ليش هالأسلوووب

[دموع الشوق]

لكل عالي في الجو لابد له سقطه

والي ارتفع مهما ارتفع لابد له يسقط

"
"
"
بصراحه أشفق ع هاي نوعيه من ناس ما يعرفوا انه مثل م الله عطاهم يقدر ياخذ منهم سبحان الله وش قلوبهم الله يهديهم....

"
"

بس أنا اعرف وش الغرض بس عسب يضحكون الي عندهم ع حساب اهانت غيرهم انا وايد شفت مثل هالمواقف خصوصا عند الي يبعون البطاقات في شوارع يفتحون الجامه لهم و لما يقربون يصكرون الجامه ويعطوهم بويل ...
مره ولد العم جان مار بشارع كله اسيويين جان يفتح الجامه والي يطوف عليه كفخه في ظهر الله يهديه وانا كاسرين خاطري مهما صار لازم نكرمهم لانهم متغربين ف بلانا ع شان لقمة العيش ...
"
"
يسلموا ع الطرح الموضوع الجميل
​

 

[شعشبونه]

والله في رايي هآ انسان مريظ :confident:
هع آلله بيعآقبه

 

[الطرف الذبوحي]

والله في رايي هآ انسان مريظ :confident:
هع آلله بيعآقبه

 

[الفراشة الحالمة]

هذا الشخص راح يجيه يوم ينذل مثل ما ذل هالمسكين لانه في مقولة لا تتصدق على الفقير بس لا تضربه وكما تدين تدان

 

[رهييب]

أولا جزيل الشكر لطارحة الموضوع ... موضوعي نقاشي بناء جدا

مررت على عدة مواقف مثل هذي ،،، وتستغرب حدوثها ليس لشي انما ان هذا فقير وانا غني ... نسو ان المال مال الله .... سبحان الله

لكن بخبرك شي لو هذاك الشخص البيزات اللي عنده تعبان عليهن وكاد فالشمس صدقيني كان بيعررف قيمة الشمس وحرارتها وبدل ما كان يرمي اغراضه كان بيعطيه لو شي شي قليل.
​

 

[غالي الأثمان]

بسم الله الرحمن الرحيم..

بالفعل موقف محزن ومثير للشفقه..هذيلا اخوانا فمايصير نتمصخر عليهم لانهم اقل منصب منا..

حقيقةً دائما تصادفني مثل هذه المواقف وتكاد الدمعه تنحدر من عيني عند رؤيتي لمثل هذه المواقف..

واغلب الشباب مايقدروا ويتموا يتمصخروا ع الشخص الوافد..الله يهديهم بس..

ونتمنى تكون اساليبنا محترمه مع الاشخاص الوافدين..

الف شكر لك اختي ع الطرح وتستحقي التقييم..

 

[Queen Love]

لاحوله ولاقوة الا بالله
يعني قلة احترام قلة ذوق شويه عليه
ياكبرها عند الله
بس دواه حد يقفطه ويادبه جدام الناس عشان يتعلم مرة ثانيه كيف يغتر بعمره وع شو ياحظي هالغرور
من زين الاخلاق والا من زين السمعة الطيبه ..
عافاني الله ..
لو مكانج بلعن خيره لعاان وبأدبه عشان مرة ثانيه يستحي ع دمه ومايغتر بعمره







تسلمين اختي ع الموضوع بس ماكد صارلي جي موقف

 

[الطرف الذبوحي]

بسم الله الرحمن الرحيم..

بالفعل موقف محزن ومثير للشفقه..هذيلا اخوانا فمايصير نتمصخر عليهم لانهم اقل منصب منا..

حقيقةً دائما تصادفني مثل هذه المواقف وتكاد الدمعه تنحدر من عيني عند رؤيتي لمثل هذه المواقف..

واغلب الشباب مايقدروا ويتموا يتمصخروا ع الشخص الوافد..الله يهديهم بس..

ونتمنى تكون اساليبنا محترمه مع الاشخاص الوافدين..

الف شكر لك اختي ع الطرح وتستحقي التقييم..

الف شكر لك اخويااا ع التقيم ويسعدني مرورك ​

 

[أسطورة روح]

يكفيه حديث المصطفى العدنان " لا يدخل الجنه من كان في قلبه مثقال ذرة من كبر"

والله حرام

ناس متكبرة بشكل فضيع الحين بايه اعرف مو استفاد يوم سوا كذاك؟؟!!

