برياني اللحم

[العيناويه3]

قربوا حياكم وسامحونا على القصور ..
امس كان يوم المطبخ العالمي خخخخ سويت غدا ووزعته على الجيران والعصر سوينا المحشي .. قولو ما شالله
..المقادير ..
لحم غنم ..عيش .. صبغه عيش (حسب الرغبه)..بهارات حب

الحشوه ..بطاطس مقطع مكعبات ومقلي ..فلفل رومي مقطع ومقلي ..بصل مقطع شرائح ومقلي .. فطر ..حمص حب ..صلصل ..زعفران ..هال مطحون ..فلفل اسود ..كاري او بزار ..ملح
الطريقه::::
نحط اللحم في جدر فيه ماي والبهارات الحب وملح ونسلقه لحد ما ينضج ..بعدين نطلع اللحم من الجدر ونترك الماي لانا بنطبخ فيه العيش .. بعدين نحط اللحم في صينيه الفرن وندهنه (صلصل +زعفران +هال +شوي بزار +شوي ماي ) وندخله الفرن



وهذا شكله بعد ما طلعناه من الفرن


نسلق العيش في ماي اللحم ونشخله ..بعدين نحط كل مقادير الحشوه في الجدر ويحرك مع بعض وناخذ كميه منه للزينه ..بعدين نحط نص كميه العيش ونقلب العيش مع الحشوه وبعدين نحط الصبغه واذا حابين زعفران زياده ونغطيه ونخليه شوي على النار حتى التقديم

هاي صوره الحشوه



وهذا للزينه ..



العيش ...انا ما حطيت عليه الصبغه ..ما عندي ..



وهذا الشكل النهائي .... حلو لو بتحطون بيض معاه






هااااااااااااه شو رايكم .... يا ويلله اللي يقول مب حلووووووو ...:182fd25f9b06446ba41
...اللي حابه يسوي الطريقه بالدياي ..بعد يطلع وايد حلو

 

[[ود]]

 

[العيناويه3]

شكرا دهن عوود انتي الروعه حبوبه ...اسعدني ردج ..لا هنتي :imuae62:

 

[الشامسية]

يا سلام عليج اختي محد يتحداج في الطبخ فينا
غريبة ما شفت موضوعج والله توني شفته :7btain:
بصراحة عجيب
تستاهلين احلى تقيم مني
الله يعطيج الصحة والعافية
بالتوفيق لج أختي العزيزة ​

 

[شآمسية البريمي]

ناااااااايص

:32:

من وين شارين الذبيحه ؟؟

عندهم صخلات هناك ؟؟ :32:

خخخخخخخخ

يسلم الديات خيتووووووو

شكله لظيظ

لا هنتي ع الطرح

 

[إنسآنـﮧ]

يسلموووووو العيناوية

ما شاء الله عليج فنانه فالطبخ

:imuae65:

تستاهلين التقيم

 

[موت وميلاد]

شكله رووووعه ما شاء الله

تسلمين اختى ع الطريقه الحلوه

ما قصرتي ...

 

[الطرف الذبوحي]

ابااااج تعزميني يوم وحده فبيتكم .. عشان اذوق اكلج الطيب يم يم تسلم ايدج فديتج ​

 

[Queen Love]

تسلم الانامل ع البرياني

 

[شووق قطر]

يـــمآآل العآآفيه

الصرآحه شكله مررررررررررررره حييل:1422af4c52b5c5ae9e7

و




ربي يعطيج العآفيه وتسلم ايآديج

 

[العيناويه3]

شكرا حبايبي على المرور الطيب ...الله لا هانكم
شامسيه البريمي هيه عندنا صخلات تبين وحده خخخ ...الشباب يروحون المزارع ويشترون ذبايح ويذبحونهن ويوزعونهن على البقيه يزاهم الله خير ويرزقهم جميعا