البقلاوة بالبف بيستري ... حلى لا يقاوم

[[ود]]

البقلاوة بالبف بيستري

المكونات

1. عجينة الرقائق الهشة( باف بيستري)
2. ربع اصبع زبدة
3. علبة حليب مركز محلى
4.شعيرية
5.مكسرات مجروشة
6. اختياري (( ملعقة شاي قرفه باودر او هيل))




نحط الشعيرية في جدر ونحمصها على النار



نحط الزبدة ونخليها تذوب في الشعيرية على نا خفيفة وبعدها نطفي عليها



نضيف ثلاثة أرباع الحليب المحلى او اقل او اكثر على حسب الرغبة



نحط المكسرات



ونتركه على صوب عشان يبرد

والحين نبتدي في العجيبنة وهذا شكلها اول ماتفتحينها



نقطعها لعده قطع



ناخذ قطعه ونفردها وكثر مانقدر نسويها رقيقة



ناخذ الحشوة اللي جهزناها ونصفها بهالطريقة



نلفها لفة وحدة فقط مب وايد مثل مانتو شايفين ونقص الزوايد بعدين




نقطعها لقطع متساوية




بعدها نصف الي سويناه في صينية مدهونه بقليل من الزيت وندخلهم في فرن لمدة نصف ساعه او اكثر على حسب الفرن.



وهني نصفهم ونحط باجي الحليب المحلى فووووقهم وهذي الشكل النهائي



الموضوع منقول ، عجبني وحبيت تستفيدون من الطريقة .

هني وعافية

 

[Queen Love]

يم يم شكلها ديلشز

يسلموو ع الطبق

 

[شآمسية البريمي]

روعه شكلهأآ

:approved:

يسلم الديات يا ذوق !

 

[[ود]]

بالعافية عليكم
جربوهااا

 

[فـيـ الـكـعـبـي ـصـل]

ياسلام ... ابداااع ..

زين أنا ماعرف.... سويلنا انتي وتعالي خلينا نتذوق.. هع


ربي يعطيج العافيه أختي ع الطرح ... وتستاهلي التقييييم

 

[لن أقف دون الجنة]

واااااااااااو تسلم أيدج الغاليه عيبتني الطريقة بحاول أسويها في رمضان >>متعايزه أحين هع :icon_smile_big:

 

[[ود]]

هني وعافية عليكم جميعاااا

 

[[ود]]

فيصل الكعبي أخوي ألف شكر على التقييم

 

[[ود]]

لن أقف دون الجنة أشكرج عالمرور

سويها في رمضان وللعيد راقية

 

[•¦{ آلبُريْمِے دَآرِيْ }¦•]

شكلها وايد حلو ..

ماقصرتي وننتظر كل جديد

 

[الشامسية]

يا سلام بصراحة رووووووووووووووووعة عجبتني :35:
ما شاء الله عليج اختي مب مقصرة في القسم
تستاهلين الف شكر على مجهودج الطيب
بانتظار جديدج فديتج
الله يعطيج الصحة والعافية
بالتوفيق لج​

 

[منى الروح]

يمييييي شكلها حماااس :bounce:


انا مره سويت ام علي لاكن لو شفتوها بتموتو ضحك ماعرف اسويها عدل

قسم صارت ام خلفان ههههه


.

 

[[ود]]

الشامسية ... ما عليج زود

كل الشكر لج عالمرور و التعليق الحلووو

 

[[ود]]

منى الروح ،،، هني وعافية على قلبج

صارت أم خلفان ههههههههههههه /// موفقة في المرة الياية

 

[شووق قطر]

تسلميين دهن ع الوصفه اللزيييزه

 

[[ود]]

العفو خيتووو من ذوقج