووعة

صرااحة أول ما قريت عنوان الموضوع تمنين انها تكوون لي بس بعد ما شفت القصيدة قلت الحمد لله اني انا هب المقصوود ههههه ^^

الله يبعد عنا الخياانة جميع

تقبلين مروري​

 

[فـيـ الـكـعـبـي ـصـل]

أشكرج بنت العم على إختيارج لنقل هذه القصيده اجميييله ..

فعلا كلمات وأبيات رائعه .. وصح الله لسان الشاعر..


ربي يعطيج العافيه بنت الكعبي.. وننتظر الزووود

 

[Queen Love]

تسلم يمناج الغلا ع القصيده الحلوة

كلج ذووق

 

[ريح الحزن]

أكبر همومك كيف تجرحني وتخون
وأكبر همومي كيف أرضي الطايفة
ظلمك وجورك...والمآسي والطعون

حضرة غرورك في ملل متحالفة
لا تعتقد بكره يسابق للجنون
موسم ربيع الجرح منتا عارفه


كلمات رائعة أختي الغالية
تسلمين ع النقل الطيب​

 

[ˇعنودْھَہ ♡]

قصيدة جميلة


يسلمووو وصح لسان الشاعر

 

[بنت...الكعبي]

مجهوووووووووووووول عادي اعتبرها لك ولاتحاتي خخخخخخخخخخخ

اشكر مرووووووووووووركم الراقي

 

[عزيزة النفس]

بسم الله الرحمن الرحيم ..

تسلمين على الطرح الراقي لا هنتي ..

تحياتي لكـ

 

[ذيب محضة]

ناظر حبيبك كيف غارق بالشجون
يمكن تصادف من جموعي الآسفة