 

[ابن بغداد]

من تواضع لله رفعه..هاي النوعيات او النفسيات من الناس ممكن يكون في نفسياتها او داخلها مرض العظمه..يتصور الناس اقل منه..او ممكن يصور نفسه هو احسن الناس..و مقياسه للناس هو السياره و البيت وووو..الخ

هذا اقل ما يوصف بأنهو مريض و لازم يتعالج..
يا اختي التواضع من الاخلاق الكريمه..و التواضع صفه محموده و تدل على المحبة و المساواة بين الناس و نشر الالفه بينهم
فالرسول محمد صلى الله عليه و سلم قال..((ان الله تعالى اوحى الى ان تواضعوا حتى لا يفخر احد على احد ولا يبغي احد على احد))صدق رسول الله

شكرا على الموضوع المهم

 

[لمسة شموخي]

بصراحه وقاحه ونذاله بكذا تصرف معقوله في كذا ناس بكذا مشاعر
شنسوي كذا حال الدنيا أختي بذن الله أجرك واصل
الله يكرم الأمه الإسلاميه:imuae83:

 

[غلا السعيدي]

الموضوع وايد مهم خيتو مهما كان هذولا بشر ولازم نحترم مشاعرهم على الاقل والتكبر صاير هالايام مع الكل ربي ما ينسا عبده مهما كان وجزاك الله خير على تصرفك الطيب معاه

 

[إحسآإسي غير]

:facepalm:
لاحول ولا قوة الا بالله
طبعا هالنوع من الناس انا مرررررره اكرهههم مدري احس عمري م اطيق اشوفهم بسبب غرورهم و تكبرهم ع الناس
ليش التكبر على الناس ( وخاصه على من هم أقل منصب منا )؟؟؟
طبعا هذا اذا دل على شي فهو يدل على ضعف ايمان الشخص و قلة تربيته على الاخلاق الدينيه
تقبلو مروري
.
.
.
شموخي تعداك :00100:

 

[قرصـــ بن كعب ـــآن]

:a054:
وخيتي هذآ مو بس ضعف إيمآن وقلة آدب

هذآ يعوض عن نقص فيهـ ولو ترجعوآ لآصله بتلآقوه مآ يشرف:bomb:

سوري ع المدآخلهـ:00100:​

 

[محمد خررررررررباش]

كل شخص وتفكيره

في ناس اخلاقهم ما تسمحل لهم

هههههههههههه :6u7:

 

[سلطان بو محمد]

هلا : -
الموقف يتكرر من الناس اللي شايفه نفسها . وطبعا اللكزس 2010 له نصيب من الغرور اللي ف صاحبابنا - ومع احترامي واحترامي الشديد اتوقع السيارة رقم الامارات طبعا - ومع الاحترام والتقدير لاهلنا بالامارات طبعا .:gd:

 

[بنت...الكعبي]

الســـــــــــــــــــلام عليكم"

عاد احم مرحبااا

اولا مشكوره اختي ع الطرح وع النقل بعد من موقع الحدث

عندي رمسه صغيرونه هالكبر :imuae67:

سبحااان ربج من خلق وفرق

الاوادم اطباااع واجناس احيان حنا نقول ان التربيه اتسوي جيه

لكن ياما شفنا عوايل تبارك الله سنع وادب ودين وتحصل واحد من العيال شاذ عن القاعده

ليش ياااربي؟؟؟ وايد في اسباب ومن ضمنها الربعه

لكن طبعا مش الكل

شو المقصد من هالرمسه بقول ان هالشخص محد يعرف شو كانت نفسيته بالضبط

والله صج وايد ناس مايعرفون يسيطرون ع نفسم
بس انا ماأبرر الموقف لي سواه

لن بصرااحه لو كنت مكان لي كان يبيع احتمال ازخه واسدحه وادوسه بناقلة نفط لوووول خيبه!!

بس صدقيني يوووم لك ويوووم عليك

وبعد مانسى ان الجنه حرمت على من كان في قلبه مثقال ذره من كبر

ويمكن هالمتسول مكانته عند الله اعلى واكبر

وبس

دمتم بود

 

[دموعي حروفي]

بالفعل الموقف محزن ف رؤية هذه المواقف بس ما نقول الا لا حول ولا قوة الا بالله

اخواني واخواتي الاعضاء مهما سوى الانسان من عمل طالح لا تسبوه قولوا بس الله يهديه ويهدينا جميعا ويساعد هذا البائع ترا هذا كله من عمل الشيطان والانسان يغلط ويمكن يتحسن ف الايام الجاية اذا ذكرتوا الله ودعيتوا لهذا الانسان بالهداية وتحسين اسلوبه مع الناس الاخرين وعدم التكبر...

بالطبع صفة الكبر مرض نفسي لابد علاجه فالله قادر على كل شي ف ازالة اي نعمة جعلت ذلك الانسان يتكبر فلو يتفكر الانسان قليلا لما تكبر على غيره

ترى الناس صغارا من قمة الجبل ويرونك اصغر....

 

[الطرف الذبوحي]

سلمت يمناااكم اخواني الأعضاء على ردودكم الطيبه .....

ولاتنسون ربكم فوووق وكما تدين تدان ... الله يسامح كل من تكبر وتعالا على الناس .

ومافي شي أحلى من التواااااضع صدقوني عمره المال والجاه مازاااد شي كله وصخ دنياااا ومصيره الزوااال ... والله انى مانبغي شي من هالدنيا غير عملنا الصالح ...

((اللهم ازقنا الجنه وجنبنا غضبك وسخطك))

الف شكر لكم

تحياتي :imuae83::imuae83:... ​