تجيني طيف يا عمري‏‎

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
6%20(1).gif





تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك
...
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
...
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك
...
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك
...
قضى دمعي من عيوني ابي من عينك ابكي لـك
ابنثر من ورا عيوني.. دمـوع عيـون ترحالـك
...
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك
...
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك
...
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك
...
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك
...
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
...
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك
...
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك
...
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!
...
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك
...
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك
...
وقف دمعي من عيوني.ابي من عينك ابكي لـك
اخاف ابكي من عيوني..! وابعثر جيت وصالـك..!

 

شناصيه عسوله

¬°•| للتميـز عنـوان |•°¬
إنضم
14 مايو 2011
المشاركات
2,456
العمر
34
صح لسانك واعتلا شانك..

لا هنت وربي لا هنت ع القصيده الرااااااااااااااااائعه بصراحه

ربي يعطيك ألف عافيه

تقبل مروري
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
مرورج أسعدني خيتو وأثلج صدري,,,,

ربي يعافيج ويسلمج من كل شر,,,

نورتي متصفحي بردج,,,

:imuae32:
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
ربي يسلمج من كل باس اختي ,,, وشاكر طلتج ,, نورتينا,,

:47:
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
صح بدنكم وربي يسلمكم من كل شر ,,, شاكر تواجدكم,,
 
أعلى