التقينا عند " أحبــك"...وافترقنا عند "بـاي"

قهرتهم عيوني

¬°•| عضو فعّال |•°¬
إنضم
23 مارس 2011
المشاركات
130
الإعجابات
0
الإقامة
في البريمي
#1
لعنبو قصة غرام كل أبوها كلمتين
التقينا عند أحبك وافترقنا عند باي
تونا ما بعد مشينا في الهوى لو خطوتين
وانتهى الموضوع كله حتى ما أعرف وش خطاي
انتهى الموضوع كذا بكل سهولة تحكمين
وين أحبك...وين أبيك ساكن في حشاي
يمكن إنك ما وفيتي يوم جيتي تعشقين
ويمكن إنك تحسبيني بتبعك من دون راي
ويمكن أصلا ما عشقتي بس كنتي تلعبين
ويمكن إنك ما وصلتي في هواك لمستواي
ويمكن إني ما عرفتك فالحقيقة وش تبين
ويمكن إني خنت نفسي يوم أعطيتك وفاي
علميني في الهوى يا جاهلة وش تعرفين
تعرفين إنك غديتي شي يجري في دماي
علميني فالعطاء والتضحية وش تفهمين
لعنبو حبك عشانك عفت أقرب أقرباي
كنت أحطك في عيوني تسرحين وتمرحين
كنت أشيل هموم قلبك وارمي همومي وراي
كنت اطير من السعادة يوم أشوفك تضحكين
كنت ذايب في هواك مثل سكر وسط ماي
كنت نايم فالعسل وارسم من الفرحة سنين
كنت أظنك قلب عاشق ما سكن وسطه سواي
ما وعيت إلا وانتي في خفوقي تطعنين
ما وعيت إلا وسيفك بالحشا رايح وجاي
والله إيه والله وردة بس عرفتي تجرحين
كل شي فيني جريح إلا فخامة كبرياي
ما تأثرت بغيابك وش يعني دمعتين
بكرة أنسى صدقيني وارجع بكامل قواي
ادري ان احنا افترقنا بس ابفهم حاجتين
علميني وش كسبتي وعلميني وش خطاي
أصلا الموضوع كله ما تعدا كلمتين
التقينا عند "أحبــك"..وافترقنا عند "بــــاي"
 

فـيـ الـكـعـبـي ـصـل

¬°•|شاعر الشلّة |•°¬
إنضم
11 يوليو 2010
المشاركات
4,225
الإعجابات
0
الإقامة
البريمي
#2
لعنبو قصة غرام كل أبوها كلمتين
التقينا عند أحبك وافترقنا عند باي



قصيده جدا جميييله ..

صح الله لسانج أختي على هذا الابداااع.. وما قصرتي.

كلمات وأبيات رائعه وتريح نفس القارئ..

تقبلي مروري . وتستاهلي التقيييم
 

رحآيل

¬°•| مُشْرِفة سابقة |•°¬
إنضم
29 أكتوبر 2009
المشاركات
4,647
الإعجابات
0
العمر
24
الإقامة
حيث عآش آلبشر ، وسيظلون حتى ينتهي آلقدر ~ْ
#5
قصيدة طر الصراحة .,
تسلمين أختي الأمورة .,
:imuae29:
 
أعلى